헬라어 문장 검색 - Διοδορ́Βιβλιοτ́5́40́

(디오도로스 시켈로스, Bibliotheca Historica, book 5, chapter 39)

ἡμεῖσ δ’ ἐπεὶ τὰ κατὰ τοὺσ Γαλάτασ καὶ τοὺσ Κελτίβηρασ, ἔτι δ’ Ἴβηρασ διήλθομεν, ἐπὶ τοὺσ Λίγυασ μεταβησόμεθα. οὗτοι γὰρ νέμονται μὲν χώραν τραχεῖαν καὶ παντελῶσ λυπράν, τοῖσ δὲ πόνοισ καὶ ταῖσ κατὰ τὴν λειτουργίαν συνεχέσι κακοπαθείαισ ἐπίπονόν τινα βίον καὶ ἀτυχῆ ζῶσι. καταδένδρου γὰρ τῆσ χώρασ οὔσησ, οἱ μὲν αὐτῶν ὑλοτομοῦσι δἰ ὅλησ τῆσ ἡμέρασ σιδηροφοροῦντεσ ἐνεργοὺσ πελέκεισ καὶ βαρεῖσ, οἱ δὲ τὴν γῆν ἐργαζόμενοι τὸ πλέον πέτρασ λατομοῦσι διὰ τὴν ὑπερβολὴν τῆσ τραχύτητοσ·

οὐδεμίαν γὰρ βῶλον τοῖσ ἐργαλείοισ ἀνασπῶσιν ἄνευ λίθου. καὶ τοιαύτην ἔχοντεσ ἐν τοῖσ ἔργοισ κακοπάθειαν τῇ συνεχείᾳ περιγίνονται τῆσ φύσεωσ, καὶ πολλὰ μοχθήσαντεσ ὀλίγουσ καρποὺσ καὶ μόγισ λαμβάνουσι. διὰ δὲ τὴν συνέχειαν τῶν γυμνασιῶν καὶ τὸ τῆσ τροφῆσ ἐλλιπὲσ τοῖσ σώμασιν ὑπάρχουσιν ἰσχνοὶ καὶ εὔτονοι. πρὸσ δὲ τὴν κακοπάθειαν ταύτην συνεργοὺσ ἔχουσι τὰσ γυναῖκασ, εἰθισμένασ ἐπ’ ἴσησ τοῖσ ἀνδράσιν ἐργάζεσθαι. κυνηγίασ δὲ ποιοῦνται συνεχεῖσ, ἐν αἷσ πολλὰ τῶν θηρίων χειρούμενοι τὴν ἐκ τῶν καρπῶν σπάνιν διορθοῦνται.

διόπερ ἐμβιοῦντεσ ὄρεσι χιονοβολουμένοισ καὶ τραχύτητασ ἀπίστουσ ὀρειβατεῖν εἰωθότεσ, εὔτονοι καὶ μυώδεισ γίνονται τοῖσ σώμασιν. ἔνιοι δὲ διὰ τὴν παρ’ αὐτοῖσ σπανοκαρπίαν πίνουσι μὲν ὕδωρ, σαρκοφαγοῦσι δὲ τὰσ τῶν ἡμέρων τε καὶ ἀγρίων ζῴων σάρκασ καὶ τῶν ἀπὸ τῆσ χώρασ λαχάνων ἐμπίμπλανται, τὴν χώραν ἔχοντεσ ἄβατον τοῖσ προσφιλεστάτοισ τῶν θεῶν Δήμητρι καὶ Διονύσῳ.

νυκτερεύουσι δ’ ἐπὶ τῆσ χώρασ σπανίωσ μὲν ἔν τισιν εὐτελέσιν ἐπαύλεσιν ἢ καλιαῖσ, τὰ δὲ πολλὰ ἐν ταῖσ κοίλαισ πέτραισ καὶ σπηλαίοισ αὐτοφυέσι καὶ δυναμένοισ σκέπην ἱκανὴν παρέχεσθαι.

ἀκολούθωσ δὲ τούτοισ καὶ τἄλλα ποιοῦσι, διαφυλάττοντεσ τὸν ἀρχαῖον καὶ ἀκατάσκευον βίον.

καθόλου δ’ ἐν τοῖσ τόποισ αἱ μὲν γυναῖκεσ ἀνδρῶν, οἱ δ’ ἄνδρεσ θηρίων ἔχουσιν εὐτονίαν καὶ ἀλκήν. πολλάκισ γοῦν φασιν ἐν ταῖσ στρατείαισ τὸν μέγιστον τῶν Γαλατῶν ὑπὸ Λίγυοσ ἰσχνοῦ παντελῶσ ἐκ προκλήσεωσ μονομαχήσαντα ἀνῃρῆσθαι. ὁπλισμὸν δ’ ἔχουσιν οἱ Λίγυεσ ἐλαφρότερον τῶν Ῥωμαίων τῇ κατασκευῇ·

σκεπάζει γὰρ αὐτοὺσ παραμήκησ θυρεὸσ εἰσ τὸν Γαλατικὸν ῥυθμὸν δεδημιουργημένοσ καὶ χιτὼν συνειλημμένοσ ζωστῆρι, καὶ περιτίθενται θηρίων δορὰσ καὶ ξίφοσ σύμμετρον· τινὲσ δ’ αὐτῶν διὰ τὴν ἐπιμιξίαν τῆσ Ῥωμαίων πολιτείασ μετεσχημάτισαν τὸν ὁπλισμόν, ἐξομοιοῦντεσ ἑαυτοὺσ τοῖσ ἡγουμένοισ. θρασεῖσ δ’ εἰσὶ καὶ γενναῖοι οὐ μόνον εἰσ πόλεμον, ἀλλὰ καὶ πρὸσ τὰσ ἐν τῷ βίῳ περιστάσεισ τὰσ ἐχούσασ δεινότητασ.

ἐμπορευόμενοι γὰρ πλέουσι τὸ Σαρδόνιον καὶ τὸ Λιβυκὸν πέλαγοσ, ἑτοίμωσ ἑαυτοὺσ ῥιπτοῦντεσ εἰσ ἀβοηθήτουσ κινδύνουσ· σκάφεσι γὰρ χρώμενοι τῶν σχεδιῶν εὐτελεστέροισ καὶ τοῖσ ἄλλοισ τοῖσ κατὰ ναῦν χρησίμοισ ἥκιστα κατεσκευασμένοισ ὑπομένουσι τὰσ ἐκ τῶν χειμώνων φοβερωτάτασ περιστάσεισ καταπληκτικῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 39

(디오도로스 시켈로스, Bibliotheca Historica, book 5, chapter 39)

상위

목록

SEARCH

MENU NAVIGATION