헬라어 문장 검색 - Διοδορ́Βιβλιοτ́5́38́

(디오도로스 시켈로스, Bibliotheca Historica, book 5, chapter 37)

μεγάλην δ’ ἔχει παραλλαγὴν τὰ μέταλλα ταῦτα συγκρινόμενα τοῖσ κατὰ τὴν Ἀττικήν. ἐκεῖνα μὲν γὰρ οἱ μεταλλεύοντεσ καὶ πρὸσ ταῖσ ἐργασίαισ μεγάλασ προϊέμενοι δαπάνασ ἃ μὲν ἤλπισαν ἐνίοτε λαβεῖν οὐκ ἔλαβον, ἃ δ’ εἶχον ἀπέβαλον, ὥστε δοκεῖν αὐτοὺσ ὥσπερ αἰνίγματοσ τρόπον ἀτυχεῖν· οἱ δὲ κατὰ τὴν Σπανίαν μεταλλουργοὶ ταῖσ ἐλπίσι μεγάλουσ σωρεύουσι πλούτουσ ἐκ τούτων τῶν ἐργασιῶν.

τῶν γὰρ πρώτων ἔργων ἐπιτυγχανομένων διὰ τὴν τῆσ γῆσ εἰσ τοῦτο τὸ γένοσ ἀρετὴν ἀεὶ μᾶλλον εὑρίσκουσι λαμπροτέρασ φλέβασ, γεμούσασ ἀργύρου τε καὶ χρυσοῦ· πᾶσα γὰρ ἡ σύνεγγυσ γῆ διαπέπλεκται πολυμερῶσ τοῖσ ἑλιγμοῖσ τῶν ῥάβδων. ἐνίοτε δὲ καὶ κατὰ βάθουσ ἐμπίπτουσι ποταμοῖσ ῥέουσιν ὑπὸ τὴν γῆν, ὧν τῆσ βίασ περιγίνονται διακόπτοντεσ τὰσ ῥύσεισ αὐτῶν τὰσ ἐμπιπτούσασ τοῖσ ὀρύγμασι πλαγίοισ.

ταῖσ γὰρ ἀδιαψεύστοισ τοῦ κέρδουσ προσδοκίαισ πιεζόμενοι πρὸσ τὸ τέλοσ ἄγουσι τὰσ ἰδίασ ἐπιβολάσ, καὶ τὸ πάντων παραδοξότατον, ἀπαρύτουσι τὰσ ῥύσεισ τῶν ὑδάτων τοῖσ Αἰγυπτιακοῖσ λεγομένοισ κοχλίαισ, οὓσ Ἀρχιμήδησ ὁ Συρακόσιοσ εὑρ͂εν, ὅτε παρέβαλεν εἰσ Αἴγυπτον· διὰ δὲ τούτων συνεχῶσ ἐκ διαδοχῆσ παραδιδόντεσ μέχρι τοῦ στομίου, τὸν τῶν μετάλλων τόπον ἀναξηραίνουσι καὶ κατασκευάζουσιν εὔθετον πρὸσ τὴν τῆσ ἐργασίασ πραγματείαν. φιλοτέχνου δ’ ὄντοσ τοῦ ὀργάνου καθ’ ὑπερβολήν, διὰ τῆσ τυχούσησ ἐργασίασ ἄπλατον ὕδωρ ἀναρριπτεῖται παραδόξωσ, καὶ πᾶν τὸ ποτάμιον ῥεῦμα ῥᾳδίωσ ἐκ βυθοῦ πρὸσ τὴν ἐπιφάνειαν ἐκχεῖται.

θαυμάσαι δ’ ἄν τισ εἰκότωσ τοῦ τεχνίτου τὴν ἐπίνοιαν οὐ μόνον ἐν τούτοισ, ἀλλὰ καὶ ἐν ἄλλοισ πολλοῖσ καὶ μείζοσι, διαβεβοημένοισ κατὰ πᾶσαν τὴν οἰκουμένην, περὶ ὧν τὰ κατὰ μέροσ ὅταν ἐπὶ τὴν Ἀρχιμήδουσ ἡλικίαν ἔλθωμεν ἀκριβῶσ διέξιμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 37

(디오도로스 시켈로스, Bibliotheca Historica, book 5, chapter 37)

상위

목록

SEARCH

MENU NAVIGATION