헬라어 문장 검색 - Διοδορ́Βιβλιοτ́5́37́

(디오도로스 시켈로스, Bibliotheca Historica, book 5, chapter 36)

ὕστερον δὲ πολλοῖσ χρόνοισ οἱ μὲν Ἴβηρεσ μαθόντεσ τὰ περὶ τὸν ἄργυρον ἰδιώματα κατεσκεύασαν ἀξιόλογα μέταλλα· διόπερ ἄργυρον κάλλιστον καὶ σχεδόν τι πλεῖστον κατασκευάζοντεσ μεγάλασ ἐλάμβανον προσόδουσ. ὁ δὲ τρόποσ τῆσ μεταλλείασ καὶ τῶν ἔργων τοιοῦτόσ τίσ ἐστι παρὰ τοῖσ Ἴβηρσιν. ὄντων χαλκοῦ καὶ χρυσοῦ καὶ ἀργύρου μετάλλων θαυμαστῶν, οἱ μὲν ἐργαζόμενοι τὰ χαλκουργεῖα τὸ τέταρτον μέροσ χαλκοῦ καθαροῦ ἐκ τῆσ ὀρυττομένησ γῆσ λαμβάνουσι, τῶν δ’ ἀργυρευόντων τινὲσ ἰδιωτῶν ἐν τρισὶν ἡμέραισ Εὐβοϊκὸν ἐξαίρουσι τάλαντον·

πᾶσα γὰρ ἡ βῶλόσ ἐστι ψήγματοσ συμπεπηγότοσ καὶ ἀπολάμποντοσ μεστή. διὸ καὶ θαυμάσαι τισ ἂν τήν τε τῆσ χώρασ φύσιν καὶ τὴν φιλοπονίαν τῶν ἐργαζομένων αὐτὴν ἀνθρώπων. τὸ μὲν οὖν πρῶτον οἱ τυχόντεσ τῶν ἰδιωτῶν προσεκαρτέρουν τοῖσ μετάλλοισ, καὶ μεγάλουσ ἀπεφέροντο πλούτουσ διὰ τὴν ἑτοιμότητα καὶ δαψίλειαν τῆσ ἀργυρίτιδοσ γῆσ·

ὕστερον δὲ τῶν Ῥωμαίων κρατησάντων τῆσ Ἰβηρίασ, πλῆθοσ Ἰταλῶν ἐπεπόλασε τοῖσ μετάλλοισ, καὶ μεγάλουσ ἀπεφέροντο πλούτουσ διὰ τὴν φιλοκερδίαν. ὠνούμενοι γὰρ πλῆθοσ ἀνδραπόδων παραδιδόασι τοῖσ ἐφεστηκόσι ταῖσ μεταλλικαῖσ ἐργασίαισ·

οὗτοι δὲ κατὰ πλείονασ τόπουσ ἀνοίξαντεσ στόμια καὶ κατὰ βάθουσ ὀρύττοντεσ τὴν γῆν ἐρευνῶσι τὰσ πολυαργύρουσ καὶ πολυχρύσουσ πλάκασ τῆσ γῆσ· καταβαίνοντέσ τε οὐ μόνον εἰσ μῆκοσ, ἀλλὰ καὶ εἰσ βάθοσ παρεκτείνοντεσ ἐπὶ πολλοὺσ σταδίουσ τὰ ὀρύγματα, καὶ πλαγίασ καὶ σκολιὰσ διαδύσεισ ποικίλωσ μεταλλουργοῦντεσ, ἀνάγουσιν ἐκ βυθῶν τὴν τὸ κέρδοσ αὐτοῖσ παρεχομένην βῶλον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 36

(디오도로스 시켈로스, Bibliotheca Historica, book 5, chapter 36)

상위

목록

SEARCH

MENU NAVIGATION