헬라어 문장 검색 - Διοδορ́Βιβλιοτ́5́36́

(디오도로스 시켈로스, Bibliotheca Historica, book 5, chapter 35)

ἐπεὶ δὲ τὰ περὶ τῶν Ἰβήρων διήλθομεν, οὐκ ἀνοίκειον εἶναι διαλαμβάνομεν περὶ τῶν ἐν αὐτῇ μετάλλων ἀργυρείων διελθεῖν· αὕτη γὰρ ἡ χώρα σχεδόν τι πλεῖστον καὶ κάλλιστον ἔχει μεταλλευόμενον ἄργυρον καὶ πολλὰσ τοῖσ ἐργαζομένοισ παρέχεται προσόδουσ. εἴρηται μὲν οὖν ἡμῖν καὶ ἐν ταῖσ πρὸ ταύτησ βίβλοισ ἐν ταῖσ περὶ Ἡρακλέουσ πράξεσι τὰ κατὰ τὴν Ἰβηρίαν ὄρη τὰ καλούμενα Πυρηναῖα·

ταῦτα δὲ καὶ κατὰ τὸ ὕψοσ καὶ κατὰ τὸ μέγεθοσ ὑπάρχει διάφορα τῶν ἄλλων· παρήκει γὰρ ἀπὸ τῆσ κατὰ τὴν μεσημβρίαν θαλάττησ σχεδὸν ἄχρι πρὸσ τὸν ὑπὸ τὰσ ἄρκτουσ ὠκεανόν, διείργοντα δὲ τὴν Γαλατίαν καὶ τὴν Ἰβηρίαν, ἔτι δὲ τὴν Κελτιβηρίαν, παρεκτείνει σταδίουσ ὡσ τρισχιλίουσ. πολλῶν δ’ ὄντων ἐν αὐτοῖσ δρυμῶν καὶ πυκνῶν τοῖσ δένδρεσι, φασὶν ἐν τοῖσ παλαιοῖσ χρόνοισ ὑπό τινων νομέων ἀφέντων πῦρ κατακαῆναι παντελῶσ ἅπασαν τὴν ὀρεινὴν χώραν·

διὸ καὶ συχνὰσ ἡμέρασ συνεχῶσ πυρὸσ ἐπιφλέγοντοσ καῆναι τὴν ἐπιφάνειαν τῆσ γῆσ, καὶ τὰ μὲν ὄρη διὰ τὸ συμβεβηκὸσ κληθῆναι Πυρηναῖα, τὴν δ’ ἐπιφάνειαν τῆσ κατακεκαυμένησ χώρασ ἀργύρῳ ῥυῆναι πολλῷ, καὶ χωνευθείσησ τῆσ φύσεωσ, ἐξ ἧσ ὁ ἄργυροσ κατασκευάζεται, ῥύακασ γενέσθαι πολλοὺσ ἀργύρου καθαροῦ. τῆσ δὲ τούτου χρείασ ἀγνοουμένησ παρὰ τοῖσ ἐγχωρίοισ, τοὺσ Φοίνικασ ἐμπορίαισ χρωμένουσ καὶ τὸ γεγονὸσ μαθόντασ ἀγοράζειν τὸν ἄργυρον μικρᾶσ τινοσ ἀντιδόσεωσ ἄλλων φορτίων.

διὸ δὴ τοὺσ Φοίνικασ μετακομίζοντασ εἴσ τε τὴν Ἑλλάδα καὶ τὴν Ἀσίαν καὶ τἄλλα πάντα ἔθνη μεγάλουσ περιποιήσασθαι πλούτουσ. ἐπὶ τοσοῦτο δὲ τοὺσ ἐμπόρουσ διατεῖναι τῆσ φιλοκερδίασ, ὥστε ἐπειδὰν καταγόμων ὄντων τῶν πλοίων περιττεύῃ πολὺσ ἄργυροσ, ἐκκόπτειν τὸν ἐν ταῖσ ἀγκύραισ μόλιβδον, καὶ ἐκ τοῦ ἀργύρου τὴν ἐκ τοῦ μολίβδου χρείαν ἀλλάττεσθαι. διόπερ ἐπὶ πολλοὺσ χρόνουσ οἱ Φοίνικεσ διὰ τῆσ τοιαύτησ ἐμπορίασ ἐπὶ πολὺ λαβόντεσ αὔξησιν ἀποικίασ πολλὰσ ἀπέστειλαν, τὰσ μὲν εἰσ Σικελίαν καὶ τὰσ σύνεγγυσ ταύτησ νήσουσ, τὰσ δ’ εἰσ τὴν Λιβύην καὶ Σαρδόνα καὶ τὴν Ἰβηρίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 35

(디오도로스 시켈로스, Bibliotheca Historica, book 5, chapter 35)

상위

목록

SEARCH

MENU NAVIGATION