헬라어 문장 검색 - Διοδορ́Βιβλιοτ́5́35́

(디오도로스 시켈로스, Bibliotheca Historica, book 5, chapter 34)

τοῖσ δ’ ἤθεσι πρὸσ μὲν τοὺσ κακούργουσ καὶ πολεμίουσ ὑπάρχουσιν ὠμοί, πρὸσ δὲ τοὺσ ξένουσ ἐπιεικεῖσ καὶ φιλάνθρωποι. τοὺσ γὰρ ἐπιδημήσαντασ ξένουσ ἅπαντεσ ἀξιοῦσι παρ’ αὑτοῖσ ποιεῖσθαι τὰσ καταλύσεισ καὶ πρὸσ ἀλλήλουσ ἁμίλλῶνται περὶ τῆσ φιλοξενίασ· οἷσ δ’ ἂν οἱ ξένοι συνακολουθήσωσι, τούτουσ ἐπαινοῦσι καὶ θεοφιλεῖσ ἡγοῦνται. τροφαῖσ δὲ χρῶνται κρέασι παντοδαποῖσ καὶ δαψιλέσι καὶ οἰνομέλιτοσ πόματι, χορηγούσησ τῆσ χώρασ τὸ μὲν μέλι παμπληθέσ, τὸν δ’ οἶνον παρὰ τῶν ἐπιπλεόντων ἐμπόρων ὠνούμενοι.

χαριέστατον δὲ τῶν πλησιοχώρων ἐθνῶν ἐστι τὸ τῶν Οὐακκαίων ὀνομαζομένων σύστημα·

οὗτοι γὰρ καθ’ ἕκαστον ἔτοσ διαιρούμενοι τὴν χώραν γεωργοῦσι, καὶ τοὺσ καρποὺσ κοινοποιούμενοι μεταδιδόασιν ἑκάστῳ τὸ μέροσ, καὶ τοῖσ νοσφισαμένοισ τι γεωργοῖσ θάνατον τὸ πρόστιμον τεθείκασι. τῶν δ’ Ἰβήρων ἀλκιμώτατοι μέν εἰσιν οἱ καλούμενοι Λυσιτανοί, φοροῦσι δ’ ἐν τοῖσ πολέμοισ πέλτασ μικρὰσ παντελῶσ, διαπεπλεγμένασ νεύροισ καὶ δυναμένασ σκέπειν τὸ σῶμα περιττότερον διὰ τὴν στερεότητα·

ταύτην δ’ ἐν ταῖσ μάχαισ μεταφέροντεσ εὐλύτωσ ἄλλοτε ἄλλωσ ἀπὸ τοῦ σώματοσ διακρούονται φιλοτέχνωσ πᾶν τὸ φερόμενον ἐπ’ αὐτοὺσ βέλοσ. χρῶνται δὲ καὶ σαυνίοισ ὁλοσιδήροισ ἀγκιστρώδεσι, φοροῦσι δὲ κράνη καὶ ξίφη παραπλήσια Κελτίβηρσιν.

ἀκοντίζουσι δ’ εὐστόχωσ καὶ μακράν, καὶ καθόλου καρτεροπληγεῖσ ὑπάρχουσιν. εὐκίνητοι δ’ ὄντεσ καὶ κοῦφοι ῥᾳδίωσ καὶ φεύγουσι καὶ διώκουσι, κατὰ δὲ τὰσ ἐν ταῖσ συστάσεσι τῶν δεινῶν ὑπομονὰσ πολὺ λείπονται τῶν Κελτιβήρων. ἐπιτηδεύουσι δὲ κατὰ μὲν τὴν εἰρήνην ὄρχησίν τινα κούφην καὶ περιέχουσαν πολλὴν εὐτονίαν σκελῶν, ἐν δὲ τοῖσ πολέμοισ, πρὸσ ῥυθμὸν ἐμβαίνουσι καὶ παιᾶνασ ᾅδουσιν, ὅταν ἐπίωσι τοῖσ ἀντιτεταγμένοισ. ἴδιον δέ τι παρὰ τοῖσ Ἴβηρσι καὶ μάλιστα παρὰ τοῖσ Λυσιτανοῖσ ἐπιτηδεύεται·

τῶν γὰρ ἀκμαζόντων ταῖσ ἡλικίαισ οἱ μάλιστα ἀπορώτατοι ταῖσ οὐσίαισ, ῥώμῃ δὲ σώματοσ καὶ θράσει διαφέροντεσ, ἐφοδιάσαντεσ αὑτοὺσ ἀλκῇ καὶ τοῖσ ὅπλοισ εἰσ τὰσ ὀρεινὰσ δυσχωρίασ ἀθροίζονται, συστήματα δὲ ποιήσαντεσ ἀξιόλογα κατατρέχουσι τὴν Ἰβηρίαν καὶ λῃστεύοντεσ πλούτουσ ἀθροίζουσι· καὶ τοῦτο διατελοῦσι πράττοντεσ μετὰ πάσησ καταφρονήσεωσ· κούφοισ γὰρ χρώμενοι καθοπλισμοῖσ καὶ παντελῶσ ὄντεσ εὐκίνητοι καὶ ὀξεῖσ δυσχειρότατοι τοῖσ ἄλλοισ εἰσί. καθόλου δὲ τὰσ ἐν τοῖσ ὄρεσι δυσχωρίασ καὶ τραχύτητασ ἡγούμενοι πατρίδασ εἶναι, εἰσ ταύτασ καταφεύγουσι, δυσδιεξόδουσ οὔσασ μεγάλοισ καὶ βαρέσι στρατοπέδοισ.

διὸ καὶ Ῥωμαῖοι πολλάκισ ἐπ’ αὐτοὺσ στρατεύσαντεσ τῆσ μὲν πολλῆσ καταφρονήσεωσ ἀπέστησαν αὐτούσ, εἰσ τέλοσ δὲ τὰ λῃστήρια καταλῦσαι πολλάκισ φιλοτιμηθέντεσ οὐκ ἠδυνήθησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 34

(디오도로스 시켈로스, Bibliotheca Historica, book 5, chapter 34)

상위

목록

SEARCH

MENU NAVIGATION