헬라어 문장 검색 - Διοδορ́Βιβλιοτ́5́34́

(디오도로스 시켈로스, Bibliotheca Historica, book 5, chapter 33)

ἡμεῖσ δ’ ἀρκούντωσ περὶ Κελτῶν εἰρηκότεσ μεταβιβάσομεν τὴν ἱστορίαν ἐπὶ τοὺσ πλησιοχώρουσ τούτοισ Κελτίβηρασ. οὗτοι γὰρ τὸ παλαιὸν περὶ τῆσ χώρασ ἀλλήλοισ διαπολεμήσαντεσ, οἵ τε Ἴβηρεσ καὶ οἱ Κελτοί, καὶ μετὰ ταῦτα διαλυθέντεσ καὶ τὴν χώραν κοινῇ κατοικήσαντεσ, ἔτι δ’ ἐπιγαμίασ πρὸσ ἀλλήλουσ συνθέμενοι, διὰ τὴν ἐπιμιξίαν ταύτησ ἔτυχον τῆσ προσηγορίασ. δυεῖν δ’ ἐθνῶν ἀλκίμων μιχθέντων καὶ χώρασ ὑποκειμένησ ἀγαθῆσ, συνέβη τοὺσ Κελτίβηρασ ἐπὶ πολὺ τῇ δόξῃ προελθεῖν, καὶ Ῥωμαίοισ πολλοὺσ χρόνουσ ἀντιταξαμένουσ μόγισ καταπολεμηθῆναι. δοκοῦσι δ’ οὗτοι κατὰ τοὺσ πολέμουσ οὐ μόνον ἱππεῖσ ἀγαθούσ, ἀλλὰ καὶ πεζοὺσ παρέχεσθαι διαφόρουσ ταῖσ ἀλκαῖσ καὶ ταῖσ καρτερίαισ.

φοροῦσι δ’ οὗτοι σάγουσ μέλανασ τραχεῖσ καὶ παραπλήσιον ἔχοντασ τὸ ἔριον ταῖσ αἰγείαισ θριξίν. ὁπλίζονται δέ τινεσ τῶν Κελτιβήρων Γαλατικοῖσ θυρεοῖσ κούφοισ, τινὲσ δὲ κυρτίαισ κυκλοτερέσιν ἀσπίδων ἐχούσαισ τὰ μεγέθη, καὶ περὶ τὰσ κνήμασ τριχίνασ εἰλοῦσι κνημῖδασ, περὶ δὲ τὰσ κεφαλὰσ κράνη χαλκᾶ περιτίθενται φοινικοῖσ ἠσκημένα λόφοισ.

ξίφη δ’ ἀμφίστομα καὶ σιδήρῳ διαφόρῳ κεχαλκευμένα φοροῦσιν, ἔχοντεσ σπιθαμιαίασ παραξιφίδασ, αἷσ χρῶνται κατὰ τὰσ ἐν ταῖσ μάχαισ συμπλοκάσ. ἴδιον δέ τι παρ’ αὐτοῖσ ἐστι περὶ τὴν τῶν ἀμυντηρίων κατασκευήν·

ἐλάσματα γὰρ σιδήρου κατακρύπτουσιν εἰσ τὴν γῆν, καὶ ταῦτα ἐῶσι μέχρι ἂν ὅτου διὰ τὸν χρόνον τοῦ ἰοῦ περιφαγόντοσ τὸ ἀσθενὲσ τοῦ σιδήρου καταλειφθῇ τὸ στερεώτατον, ἐξ οὗ κατασκευάζουσι διάφορα ξίφη καὶ τἄλλα τὰ πρὸσ πόλεμον ἀνήκοντα. τὸ δ’ οὕτω κατασκευασθὲν ὅπλον πᾶν τὸ ὑποπεσὸν διαιρεῖ, ἀφ’ οὗπερ οὔτε θυρεὸσ οὔτε κράνοσ οὔτε ὀστοῦν ὑπομένει τὴν πληγὴν διὰ τὴν ὑπερβολὴν τῆσ ἀρετῆσ τοῦ σιδήρου. διμάχαι δ’ ὄντεσ, ἐπειδὰν ἀπὸ τῶν ἵππων ἀγωνισάμενοι νικήσωσι, καταπηδῶντεσ καὶ τὴν τῶν πεζῶν τάξιν μεταλαμβάνοντεσ θαυμαστὰσ ποιοῦνται μάχασ.

ἴδιον δέ τι καὶ παράδοξον νόμιμον παρ’ αὐτοῖσ ἐστιν· ἐπιμελεῖσ γὰρ ὄντεσ καὶ καθάρειοι ταῖσ διαίταισ ἓν ἔργον ἐπιτηδεύουσι βάναυσον καὶ πολλῆσ ἀκαθαρσίασ κεκοινωνηκόσ· παρ’ ἕκαστα γὰρ τὸ σῶμα λοῦσιν οὔρῳ, καὶ τοὺσ ὀδόντασ παρατρίβοντεσ ταύτην ἡγοῦνται θεραπείαν εἶναι τοῦ σώματοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 33

(디오도로스 시켈로스, Bibliotheca Historica, book 5, chapter 33)

상위

목록

SEARCH

MENU NAVIGATION