헬라어 문장 검색 - Διοδορ́Βιβλιοτ́5́33́

(디오도로스 시켈로스, Bibliotheca Historica, book 5, chapter 32)

χρήσιμον δ’ ἐστὶ διορίσαι τὸ παρὰ πολλοῖσ ἀγνοούμενον. τοὺσ γὰρ ὑπὲρ Μασσαλίασ κατοικοῦντασ ἐν τῷ μεσογείῳ καὶ τοὺσ παρὰ τὰσ Ἄλπεισ, ἔτι δὲ τοὺσ ἐπὶ τάδε τῶν Πυρηναίων ὀρῶν Κελτοὺσ ὀνομάζουσι, τοὺσ δ’ ὑπὲρ ταύτησ τῆσ Κελτικῆσ εἰσ τὰ πρὸσ ἄρκτον νεύοντα μέρη παρά τε τὸν ὠκεανὸν καὶ τὸ Ἑρκύνιον ὄροσ καθιδρυμένουσ καὶ πάντασ τοὺσ ἑξῆσ μέχρι τῆσ Σκυθίασ Γαλάτασ προσαγορεύουσιν· οἱ δὲ Ῥωμαῖοι πάλιν πάντα ταῦτα τὰ ἔθνη συλλήβδην μιᾷ προσηγορίᾳ περιλαμβάνουσιν, ὀνομάζοντεσ Γαλάτασ ἅπαντασ. αἱ δὲ γυναῖκεσ τῶν Γαλατῶν οὐ μόνον τοῖσ μεγέθεσι παραπλήσιοι τοῖσ ἀνδράσιν εἰσίν, ἀλλὰ καὶ ταῖσ ἀλκαῖσ ἐνάμιλλοι.

τὰ δὲ παιδία παρ’ αὐτοῖσ ἐκ γενετῆσ ὑπάρχει πολιὰ κατὰ τὸ πλεῖστον· προβαίνοντα δὲ ταῖσ ἡλικίαισ εἰσ τὸ τῶν πατέρων χρῶμα ταῖσ χρόαισ μετασχηματίζεται. ἀγριωτάτων δ’ ὄντων τῶν ὑπὸ τὰσ ἄρκτουσ κατοικούντων καὶ τῶν τῇ Σκυθίᾳ πλησιοχώρων, φασί τινασ ἀνθρώπουσ ἐσθίειν, ὥσπερ καὶ τῶν Πρεττανῶν τοὺσ κατοικοῦντασ τὴν ὀνομαζομένην Ἴριν.

διαβεβοημένησ δὲ τῆσ τούτων ἀλκῆσ καὶ ἀγριότητοσ, φασί τινεσ ἐν τοῖσ παλαιοῖσ χρόνοισ τοὺσ τὴν Ἀσίαν ἅπασαν καταδραμόντασ, ὀνομαζομένουσ δὲ Κιμμερίουσ, τούτουσ εἶναι, βραχὺ τοῦ χρόνου τὴν λέξιν φθείραντοσ ἐν τῇ τῶν καλουμένων Κίμβρων προσηγορίᾳ.

ζηλοῦσι γὰρ ἐκ παλαιοῦ λῃστεύειν ἐπὶ τὰσ ἀλλοτρίασ χώρασ ἐπερχόμενοι καὶ καταφρονεῖν ἁπάντων. οὗτοι γάρ εἰσιν οἱ τὴν μὲν Ῥώμην ἑλόντεσ, τὸ δὲ ἱερὸν τὸ ἐν Δελφοῖσ συλήσαντεσ, καὶ πολλὴν μὲν τῆσ Εὐρώπησ, οὐκ ὀλίγην δὲ καὶ τῆσ Ἀσίασ φορολογήσαντεσ, καὶ τῶν καταπολεμηθέντων τὴν χώραν κατοικήσαντεσ, οἱ διὰ τὴν πρὸσ τοὺσ Ἕλληνασ ἐπιπλοκὴν Ἑλληνογαλάται κληθέντεσ, τὸ δὲ τελευταῖον πολλὰ καὶ μεγάλα στρατόπεδα Ῥωμαίων συντρίψαντεσ.

ἀκολούθωσ δὲ τῇ κατ’ αὐτοὺσ ἀγριότητι καὶ περὶ τὰσ θυσίασ ἐκτόπωσ ἀσεβοῦσι·

τοὺσ γὰρ κακούργουσ κατὰ πενταετηρίδα φυλάξαντεσ ἀνασκολοπίζουσι τοῖσ θεοῖσ καὶ μετ’ ἄλλων πολλῶν ἀπαρχῶν καθαγίζουσι, πυρὰσ παμμεγέθεισ κατασκευάζοντεσ. χρῶνται δὲ καὶ τοῖσ αἰχμαλώτοισ ὡσ ἱερείοισ πρὸσ τὰσ τῶν θεῶν τιμάσ. τινὲσ δ’ αὐτῶν καὶ τὰ κατὰ πόλεμον ληφθέντα ζῷα μετὰ τῶν ἀνθρώπων ἀποκτείνουσιν ἢ κατακάουσιν ἤ τισιν ἄλλαισ τιμωρίαισ ἀφανίζουσι. γυναῖκασ δ’ ἔχοντεσ εὐειδεῖσ ἥκιστα ταύταισ προσέχουσιν, ἀλλὰ πρὸσ τὰσ τῶν ἀρρένων ἐπιπλοκὰσ ἐκτόπωσ λυττῶσιν.

εἰώθασι δ’ ἐπὶ δοραῖσ θηρίων χαμαὶ καθεύδοντεσ ἐξ ἀμφοτέρων τῶν μερῶν παρακοίτοισ συγκυλίεσθαι. τὸ δὲ πάντων παραδοξότατον, τῆσ ἰδίασ εὐσχημοσύνησ ἀφροντιστοῦντεσ τὴν τοῦ σώματοσ ὡρ́αν ἑτέροισ εὐκόλωσ προϊένται, καὶ τοῦτο αἰσχρὸν οὐχ ἡγοῦνται, ἀλλὰ μᾶλλον ὅταν τισ αὐτῶν χαριζομένων μὴ προσδέξηται τὴν διδομένην χάριν, ἄτιμον ἡγοῦνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 32

(디오도로스 시켈로스, Bibliotheca Historica, book 5, chapter 32)

상위

목록

SEARCH

MENU NAVIGATION