Diodorus Siculus, Bibliotheca Historica, book 5, chapter 31

(디오도로스 시켈로스, Bibliotheca Historica, book 5, chapter 31)

αὐτοὶ δ’ εἰσὶ τὴν πρόσοψιν καταπληκτικοὶ καὶ ταῖσ φωναῖσ βαρυηχεῖσ καὶ παντελῶσ τραχύφωνοι, κατὰ δὲ τὰσ ὁμιλίασ βραχυλόγοι καὶ αἰνιγματίαι · πολλὰ δὲ λέγοντεσ ἐν ὑπερβολαῖσ ἐπ’ αὐξήσει μὲν ἑαυτῶν, μειώσει δὲ τῶν ἄλλων, ἀπειληταί τε καὶ ἀνατατικοὶ καὶ τετραγῳδημένοι ὑπάρχουσι, ταῖσ δὲ διανοίαισ ὀξεῖσ καὶ πρὸσ μάθησιν οὐκ ἀφυεῖσ. εἰσὶ δὲ παρ’ αὐτοῖσ καὶ ποιηταὶ μελῶν, οὓσ βάρδουσ ὀνομάζουσιν.

οὗτοι δὲ μετ’ ὀργάνων ταῖσ λύραισ ὁμοίων ᾅδοντεσ οὓσ μὲν ὑμνοῦσιν, οὓσ δὲ βλασφημοῦσι. φιλόσοφοί τέ τινέσ εἰσι καὶ θεολόγοι περιττῶσ τιμώμενοι, οὓσ δρουίδασ ὀνομάζουσι. χρῶνται δὲ καὶ μάντεσιν, ἀποδοχῆσ μεγάλησ ἀξιοῦντεσ αὐτούσ·

οὗτοι δὲ διά τε τῆσ οἰωνοσκοπίασ καὶ διὰ τῆσ τῶν ἱερείων θυσίασ τὰ μέλλοντα προλέγουσι, καὶ πᾶν τὸ πλῆθοσ ἔχουσιν ὑπήκοον. μάλιστα δ’ ὅταν περί τινων μεγάλων ἐπισκέπτωνται, παράδοξον καὶ ἄπιστον ἔχουσι νόμιμον· ἄνθρωπον γὰρ κατασπείσαντεσ τύπτουσι μαχαίρᾳ κατὰ τὸν ὑπὲρ τὸ διάφραγμα τόπον, καὶ πεσόντοσ τοῦ πληγέντοσ ἐκ τῆσ πτώσεωσ καὶ τοῦ σπαραγμοῦ τῶν μελῶν, ἔτι δὲ τῆσ τοῦ αἵματοσ ῥύσεωσ τὸ μέλλον νοοῦσι, παλαιᾷ τινι καὶ πολυχρονίῳ παρατηρήσει περὶ τούτων πεπιστευκότεσ. ἔθοσ δ’ αὐτοῖσ ἐστι μηδένα θυσίαν ποιεῖν ἄνευ φιλοσόφου·

διὰ γὰρ τῶν ἐμπείρων τῆσ θείασ φύσεωσ ὡσπερεί τινων ὁμοφώνων τὰ χαριστήρια τοῖσ θεοῖσ φασι δεῖν προσφέρειν, καὶ διὰ τούτων οἰόνται δεῖν τἀγαθὰ αἰτεῖσθαι. οὐ μόνον δ’ ἐν ταῖσ εἰρηνικαῖσ χρείαισ, ἀλλὰ καὶ κατὰ τοὺσ πολέμουσ τούτοισ μάλιστα πείθονται καὶ τοῖσ μελῳδοῦσι ποιηταῖσ, οὐ μόνον οἱ φίλοι, ἀλλὰ καὶ οἱ πολέμιοι·

πολλάκισ δ’ ἐν ταῖσ παρατάξεσι πλησιαζόντων ἀλλήλοισ τῶν στρατοπέδων καὶ τοῖσ ξίφεσιν ἀνατεταμένοισ καὶ ταῖσ λόγχαισ προβεβλημέναισ, εἰσ τὸ μέσον οὗτοι προελθόντεσ παύουσιν αὐτούσ, ὥσπερ τινὰ θηρία κατεπᾴσαντεσ. οὕτω καὶ παρὰ τοῖσ ἀγριωτάτοισ βαρβάροισ ὁ θυμὸσ εἴκει τῇ σοφίᾳ καὶ ὁ Ἄρησ αἰδεῖται τὰσ Μούσασ.

일치하는 문장이 없습니다.

SEARCH

MENU NAVIGATION