헬라어 문장 검색 - Διοδορ́Βιβλιοτ́5́27́

(디오도로스 시켈로스, Bibliotheca Historica, book 5, chapter 26)

ἴδιον δέ τι καὶ παράδοξον συμβαίνει κατὰ τὴν πλείστην τῆσ Γαλατίασ, περὶ οὗ παραλιπεῖν οὐκ ἄξιον ἡγούμεθα. ἀπὸ γὰρ θερινῆσ δύσεωσ καὶ ἄρκτου πνεῖν εἰώθασιν ἄνεμοι τηλικαύτην ἔχοντεσ σφοδρότητα καὶ δύναμιν, ὥστε ἀναρπάζειν ἀπὸ τῆσ γῆσ λίθουσ χειροπληθιαίουσ τοῖσ μεγέθεσι καὶ τῶν ψηφίδων ἁδρομερῆ κονιορτόν· καθόλου δὲ καταιγίζοντεσ λάβρωσ ἁρπάζουσιν ἀπὸ μὲν τῶν ἀνδρῶν τὰ ὅπλα καὶ τὰσ ἐσθῆτασ, ἀπὸ δὲ τῶν ἵππων τοὺσ ἀναβάτασ. διὰ δὲ τὴν ὑπερβολὴν τοῦ ψύχουσ διαφθειρομένησ τῆσ κατὰ τὸν ἀέρα κράσεωσ οὔτ’ οἶνον οὔτ’ ἔλαιον φέρει·

διόπερ τῶν Γαλατῶν οἱ τούτων τῶν καρπῶν στερισκόμενοι πόμα κατασκευάζουσιν ἐκ τῆσ κριθῆσ τὸ προσαγορευόμενον ζῦθοσ, καὶ τὰ κηρία πλύνοντεσ τῷ τούτων ἀποπλύματι χρῶνται. κάτοινοι δ’ ὄντεσ καθ’ ὑπερβολὴν τὸν εἰσαγόμενον ὑπὸ τῶν ἐμπόρων οἶνον ἄκρατον ἐμφοροῦνται, καὶ διὰ τὴν ἐπιθυμίαν λάβρῳ χρώμενοι τῷ ποτῷ καὶ μεθυσθέντεσ εἰσ ὕπνον ἢ μανιώδεισ διαθέσεισ τρέπονται.

διὸ καὶ πολλοὶ τῶν Ἰταλικῶν ἐμπόρων διὰ τὴν συνήθη φιλαργυρίαν ἑρ́μαιον ἡγοῦνται τὴν τῶν Γαλατῶν φιλοινίαν. οὗτοι γὰρ διὰ μὲν τῶν πλωτῶν ποταμῶν πλοίοισ, διὰ δὲ τῆσ πεδιάδοσ χώρασ ἁμάξαισ κομίζοντεσ τὸν οἶνον, ἀντιλαμβάνουσι τιμῆσ πλῆθοσ ἄπιστον· διδόντεσ γὰρ οἴνου κεράμιον ἀντιλαμβάνουσι παῖδα, τοῦ πόματοσ διάκονον ἀμειβόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 5, chapter 26

(디오도로스 시켈로스, Bibliotheca Historica, book 5, chapter 26)

상위

목록

SEARCH

MENU NAVIGATION