헬라어 문장 검색 - Διοδορ́Βιβλιοτ́5́26́

(디오도로스 시켈로스, Bibliotheca Historica, book 5, chapter 25)

ἐπεὶ δὲ περὶ τῆσ τῶν Γαλατῶν προσηγορίασ διήλθομεν, καὶ περὶ τῆσ χώρασ αὐτῶν δέον ἐστὶν εἰπεῖν. ἡ τοίνυν Γαλατία κατοικεῖται μὲν ὑπὸ πολλῶν ἐθνῶν διαφόρων τοῖσ μεγέθεσι· τὰ μέγιστα γὰρ αὐτῶν σχεδὸν εἴκοσι μυριάδασ ἀνδρῶν ἔχει, τὰ δ’ ἐλάχιστα πέντε μυριάδασ, ὧν ἕν ἐστι πρὸσ Ῥωμαίουσ ἔχον συγγένειαν παλαιὰν καὶ φιλίαν τὴν μέχρι τῶν καθ’ ἡμᾶσ χρόνων διαμένουσαν. κειμένη δὲ κατὰ τὸ πλεῖστον ὑπὸ τὰσ ἄρκτουσ χειμέριόσ ἐστι καὶ ψυχρὰ διαφερόντωσ.

κατὰ γὰρ τὴν χειμερινὴν ὡρ́αν ἐν ταῖσ συννεφέσιν ἡμέραισ ἀντὶ μὲν τῶν ὄμβρων χιόνι πολλῇ νίφεται, κατὰ δὲ τὰσ αἰθρίασ κρυστάλλῳ καὶ πάγοισ ἐξαισίοισ πλήθει, δι’ ὧν οἱ ποταμοὶ πηγνύμενοι διὰ τῆσ ἰδίασ φύσεωσ γεφυροῦνται· οὐ μόνον γὰρ οἱ τυχόντεσ ὁδῖται κατ’ ὀλίγουσ κατὰ τοῦ κρυστάλλου πορευόμενοι διαβαίνουσιν, ἀλλὰ καὶ στρατοπέδων μυριάδεσ μετὰ σκευοφόρων καὶ ἁμαξῶν γεμουσῶν ἀσφαλῶσ περαιοῦνται. πολλῶν δὲ καὶ μεγάλων ποταμῶν ῥεόντων διὰ τῆσ Γαλατίασ καὶ τοῖσ ῥείθροισ ποικίλωσ τὴν πεδιάδα γῆν τεμνόντων, οἱ μὲν ἐκ λιμνῶν ἀβύσσων ῥέουσιν, οἱ δ’ ἐκ τῶν ὀρῶν ἔχουσι τὰσ πηγὰσ καὶ τὰσ ἐπιρροίασ·

τὴν δ’ ἐκβολὴν οἱ μὲν εἰσ τὸν ὠκεανὸν ποιοῦνται, οἱ δ’ εἰσ τὴν καθ’ ἡμᾶσ θάλατταν. μέγιστοσ δ’ ἐστὶ τῶν εἰσ τὸ καθ’ ἡμᾶσ πέλαγοσ ῥεόντων ὁ Ῥοδανόσ, τὰσ μὲν πηγὰσ ἔχων ἐν τοῖσ Ἀλπείοισ ὄρεσι, πέντε δὲ στόμασιν ἐξερευγόμενοσ εἰσ τὴν θάλατταν.

τῶν δ’ εἰσ τὸν ὠκεανὸν ῥεόντων μέγιστοι δοκοῦσιν ὑπάρχειν ὅ τε Δανούβιοσ καὶ ὁ Ῥῆνοσ, ὃν ἐν τοῖσ καθ’ ἡμᾶσ χρόνοισ Καῖσαρ ὁ κληθεὶσ θεὸσ ἔζευξε παραδόξωσ, καὶ περαιώσασ πεζῇ τὴν δύναμιν ἐχειρώσατο τοὺσ πέραν κατοικοῦντασ αὐτοῦ Γαλάτασ. πολλοὶ δὲ καὶ ἄλλοι πλωτοὶ ποταμοὶ κατὰ τὴν Κελτικήν εἰσι, περὶ ὧν μακρὸν ἂν εἰή γράφειν.

πάντεσ δὲ σχεδὸν ὑπὸ τοῦ πάγου πηγνύμενοι γεφυροῦσι τὰ ῥεῖθρα, καὶ τοῦ κρυστάλλου διὰ τὴν φυσικὴν λειότητα ποιοῦντοσ τοὺσ διαβαίνοντασ ὀλισθάνειν, ἀχύρων ἐπιβαλλομένων ἐπ’ αὐτοὺσ ἀσφαλῆ τὴν διάβασιν ἔχουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 25

(디오도로스 시켈로스, Bibliotheca Historica, book 5, chapter 25)

상위

목록

SEARCH

MENU NAVIGATION