헬라어 문장 검색 - Διοδορ́Βιβλιοτ́5́23́

(디오도로스 시켈로스, Bibliotheca Historica, book 5, chapter 22)

πλεῖστον εἰρηνικῶσ διακεῖσθαι. ἀλλὰ περὶ μὲν τῶν κατ’ αὐτὴν νομίμων καὶ τῶν ἄλλων ἰδιωμάτων τὰ κατὰ μέροσ ἀναγράψομεν ὅταν ἐπὶ τὴν Καίσαροσ γενομένην στρατείαν εἰσ Πρεττανίαν παραγενηθῶμεν, νῦν δὲ περὶ τοῦ κατ’ αὐτὴν φυομένου καττιτέρου διέξιμεν. τῆσ γὰρ Πρεττανικῆσ κατὰ τὸ ἀκρωτήριον τὸ καλούμενον Βελέριον οἱ κατοικοῦντεσ φιλόξενοί τε διαφερόντωσ εἰσὶ καὶ διὰ τὴν τῶν ξένων ἐμπόρων ἐπιμιξίαν ἐξημερωμένοι τὰσ ἀγωγάσ. οὗτοι τὸν καττίτερον κατασκευάζουσι φιλοτέχνωσ ἐργαζόμενοι τὴν φέρουσαν αὐτὸν γῆν. αὕτη δὲ πετρώδησ οὖσα διαφυὰσ ἔχει γεώδεισ, ἐν αἷσ τὸν πόρον κατεργαζόμενοι καὶ τήξαντεσ καθαίρουσιν.

ἀποτυποῦντεσ δ’ εἰσ ἀστραγάλων ῥυθμοὺσ κομίζουσιν εἴσ τινα νῆσον προκειμένην μὲν τῆσ Πρεττανικῆσ, ὀνομαζομένην δὲ Ἴκτιν· κατὰ γὰρ τὰσ ἀμπώτεισ ἀναξηραινομένου τοῦ μεταξὺ τόπου ταῖσ ἁμάξαισ εἰσ ταύτην κομίζουσι δαψιλῆ τὸν καττίτερον. ἴδιον δέ τι συμβαίνει περὶ τὰσ πλησίον νήσουσ τὰσ μεταξὺ κειμένασ τῆσ τε Εὐρώπησ καὶ τῆσ Πρεττανικῆσ·

κατὰ μὲν γὰρ τὰσ πλημυρίδασ τοῦ μεταξὺ πόρου πληρουμένου νῆσοι φαίνονται, κατὰ δὲ τὰσ ἀμπώτεισ ἀπορρεούσησ τῆσ θαλάττησ καὶ πολὺν τόπον ἀναξηραινούσησ θεωροῦνται χερρόνησοι. ἐντεῦθεν δ’ οἱ ἔμποροι παρὰ τῶν ἐγχωρίων ὠνοῦνται καὶ διακομίζουσιν εἰσ τὴν Γαλατίαν·

τὸ δὲ τελευταῖον πεζῇ διὰ τῆσ Γαλατίασ πορευθέντεσ ἡμέρασ ὡσ τριάκοντα κατάγουσιν ἐπὶ τῶν ἵππων τὰ φορτία πρὸσ τὴν ἐκβολὴν τοῦ Ῥοδανοῦ ποταμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 22

(디오도로스 시켈로스, Bibliotheca Historica, book 5, chapter 22)

상위

목록

SEARCH

MENU NAVIGATION