헬라어 문장 검색 - Διοδορ́Βιβλιοτ́5́14́

(디오도로스 시켈로스, Bibliotheca Historica, book 5, chapter 13)

τῆσ γὰρ Τυρρηνίασ κατὰ τὴν ὀνομαζομένην πόλιν Ποπλώνιον νῆσόσ ἐστιν, ἣν ὀνομάζουσιν Αἰθάλειαν. αὕτη δὲ τῆσ παραλίασ ἀπέχουσα σταδίουσ ὡσ ἑκατὸν τὴν μὲν προσηγορίαν εἴληφεν ἀπὸ τοῦ πλήθουσ τοῦ κατ’ αὐτὴν αἰθάλου. πέτραν γὰρ ἔχει πολλὴν σιδηρῖτιν, ἣν τέμνουσιν ἐπὶ τὴν χωνείαν καὶ κατασκευὴν τοῦ σιδήρου, πολλὴν ἔχοντεσ τοῦ μετάλλου δαψίλειαν. οἱ γὰρ ταῖσ ἐργασίαισ προσεδρεύοντεσ κόπτουσι τὴν πέτραν καὶ τοὺσ τμηθέντασ λίθουσ κάουσιν ἔν τισι φιλοτέχνοισ καμίνοισ· ἐν δὲ ταύταισ τῷ πλήθει τοῦ πυρὸσ τήκοντεσ τοὺσ λίθουσ καταμερίζουσιν εἰσ μεγέθη σύμμετρα, παραπλήσια ταῖσ ἰδέαισ μεγάλοισ σπόγγοισ. ταῦτα συναγοράζοντεσ ἔμποροι καὶ μεταβαλλόμενοι κομίζουσιν εἴσ τε Δικαιάρχειαν καὶ εἰσ τἄλλα ἐμπόρια.

ταῦτα δὲ τὰ φορτία τινὲσ ὠνούμενοι καὶ τεχνιτῶν χαλκέων πλῆθοσ ἀθροίζοντεσ κατεργάζονται, καὶ ποιοῦσι σιδήρου πλάσματα παντοδαπὰ. τούτων δὲ τὰ μὲν εἰσ ὅπλων τύπουσ χαλκεύουσι, τὰ δὲ πρὸσ δικελλῶν καὶ δρεπάνων καὶ τῶν ἄλλων ἐργαλείων εὐθέτουσ τύπουσ φιλοτεχνοῦσιν· ὧν κομιζομένων ὑπὸ τῶν ἐμπόρων εἰσ πάντα τόπον πολλὰ μέρη τῆσ οἰκουμένησ μεταλαμβάνει τῆσ ἐκ τούτων εὐχρηστίασ. μετὰ δὲ τὴν Αἰθάλειαν νῆσόσ ἐστιν ἀπέχουσα μὲν ταύτησ ὡσ τριακοσίουσ σταδίουσ, ὀνομάζεται δὲ ὑπὸ μὲν τῶν Ἑλλήνων Κύρνοσ, ὑπὸ δὲ τῶν Ῥωμαίων καὶ τῶν ἐγχωρίων Κόρσικα.

αὕτη δ’ ἡ νῆσοσ εὐπροσόρμιστοσ οὖσα κάλλιστον ἔχει λιμένα τὸν ὀνομαζόμενον Συρακόσιον. ὑπάρχουσι δ’ ἐν αὐτῇ καὶ πόλεισ ἀξιόλογοι δύο, καὶ τούτων ἡ μὲν Κάλαρισ, ἡ δὲ Νίκαια προσαγορεύεται. τούτων δὲ τὴν μὲν Κάλαριν Φωκαεῖσ ἔκτισαν, καὶ χρόνον τινὰ κατοικήσαντεσ ὑπὸ Τυρρηνῶν ἐξεβλήθησαν ἐκ τῆσ νήσου.

τὴν δὲ Νίκαιαν ἔκτισαν Τυρρηνοὶ θαλαττοκρατοῦντεσ καὶ τὰσ κατὰ τὴν Τυρρηνίαν κειμένασ νήσουσ ἰδιοποιούμενοι. ἐπὶ δέ τινασ χρόνουσ τῶν ἐν τῇ Κύρνῳ πόλεων κυριεύοντεσ ἐλάμβανον παρὰ τῶν ἐγχωρίων φόρουσ ῥητίνην καὶ κηρὸν καὶ μέλι, φυομένων τούτων δαψιλῶν ἐν τῇ νήσῳ. τὰ δ’ ἀνδράποδα τὰ Κύρνια διαφέρειν δοκεῖ τῶν ἄλλων δούλων εἰσ τὰσ κατὰ τὸν βίον χρείασ, φυσικῆσ ταύτησ τῆσ ἰδιότητοσ παρακολουθούσησ.

ἡ δ’ ὅλη νῆσοσ εὐμεγέθησ οὖσα πολλὴν τῆσ χώρασ ὀρεινὴν ἔχει, πεπυκασμένην δρυμοῖσ συνεχέσι καὶ ποταμοῖσ διαρρεομένην μικροῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 13

(디오도로스 시켈로스, Bibliotheca Historica, book 5, chapter 13)

상위

목록

SEARCH

MENU NAVIGATION