호흡부호 보기
강세부호 보기
장단부호 보기
작은 Iota 보기
모든 부호 보기
ἡμεῖσ δ’ ἐπεὶ τὰ περὶ τὰσ Αἰολίδασ νήσουσ διήλθομεν, ἐν μέρει τὰσ ἐκ θατέρου μέρουσ νήσουσ κειμένασ ἀναγραφῆσ ἀξιώσομεν. τῆσ γὰρ Σικελίασ ἐκ τοῦ κατὰ μεσημβρίαν μέρουσ νῆσοι τρεῖσ πρόκεινται πελάγιαι, καὶ τούτων ἑκάστη πόλιν ἔχει καὶ λιμένασ δυναμένουσ τοῖσ χειμαζομένοισ σκάφεσι παρέχεσθαι τὴν ἀσφάλειαν. καὶ πρώτη μέν ἐστιν ἡ προσαγορευομένη Μελίτη, τῶν Συρακουσῶν ἀπέχουσα σταδίουσ ὡσ ὀκτακοσίουσ, καὶ λιμένασ μὲν ἔχει πολλοὺσ καὶ διαφόρουσ ταῖσ εὐχρηστίαισ, τοὺσ δὲ κατοικοῦντασ ταῖσ οὐσίαισ εὐδαίμονασ·
τεχνίτασ τε γὰρ ἔχει παντοδαποὺσ ταῖσ ἐργασίαισ, κρατίστουσ δὲ τοὺσ ὀθόνια ποιοῦντασ τῇ τε λεπτότητι καὶ τῇ μαλακότητι διαπρεπῆ, τάσ τε οἰκήσεισ ἀξιολόγουσ καὶ κατεσκευασμένασ φιλοτίμωσ γείσσοισ καὶ κονιάμασι περιττότερον. ἔστι δ’ ἡ νῆσοσ αὕτη Φοινίκων ἄποικοσ, οἳ ταῖσ ἐμπορίαισ διατείνοντεσ μέχρι τοῦ κατὰ τὴν δύσιν ὠκεανοῦ καταφυγὴν εἶχον ταύτην, εὐλίμενον οὖσαν καὶ κειμένην πελαγίαν·
δι’ ἣν αἰτίαν οἱ κατοικοῦντεσ αὐτὴν εὐχρηστούμενοι κατὰ πολλὰ διὰ τοὺσ ἐμπόρουσ ταχὺ τοῖσ τε βίοισ ἀνέδραμον καὶ ταῖσ δόξαισ ηὐξήθησαν. μετὰ δὲ ταύτην τὴν νῆσόν ἐστιν ἑτέρα τὴν μὲν προσηγορίαν ἔχουσα Γαῦλοσ, πελαγία δὲ καὶ λιμέσιν εὐκαίροισ κεκοσμημένη, Φοινίκων ἄποικοσ.
ἑξῆσ δ’ ἐστὶ Κέρκινα, πρὸσ τὴν Λιβύην νενευκυῖα, πόλιν ἔχουσα σύμμετρον καὶ λιμένασ εὐχρηστοτάτουσ, οὐ μόνον ταῖσ ἐμπόροισ, ἀλλὰ καὶ ταῖσ μακραῖσ ναυσὶν εὐθετοῦντασ. ἐπεὶ δὲ περὶ τῶν κατὰ τὴν μεσημβρίαν νήσων εἰρήκαμεν, ἐπάνιμεν πάλιν ἐπὶ τὰσ ἑξῆσ τῇ Λιπάρᾳ νήσουσ τὰσ κειμένασ κατὰ τὸ Τυρρηνικὸν καλούμενον πέλαγοσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기