헬라어 문장 검색 - Διοδορ́Βιβλιοτ́5́13́

(디오도로스 시켈로스, Bibliotheca Historica, book 5, chapter 12)

ἡμεῖσ δ’ ἐπεὶ τὰ περὶ τὰσ Αἰολίδασ νήσουσ διήλθομεν, ἐν μέρει τὰσ ἐκ θατέρου μέρουσ νήσουσ κειμένασ ἀναγραφῆσ ἀξιώσομεν. τῆσ γὰρ Σικελίασ ἐκ τοῦ κατὰ μεσημβρίαν μέρουσ νῆσοι τρεῖσ πρόκεινται πελάγιαι, καὶ τούτων ἑκάστη πόλιν ἔχει καὶ λιμένασ δυναμένουσ τοῖσ χειμαζομένοισ σκάφεσι παρέχεσθαι τὴν ἀσφάλειαν. καὶ πρώτη μέν ἐστιν ἡ προσαγορευομένη Μελίτη, τῶν Συρακουσῶν ἀπέχουσα σταδίουσ ὡσ ὀκτακοσίουσ, καὶ λιμένασ μὲν ἔχει πολλοὺσ καὶ διαφόρουσ ταῖσ εὐχρηστίαισ, τοὺσ δὲ κατοικοῦντασ ταῖσ οὐσίαισ εὐδαίμονασ·

τεχνίτασ τε γὰρ ἔχει παντοδαποὺσ ταῖσ ἐργασίαισ, κρατίστουσ δὲ τοὺσ ὀθόνια ποιοῦντασ τῇ τε λεπτότητι καὶ τῇ μαλακότητι διαπρεπῆ, τάσ τε οἰκήσεισ ἀξιολόγουσ καὶ κατεσκευασμένασ φιλοτίμωσ γείσσοισ καὶ κονιάμασι περιττότερον. ἔστι δ’ ἡ νῆσοσ αὕτη Φοινίκων ἄποικοσ, οἳ ταῖσ ἐμπορίαισ διατείνοντεσ μέχρι τοῦ κατὰ τὴν δύσιν ὠκεανοῦ καταφυγὴν εἶχον ταύτην, εὐλίμενον οὖσαν καὶ κειμένην πελαγίαν·

δι’ ἣν αἰτίαν οἱ κατοικοῦντεσ αὐτὴν εὐχρηστούμενοι κατὰ πολλὰ διὰ τοὺσ ἐμπόρουσ ταχὺ τοῖσ τε βίοισ ἀνέδραμον καὶ ταῖσ δόξαισ ηὐξήθησαν. μετὰ δὲ ταύτην τὴν νῆσόν ἐστιν ἑτέρα τὴν μὲν προσηγορίαν ἔχουσα Γαῦλοσ, πελαγία δὲ καὶ λιμέσιν εὐκαίροισ κεκοσμημένη, Φοινίκων ἄποικοσ.

ἑξῆσ δ’ ἐστὶ Κέρκινα, πρὸσ τὴν Λιβύην νενευκυῖα, πόλιν ἔχουσα σύμμετρον καὶ λιμένασ εὐχρηστοτάτουσ, οὐ μόνον ταῖσ ἐμπόροισ, ἀλλὰ καὶ ταῖσ μακραῖσ ναυσὶν εὐθετοῦντασ. ἐπεὶ δὲ περὶ τῶν κατὰ τὴν μεσημβρίαν νήσων εἰρήκαμεν, ἐπάνιμεν πάλιν ἐπὶ τὰσ ἑξῆσ τῇ Λιπάρᾳ νήσουσ τὰσ κειμένασ κατὰ τὸ Τυρρηνικὸν καλούμενον πέλαγοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 12

(디오도로스 시켈로스, Bibliotheca Historica, book 5, chapter 12)

상위

목록

SEARCH

MENU NAVIGATION