헬라어 문장 검색 - Διοδορ́Βιβλιοτ́5́10́

(디오도로스 시켈로스, Bibliotheca Historica, book 5, chapter 9)

μετὰ δὲ ταῦτα οἱ μὲν Σικελοὶ τοῖσ ἀρίστοισ τῶν ἀνδρῶν τὰσ ἡγεμονίασ ἐνεχείριζον, οἱ δὲ Σικανοὶ περὶ τῆσ δυναστείασ διαφερόμενοι πρὸσ ἀλλήλουσ ἐπολέμουν ἐπὶ πολλοὺσ χρόνουσ. μετὰ δὲ ταῦτα πολλοῖσ ἔτεσιν ὕστερον, πάλιν τῶν νήσων ἐξερημουμένων ἀεὶ καὶ μᾶλλον, Κνίδιοί τινεσ καὶ Ῥόδιοι δυσαρεστήσαντεσ τῇ βαρύτητι τῶν κατὰ τὴν Ἀσίαν βασιλέων ἔγνωσαν ἀποικίαν ἐκπέμπειν. διόπερ προστησάμενοι σφῶν αὐτῶν ἡγεμόνα Πένταθλον τὸν Κνίδιον, ὃσ ἦν ἀναφέρων τὸ γένοσ εἰσ Ἱππότην τὸν ἀφ’ Ἡρακλέουσ γεγονότα, κατὰ τὴν ὀλυμπιάδα τὴν πεντηκοστήν, ἣν ἐνίκα στάδιον Ἐπιτελίδασ Λάκων, οἱ δ’ οὖν περὶ τὸν Πένταθλον πλεύσαντεσ τῆσ Σικελίασ εἰσ τοὺσ κατὰ τὸ Λιλύβαιον τόπουσ κατέλαβον Ἐγεσταίουσ καὶ Σελινουντίουσ διαπολεμοῦντασ πρὸσ ἀλλήλουσ.

πεισθέντεσ δὲ τοῖσ Σελινουντίοισ συμμαχεῖν πολλοὺσ ἀπέβαλον κατὰ τὴν μάχην, ἐν οἷσ ἦν καὶ αὐτὸσ ὁ Πένταθλοσ.

διόπερ οἱ περιλειφθέντεσ, ἐπειδὴ κατεπολεμήθησαν οἱ Σελινούντιοι, διέγνωσαν ἀπιέναι πάλιν ἐπ’ οἴκου· ἑλόμενοι δ’ ἡγεμόνασ τοὺσ οἰκείουσ τοῦ Πεντάθλου Γόργον καὶ Θέστορα καὶ Ἐπιθερσίδην, ἀπέπλεον διὰ τοῦ Τυρρηνικοῦ πελάγουσ. προσπλευσάντων δ’ αὐτῶν τῇ Λιπάρᾳ καὶ φιλόφρονοσ ἀποδοχῆσ τυχόντων, ἐπείσθησαν κοινῇ μετὰ τῶν ἐγχωρίων κατοικῆσαι τὴν Λιπάραν, ὄντων τῶν ἀπ’ Αἰόλου περιλελειμμένων ὡσ πεντακοσίων.

ὕστερον δὲ τῶν Τυρρηνῶν λῃστευόντων τὰ κατὰ θάλατταν πολεμούμενοι κατεσκευάσαντο ναυτικόν, καὶ διελόμενοι σφᾶσ αὐτοὺσ οἱ μὲν ἐγεώργουν τὰσ νήσουσ κοινὰσ ποιήσαντεσ, οἱ δὲ πρὸσ τοὺσ λῃστὰσ ἀντετάττοντο· καὶ τὰσ οὐσίασ δὲ κοινὰσ ποιησάμενοι καὶ ζῶντεσ κατὰ συσσίτια, διετέλεσαν ἐπί τινασ χρόνουσ κοινωνικῶσ βιοῦντεσ. ὕστερον δὲ τὴν μὲν Λιπάραν, καθ’ ἣν καὶ ἡ πόλισ ἦν, διενείμαντο, τὰσ δ’ ἄλλασ ἐγεώργουν κοινῇ.

τὸ δὲ τελευταῖον πάσασ τὰσ νήσουσ εἰσ εἴκοσι ἔτη διελόμενοι πάλιν κληρουχοῦσιν, ὅταν ὁ χρόνοσ οὗτοσ διέλθῃ. μετὰ δὲ ταῦτα πολλαῖσ ναυμαχίαισ ἐνίκησαν τοὺσ Τυρρηνούσ, καὶ ἀπὸ τῶν λαφύρων πλεονάκισ ἀξιολόγουσ δεκάτασ ἀνέθεσαν εἰσ Δελφούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, book 5, chapter 9

(디오도로스 시켈로스, Bibliotheca Historica, book 5, chapter 9)

상위

목록

SEARCH

MENU NAVIGATION