헬라어 텍스트

Plutarch, De Iside et Osiride, section 6

(플루타르코스, De Iside et Osiride, section 6)

οἶνον δ’ οἱ μὲν ἐν Ἡλίου πόλει θεραπεύοντεσ τὸν θεὸν οὐκ εἰσφέρουσι τὸ παράπαν εἰσ τὸ ἱερόν, ὡσ οὐ προσῆκον ἡμέρασ πίνειν, τοῦ κυρίου καὶ βασιλέωσ ἐφορῶντοσ· οἱ δ’ ἄλλοι χρῶνται μὲν ὀλίγῳ δέ.

πολλὰσ δ’ ἀοίνουσ ἁγνείασ ἔχουσιν, ἐν αἷσ φιλοσοφοῦντεσ καὶ μανθάνοντεσ καὶ διδάσκοντεσ τὰ θεῖα διατελοῦσιν. οἱ δὲ βασιλεῖσ καὶ μετρητὸν ἔπινον ἐκ τῶν ἱερῶν γραμμάτων, ὡσ Ἑκαταῖοσ ἱστόρηκεν, ἱερεῖσ ὄντεσ·

ἤρξαντο δὲ πίνειν ἀπὸ Ψαμμητίχου, πρότερον δ’ οὐκ ἔπινον οἶνον οὐδ’ ἔσπενδον ὡσ φίλιον θεοῖσ, ἀλλ’ ὡσ αἷμα τῶν πολεμησάντων ποτὲ τοῖσ θεοῖσ, ἐξ ὧν οἰόνται πεσόντων καὶ τῇ γῇ συμμιγέντων ἀμπέλουσ γενέσθαι· διὸ καὶ τὸ μεθύειν ἔκφρονασ ποιεῖν καὶ παραπλῆγασ, ἅτε δὴ τῶν προγόνων τοῦ αἵματοσ ἐμπιπλαμένουσ·

Εὔδοξοσ ἐν τῇ δευτέρᾳ τῆσ περιόδου λέγεσθαί φησιν οὕτωσ ὑπὸ τῶν ἱερέων.