헬라어 문장 검색 - Πλυταρ́ΞαιυσΜά35́

(플루타르코스, Caius Marius, chapter 35)

ταῦτα τὴν πόλιν ἐκ πολλῶν χρόνων ὕπουλον γεγενημένην καὶ νοσοῦσαν ἀνέρρηξεν, εὐφυέστατον εὑρόντοσ ὄργανον Μαρίου πρὸσ τὸν κοινὸν ὄλεθρον τὸ Σουλπικίου θράσοσ, ὃσ διὰ τἆλλα πάντα θαυμάζων καὶ ζηλῶν τὸν Σατορνῖνον ἀτολμίαν ἐπεκάλει τοῖσ πολιτεύμασιν αὑτὸν καὶ μέλλησιν. αὐτὸσ δὲ μὴ μέλλων ἑξακοσίουσ μὲν εἶχε περὶ αὑτὸν τῶν ἱππικῶν οἱο͂ν δορυφόρουσ, καὶ τούτουσ ἀντισύγκλητον ὠνόμαζεν, ἐπελθὼν δὲ μεθ’ ὅπλων ἐκκλησιάζουσι τοῖσ ὑπάτοισ τοῦ μὲν ἑτέρου φυγόντοσ ἐξ ἀγορᾶσ τὸν υἱὸν ἐγκαταλαβὼν ἀπέσφαξε, Σύλλασ δὲ παρὰ τὴν οἰκίαν τοῦ Μαρίου διωκόμενοσ, οὐδενὸσ ἂν προσδοκήσαντοσ, εἰσέπεσε·

καὶ τοὺσ μὲν διώκοντασ ἔλαθε δρόμῳ παρενεχθέντασ, ὑπ’ αὐτοῦ δὲ Μαρίου λέγεται κατὰ θύρασ ἑτέρασ ἀσφαλῶσ ἀποπεμφθεὶσ διεκπεσεῖν εἴσ τὸ στρατόπεδον. αὐτὸσ δὲ Σύλλασ ἐν τοῖσ ὑπομνήμασιν οὔ φησι καταφυγεῖν πρὸσ τὸν Μάριον, ἀλλ’ ἀπαλλαχθῆναι βουλευσόμενοσ ὑπὲρ ὧν Σουλπίκιοσ ἠνάγκαζεν αὑτὸν ἄκοντα ψηφίσασθαι, περισχὼν ἐν κύκλῳ ξίφεσι γυμνοῖσ καὶ συνελάσασ πρὸσ τὸν Μάριον, ἄχρι οὗ προελθὼν ἐκεῖθεν εἴσ ἀγοράν, ὡσ ἠξίουν ἐκεῖνοι, τὰσ ἀπραξίασ ἔλυσε.

γενομένων δὲ τούτων ὅ τε Σουλπίκιοσ ἤδη κρατῶν ἐπεχειροτόνησε τε Μαρίῳ τὴν στρατηγίαν, ὅ τε Μάριοσ ἐν παρασκευῇ τῆσ ἐξόδου καθειστήκει, καὶ δύο χιλιάρχουσ ἐξέπεμψε παραληψομένουσ τὸ Σύλλα στράτευμα.

Σύλλασ δὲ τοὺσ στρατιώτασ παροξύνασ ἦσαν δὲ τρισμυρίων καὶ πεντακισχιλίων οὐ μείουσ ὁπλῖται προήγαγεν ἐπὶ τὴν Ῥώμην. τοὺσ δὲ χιλιάρχουσ, οὓσ ἐπέπεμψε Μάριοσ, προσπεσόντεσ οἱ στρατιῶται διέφθειραν. πολλοὺσ δὲ καὶ Μάριοσ ἐν Ῥώμῃ τῶν Σύλλα φίλων ἀνῃρήκει, καὶ δούλοισ ἐλευθερίαν ἐκήρυττεν ἐπὶ συμμαχίᾳ·

λέγονται δὲ τρεῖσ μόνοι προσγενέσθαι. μικρὰ δ̓· ἀντιστὰσ εἰσελάσαντι τῷ Σύλλᾳ καὶ ταχέωσ ἐκβιασθεὶσ ἔφυγε. τῶν δὲ περὶ αὐτόν, ὡσ πρῶτον ἐξέπεσε τῆσ πόλεωσ, διασπαρέντων, σκότουσ ὄντοσ εἴσ τι τῶν ἐπαυλίων αὑτοῦ Σολώνιον κατέφυγε, καὶ τὸν μὲν υἱὸν ἔπεμψεν ἐκ τῶν Μουκίου τοῦ πενθεροῦ χωρίων οὐ μακρὰν ὄντων τὰ ἐπιτήδεια ληψόμενον, αὐτὸσ δὲ καταβὰσ εἴσ Ὠστίαν, φίλου τινὸσ Νουμερίου πλοῖον αὐτῷ παρασκευάσαντοσ, οὐκ ἀναμείνασ τὸν υἱόν, ἀλλὰ Γράνιον ἔχων μεθ’ αὑτοῦ τὸν πρόγονον ἐξέπλευσεν. ὁ δὲ νεανίασ, ὡσ ἦλθεν εἴσ τὰ χωρία τοῦ Μουκίου, λαμβάνων τι καὶ σκευαζόμενοσ ἡμέρασ καταλαβούσησ οὐ παντάπασι τοὺσ πολεμίουσ ἔλαθεν, ἀλλ’ ἦλθον ἱππεῖσ ἐλαύνοντεσ καθ’ ὑπόνοιαν ἐπὶ τὸν τόπον οὓσ ὁ τῶν ἀγρῶν ἐπιμελητὴσ προϊδόμενοσ ἔκρυψε τὸν Μάριον ἐν ἁμάξῃ κυάμουσ ἀγούσῃ, καὶ βοῦσ ὑποζεύξασ ἀπήντα τοῖσ ἱππεῦσιν εἴσ πόλιν ἐλαύνων τὴν ἅμαξαν.

οὕτω δὲ πρὸσ τὴν οἰκίαν τῆσ γυναικὸσ ὁ Μάριοσ διακομισθεὶσ καὶ λαβὼν ὅσων ἐδεῖτο νυκτὸσ ἐπὶ θάλασσαν ἧκε καὶ νεὼσ ἐπιβὰσ εἴσ Λιβύην πλεούσησ ἀπεπέρασεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 35

(플루타르코스, Caius Marius, chapter 35)

상위

목록

SEARCH

MENU NAVIGATION