헬라어 문장 검색 - Πλυταρ́ΞαιυσΜά14́

(플루타르코스, Caius Marius, chapter 14)

εὐτύχημα δὲ δοκεῖ τῷ Μαρίῳ μέγα γενέσθαι, τῶν γάρ βαρβάρων ὥσπερ τινὰ παλίρροιαν τῆσ ὁρμῆσ λαβόντων καὶ ῥυέντων πρότερον ἐπὶ τὴν Ἰβηρίαν, χρόνον ἔσχε καὶ τὰ σώματα γυμνάσαι τῶν ἀνδρῶν καὶ τὰ φρονήματα πρὸσ τὸ θαρρεῖν ἀναρρῶσαι, τὸ δὲ μέγιστον, αὐτὸσ οἱο͂σ ἦν κατανοηθῆναι. τὸ γὰρ ἐν ἀρχῇ σκυθρωπὸν αὐτοῦ καὶ περὶ τὰσ τιμωρίασ δυσμείλικτον ἐθισθεῖσι μηδὲν ἁμαρτάνειν μηδὲ ἀπειθεῖν ἅμα τῷ δικαίῳ σωτήριον ἐφαίνετο, τήν τε τοῦ θυμοῦ σφοδρότητα καὶ τὸ τραχὺ τῆσ φωνῆσ καὶ ἀγριωπὸν τοῦ προσώπου συντρεφόμενον κατὰ μικρὸν οὐχ αὑτοῖσ ἐνόμιζον εἶναι φοβερόν, ἀλλὰ τοῖσ πολεμίοισ.

μάλιστα δὲ ἡ περὶ τὰσ κρίσεισ ὀρθότησ αὐτοῦ τοῖσ στρατιώταισ ἤρεσκεν ἧσ καὶ τοιόνδε τι δεῖγμα λέγεται.

Γάϊοσ Λούσιοσ ἀδελφιδοῦσ αὐτοῦ τεταγμένοσ ἐφ’ ἡγεμονίασ ἐστρατεύετο, τάΧχα μὲν ἀνήρ οὐ δοκῶν εἶναι πονηρόσ, ἥττων δὲ μειρακίων καλῶν. οὗτοσ ἤρα νεανίσκου τῶν ὐφ’ αὑτῷ στρατευομένων, ὄνομα Τρεβωνίου, καὶ πολλάκισ πειρῶν οὐκ ἐτύγχανε· τέλοσ δὲ νύκτωρ ὑπηρέτην ἀποστείλασ μετεπέμπετο τὸν Τρεβώνιον·

ὁ δὲ νεανίασ ἧκε μέν, ἀντειπεῖν γὰρ οὐκ ἐξῆν καλούμενον, εἰσαχθεὶσ δὲ ὑπὸ τὴν σκηνὴν πρὸσ αὐτὸν ἐπιχειροῦντα βιάζεσθαι σπασάμενοσ τὸ ξίφοσ ἀπέκτεινε. ταῦτα ἐπράχθη τοῦ Μαρίου μὴ παρόντοσ· ἐπανελθὼν δὲ προὔθηκε τῷ Τρεβωνίῳ κρίσιν· ἐπεὶ δὲ πολλῶν κατηγορούντων, οὐδενὸσ δὲ συνηγοροῦντοσ, αὐτὸσ εὐθαρσῶσ καταστὰσ διηγήσατο τὸ πρᾶγμα καὶ μάρτυρασ ἔσχεν ὅτι πειρῶντι πολλάκισ ἀντεῖπε τῷ Λουσίῳ καὶ μεγάλων διδομένων ἐπ’ οὐδενὶ προήκατο τὸ σῶμα, θαυμάσασ ὁ Μάριοσ καὶ ἡσθεὶσ ἐκέλευσε τὸν πάτριον ἐπὶ ταῖσ ἀριστείαισ στέφανον κομισθῆναι, καὶ λαβὼν αὐτὸσ ἐστεφάνωσε τὸν Τρεβώνιον ὡσ κάλλιστον ἔργον ἐν καιρῷ παραδειγμάτων δεομένῳ καλῶν ἀποδεδειγμένον·

τοῦτο εἰσ τὴν Ῥώμην ἀπαγγελθὲν οὐχ ἥκιστα τῷ Μαρίῳ συνέπραξε τὴν τρίτην ὑπατείαν ἅμα δὲ καὶ τῶν βαρβάρων ἔτουσ ὡρ́ᾳ προσδοκίμων ὄντων ἐβούλοντο μετὰ μηδενὸσ ἄλλου στρατηγοῦ κινδυνεῦσαι πρὸσ αὐτούσ, οὐ μὴν ἧκον ὡσ προσεδοκῶντο ταχέωσ, ἀλλὰ πάλιν διῆλθε τῷ Μαρίῳ ὁ τῆσ ὑπατείασ χρόνοσ, ἐνισταμένων δὲ τῶν ἀρχαιρεσιῶν καὶ τοῦ συνάρχοντοσ αὐτοῦ τελευτήσαντοσ, ἀπολιπὼν ἐπὶ τῶν δυνάμεων Μάνιον Ἀκύλλιον αὐτὸσ ἧκεν εἰσ Ῥώμην.

μετιόντων δὲ πολλῶν καὶ ἀγαθῶν τὴν ὑπατείαν, Λούκιοσ Σατορνῖνοσ ὁ μάλιστα τῶν δημάρχων ἄγων τὸ πλῆθοσ, ὑπὸ τοῦ Μαρίου τεθεραπευμένοσ ἐδημηγόρει, κελεύων ἐκεῖνον ὕπατον αἱρεῖσθαι.

θρυπτομενου δὲ τοῦ Μαρίου καὶ παραιτεῖσθαι τὴν ἀρχὴν φάσκοντοσ ὡσ δὴ μὴ δεομένου, προδότην αὐτὸν ὁ Σατορνῖνοσ ἀπεκάλει τῆσ πατρίδοσ ἐν κινδύνῳ τοσούτῳ φεύγοντα τὸ στρατηγεῖν. καὶ φανερὸσ μὲν ἦν ἀπιθάνωσ συνυποκρινόμενοσ τὸ προσποίημα τῷ Μαρίῳ, τὸν δὲ καιρὸν ὁρῶντεσ οἱ πολλοὶ τῆσ ἐκείνου δεινότητοσ ἅμα καὶ τύχησ δεόμενον ἐψηφίσαντο τὴν τετάρτην ὑπατείαν, καὶ συνάρχοντα Κάτλον αὐτῷ Λουτάτιον κατέστησαν, ἄνδρα καὶ τιμώμενον ὑπὸ τῶν ἀρίστων καὶ τοῖσ πολλοῖσ οὐκ ἐπαχθῆ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Marius, chapter 14

(플루타르코스, Caius Marius, chapter 14)

상위

목록

SEARCH

MENU NAVIGATION