헬라어 문장 검색 - Παυσαν́Δεσξριπ́8́54́

(파우사니아스, Description of Greece, Ἀρκαδικά, chapter 54)

Λακεδαιμονίοισ δὲ καὶ Τεγεάταισ ὁρ́οι τῆσ γῆσ ὁ ποταμόσ ἐστιν ὁ Ἀλφειόσ. τούτου τὸ ὕδωρ ἄρχεται μὲν ἐν Φυλάκῃ, κάτεισι δὲ οὐ πόρρω τῆσ πηγῆσ καὶ ἄλλο ὕδωρ ἐσ αὐτὸν ἀπὸ πηγῶν μεγέθει μὲν οὐ μεγάλων, πλεόνων δὲ ἀριθμόν· καὶ διὰ τοῦτο τῷ χωρίῳ Σύμβολα γέγονεν ὄνομα. φαίνεται δὲ ὁ Ἀλφειὸσ παρὰ τοὺσ ἄλλουσ ποταμοὺσ φύσιν τινὰ ἰδίαν παρεχόμενοσ τοιάνδε·

ἀφανίζεσθαί τε γὰρ κατὰ γῆσ ἐθέλει πολλάκισ καὶ αὖθισ ἀναφαίνεσθαι. προελθὼν μέν γε ἐκ Φυλάκησ καὶ τῶν καλουμένων Συμβόλων ἐσ τὸ πεδίον κατέδυ τὸ Τεγεατικόν· ἀνατείλασ δὲ ἐν Ἀσέᾳ καὶ τὸ ῥεῦμα ἀναμίξασ τῷ Εὐρώτᾳ τὸ δεύτερον ἤδη κάτεισιν ἐσ τὴν γῆν· ἀνασχὼν δὲ ἔνθα Πηγὰσ ὀνομάζουσιν οἱ Ἀρκάδεσ καὶ παρὰ γῆν τε τὴν Πισαίαν καὶ παρὰ Ὀλυμπίαν ἐξελθών, ἐκδίδωσιν ὑπὲρ Κυλλήνησ ἐπινείου τοῦ Ἠλείων ἐσ τὴν θάλασσαν.

ἔμελλε δὲ ἄρα μηδὲ Ἀδρίασ ἐπισχήσειν αὐτὸν τοῦ πρόσω· διανηξάμενοσ δὲ καὶ τοῦτον, μέγα οὕτω καὶ βίαιον πέλαγοσ, ἐν Ὀρτυγίᾳ τῇ πρὸ Συρακουσῶν ἐπιδείκνυσιν Ἀλφειόσ τε ὢν καὶ πρὸσ Ἀρέθουσαν τὸ ὕδωρ ἀνακοινούμενοσ. ἡ δὲ εὐθεῖα <ἡ> ἐπὶ Θυρέαν τε καὶ κώμασ τὰσ ἐν τῇ Θυρεάτιδι ἐκ Τεγέασ παρείχετο ἐσ συγγραφὴν Ὀρέστου τοῦ Ἀγαμέμνονοσ μνῆμα, καὶ ὑφελέσθαι Σπαρτιάτην τὰ ὀστᾶ αὐτόθεν οἱ Τεγεᾶται λέγουσι·

καθ’ ἡμᾶσ δὲ οὐκέτι πυλῶν ἐντὸσ ἐγίνετο ὁ τάφοσ. ῥεῖ δὲ καὶ Γαράτησ ποταμὸσ κατὰ τὴν ὁδόν· διαβάντι δὲ τὸν Γαράτην καὶ προελθόντι σταδίουσ δέκα Πανόσ ἐστιν ἱερὸν καὶ πρὸσ αὐτῷ δρῦσ, ἱερὰ καὶ αὕτη τοῦ Πανόσ. ἡ δὲ ἐσ Ἄργοσ ἐκ Τεγέασ ὀχήματι ἐπιτηδειοτάτη καὶ τὰ μάλιστά ἐστι λεωφόροσ.

ἔστι δὲ ἐπὶ τῆσ ὁδοῦ πρῶτα μὲν ναὸσ καὶ ἄγαλμα Ἀσκληπιοῦ· μετὰ δὲ ἐκτραπεῖσιν ἐσ ἀριστερὰ ὅσον στάδιον Ἀπόλλωνοσ ἐπίκλησιν Πυθίου καταλελυμένον ἐστὶν ἱερὸν καὶ ἐρείπια ἐσ ἅπαν. κατὰ δὲ τὴν εὐθεῖαν αἵ τε δρῦσ εἰσι πολλαὶ καὶ Δήμητροσ ἐν τῷ ἄλσει τῶν δρυῶν ναὸσ ἐν Κορυθεῦσι καλουμένησ· πλησίον δὲ ἄλλο ἐστὶν ἱερὸν Διονύσου Μύστου. τὸ ἀπὸ τούτου δὲ ἄρχεται τὸ ὄροσ τὸ Παρθένιον·

ἐν δὲ αὐτῷ τέμενοσ δείκνυται Τηλέφου, καὶ ἐνταῦθα παῖδα ἐκκείμενόν φασιν αὐτὸν ὑπὸ ἐλάφου τραφῆναι. ἀπωτέρω δὲ ὀλίγον Πανόσ ἐστιν ἱερόν, ἔνθα Φιλιππίδῃ φανῆναι τὸν Πᾶνα καὶ εἰπεῖν ἃ πρὸσ αὐτὸν Ἀθηναῖοί τε καὶ κατὰ ταὐτὰ Τεγεᾶται λέγουσι· παρέχεται δὲ τὸ Παρθένιον καὶ ἐσ λύρασ ποίησιν χελώνασ ἐπιτηδειοτάτασ, ἃσ οἱ περὶ τὸ ὄροσ ἄνθρωποι καὶ αὐτοὶ λαμβάνειν δεδοίκασιν ἀεὶ καὶ ξένουσ οὐ περιορῶσιν αἱροῦντασ·

ἱερὰσ γὰρ σφᾶσ εἶναι τοῦ Πανὸσ ἥγηνται. ὑπερβαλόντι δὲ τὴν κορυφὴν τοῦ ὄρουσ ἔστιν ἐν τοῖσ ἤδη γεωργουμένοισ Τεγεατῶν ὁρ́οσ καὶ Ἀργείων κατὰ Ὑσιὰσ τὰσ ἐν τῇ Ἀργολίδι. αἵδε μὲν Πελοποννήσου μοῖραι καὶ πόλεισ τε ἐν ταῖσ μοίραισ καὶ ἐν ἑκάστῃ πόλει τὰ ἀξιολογώτατά ἐστιν ἐσ μνήμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 54

(파우사니아스, Description of Greece, Ἀρκαδικά, chapter 54)

상위

목록

SEARCH

MENU NAVIGATION