헬라어 문장 검색 - Παυσαν́Δεσξριπ́8́42́

(파우사니아스, Description of Greece, Ἀρκαδικά, chapter 42)

τὸ δὲ ἕτερον τῶν ὀρῶν τὸ Ἐλάιον ἀπωτέρω μὲν Φιγαλίασ ὅσον τε σταδίοισ τριάκοντά ἐστι, Δήμητροσ δὲ ἄντρον αὐτόθι ἱερὸν ἐπίκλησιν Μελαίνησ. ὅσα μὲν δὴ οἱ ἐν Θελπούσῃ λέγουσιν ἐσ μῖξιν τὴν Ποσειδῶνόσ τε καὶ Δήμητροσ, κατὰ ταὐτά σφισιν οἱ Φιγαλεῖσ νομίζουσι, τεχθῆναι δὲ ὑπὸ τῆσ Δήμητροσ οἱ Φιγαλεῖσ φασιν οὐχ ἵππον ἀλλὰ τὴν Δέσποιναν ἐπονομαζομένην ὑπὸ Ἀρκάδων· τὸ δὲ ἀπὸ τούτου λέγουσι θυμῷ τε ἅμα ἐσ τὸν Ποσειδῶνα αὐτὴν καὶ ἐπὶ τῆσ Περσεφόνησ τῇ ἁρπαγῇ πένθει χρωμένην μέλαιναν ἐσθῆτα ἐνδῦναι καὶ ἐσ τὸ σπήλαιον τοῦτο ἐλθοῦσαν ἐπὶ χρόνον ἀπεῖναι πολύν.

ὡσ δὲ ἐφθείρετο μὲν πάντα ὅσα ἡ γῆ τρέφει, τὸ δὲ ἀνθρώπων γένοσ καὶ ἐσ πλέον ἀπώλλυτο ὑπὸ τοῦ λιμοῦ, θεῶν μὲν ἄλλων ἠπίστατο ἄρα οὐδεὶσ ἔνθα ἀπεκέκρυπτο ἡ Δημήτηρ, τὸν δὲ Πᾶνα ἐπιέναι μὲν τὴν Ἀρκαδίαν καὶ ἄλλοτε αὐτὸν ἐν ἄλλῳ θηρεύειν τῶν ὀρῶν, ἀφικόμενον δὲ καὶ πρὸσ τὸ Ἐλάιον κατοπτεῦσαι τὴν Δήμητρα σχήματόσ τε ὡσ εἶχε καὶ ἐσθῆτα ἐνεδέδυτο ποίαν· πυθέσθαι δὴ τὸν Δία ταῦτα παρὰ τοῦ Πανὸσ καὶ οὕτωσ ὑπ’ αὐτοῦ πεμφθῆναι τὰσ Μοίρασ παρὰ τὴν Δήμητρα, τὴν δὲ πεισθῆναί τε ταῖσ Μοίραισ καὶ ἀποθέσθαι μὲν τὴν ὀργήν, ὑφεῖναι δὲ καὶ τῆσ λύπησ.

σφᾶσ δὲ ἀντὶ τούτων φασὶν οἱ Φιγαλεῖσ τό τε σπήλαιον νομίσαι τοῦτο ἱερὸν Δήμητροσ καὶ ἐσ αὐτὸ ἄγαλμα ἀναθεῖναι ξύλου.

πεποιῆσθαι δὲ οὕτω σφίσι τὸ ἄγαλμα·

καθέζεσθαι μὲν ἐπὶ πέτρᾳ, γυναικὶ δὲ ἐοικέναι τἄλλα πλὴν κεφαλήν· κεφαλὴν δὲ καὶ κόμην εἶχεν ἵππου, καὶ δρακόντων τε καὶ ἄλλων θηρίων εἰκόνεσ προσεπεφύκεσαν τῇ κεφαλῇ· χιτῶνα δὲ ἐνεδέδυτο καὶ <ἐσ> ἄκρουσ τοὺσ πόδασ· δελφὶσ δὲ ἐπὶ τῆσ χειρὸσ ἦν αὐτῇ, περιστερὰ δὲ ἡ ὄρνισ ἐπὶ τῇ ἑτέρᾳ. ἐφ’ ὅτῳ μὲν δὴ τὸ ξόανον ἐποιήσαντο οὕτωσ, ἀνδρὶ οὐκ ἀσυνέτῳ γνώμην ἀγαθῷ δὲ καὶ τὰ ἐσ μνήμην δῆλά ἐστι· Μέλαιναν δὲ ἐπονομάσαι φασὶν αὐτήν, ὅτι καὶ ἡ θεὸσ μέλαιναν τὴν ἐσθῆτα εἶχε. τοῦτο μὲν δὴ τὸ ξόανον οὔτε ὅτου ποίημα ἦν οὔτε ἡ φλὸξ τρόπον ὅντινα ἐπέλαβεν αὐτό, μνημονεύουσιν·

ἀφανισθέντοσ δὲ τοῦ ἀρχαίου Φιγαλεῖσ οὔτε ἄγαλμα ἄλλο ἀπεδίδοσαν τῇ θεῷ καὶ ὁπόσα ἐσ ἑορτὰσ καὶ θυσίασ τὰ πολλὰ δὴ παρῶπτό σφισιν, ἐσ ὃ ἡ ἀκαρπία ἐπιλαμβάνει τὴν γῆν· καὶ ἱκετεύσασιν αὐτοῖσ χρᾷ τάδε ἡ Πυθία· Ἀρκάδεσ Ἀζᾶνεσ βαλανηφάγοι, οἳ Φιγάλειαννάσσασθ’, ἱππολεχοῦσ Δῃοῦσ κρυπτήριον ἄντρον,ἥκετε πευσόμενοι λιμοῦ λύσιν ἀλγινόεντοσ,μοῦνοι δὶσ νομάδεσ, μοῦνοι πάλιν ἀγριοδαῖται.

Δῃὼ μέν σε ἔπαυσε νομῆσ, Δῃὼ δὲ νομῆασἐκ δησισταχύων καὶ ἀναστοφάγων πάλι θῆκε,νοσφισθεῖσα γέρα προτέρων τιμάσ τε παλαιάσ. καί σ’ ἀλληλοφάγον θήσει τάχα καὶ τεκνοδαίτην,εἰ μὴ πανδήμοισ λοιβαῖσ χόλον ἱλάσσεσθεσήραγγόσ τε μυχὸν θείαισ κοσμήσετε τιμαῖσ. ὡσ δὲ οἱ Φιγαλεῖσ ἀνακομισθὲν τὸ μάντευμα ἤκουσαν, τά τε ἄλλα ἐσ πλέον τιμῆσ ἢ τὰ πρότερα τὴν Δήμητρα ἦγον καὶ Ὀνάταν τὸν Μίκωνοσ Αἰγινήτην πείθουσιν ἐφ’ ὅσῳ δὴ μισθῷ ποιῆσαί σφισιν ἄγαλμα Δήμητροσ·

τοῦ δὲ Ὀνάτα τούτου Περγαμηνοῖσ ἐστιν Ἀπόλλων χαλκοῦσ, θαῦμα ἐν τοῖσ μάλιστα μεγέθουσ τε ἕνεκα καὶ ἐπὶ τῇ τέχνῃ. τότε δὴ ὁ ἀνὴρ οὗτοσ ἀνευρὼν γραφὴν ἢ μίμημα τοῦ ἀρχαίου ξοάνου ‐ τὰ πλείω δέ, ὡσ λέγεται, καὶ κατὰ ὀνειράτων ὄψιν ‐ ἐποίησε χαλκοῦν Φιγαλεῦσιν ἄγαλμα, γενεαῖσ μάλιστα <δυσὶν> ὕστερον τῆσ ἐπὶ τὴν Ἑλλάδα ἐπιστρατείασ τοῦ Μήδου. μαρτυρεῖ δέ μοι τῷ λόγῳ·

κατὰ γὰρ τὴν Ξέρξου διάβασιν ἐσ τὴν Εὐρώπην Συρακουσῶν τε ἐτυράννει καὶ Σικελίασ τῆσ ἄλλησ Γέλων ὁ Δεινομένουσ· ἐπεὶ δὲ ἐτελεύτησε Γέλων, ἐσ Ιἕρωνα ἀδελφὸν Γέλωνοσ περιῆλθεν ἡ ἀρχή· Ιἕρωνοσ δὲ ἀποθανόντοσ πρότερον πρὶν ἢ τῷ Ὀλυμπίῳ Διὶ ἀναθεῖναι τὰ ἀναθήματα ἃ εὔξατο ἐπὶ τῶν ἵππων ταῖσ νίκαισ, οὕτω Δεινομένησ ὁ Ιἕρωνοσ ἀπέδωκεν ὑπὲρ τοῦ πατρόσ. Ὀνάτα καὶ ταῦτα ποιήματα, καὶ ἐπιγράμματα ἐν Ὀλυμπίᾳ, τὸ μὲν ὑπὲρ τοῦ ἀναθήματόσ ἐστιν αὐτῶν,σόν ποτε νικήσασ, Ζεῦ Ὀλύμπιε, σεμνὸν ἀγῶνατεθρίππῳ μὲν ἅπαξ, μουνοκέλητι δὲ δίσ,δῶρα Ιἕρων τάδε σοι ἐχαρίσσατο·

παῖσ δ’ ἀνέθηκεΔεινομένησ πατρὸσ μνῆμα Συρακοσίου· τὸ δὲ ἕτερον λέγει τῶν ἐπιγραμμάτων·

υἱὸσ <μέν> με Μίκωνοσ Ὀνάτασ ἐξετέλεσσεν,νάσῳ ἐν Αἰγίνᾳ δώματα ναιετάων. ἡ δὲ ἡλικία τοῦ Ὀνάτα κατὰ τὸν Ἀθηναῖον Ἡγίαν καὶ Ἀγελάδαν συμβαίνει τὸν Ἀργεῖον. ταύτησ μάλιστα ἐγὼ τῆσ Δήμητροσ ἕνεκα ἐσ Φιγαλίαν ἀφικόμην.

καὶ ἔθυσα τῇ θεῷ, καθὰ καὶ οἱ ἐπιχώριοι νομίζουσιν, οὐδέν· τὰ δὲ ἀπὸ τῶν δένδρων τῶν ἡμέρων τά τε ἄλλα καὶ ἀμπέλου καρπὸν καὶ μελισσῶν τε κηρία καὶ ἐρίων τὰ μὴ ἐσ ἐργασίαν πω ἥκοντα ἀλλὰ ἔτι ἀνάπλεα τοῦ οἰσύπου, ἃ τιθέασιν ἐπὶ τὸν βωμὸν <τὸν> ᾠκοδομημένον πρὸ τοῦ σπηλαίου, θέντεσ δὲ καταχέουσιν αὐτῶν ἔλαιον, ταῦτα ἰδιώταισ τε ἀνδράσι καὶ ἀνὰ πᾶν ἔτοσ Φιγαλέων τῷ κοινῷ καθέστηκεν ἐσ τὴν θυσίαν. ἱέρεια δέ σφισίν ἐστιν ἡ δρῶσα, σὺν δὲ αὐτῇ καὶ τῶν ἱεροθυτῶν καλουμένων ὁ νεώτατοσ·

οἱ δέ εἰσι τῶν ἀστῶν τρεῖσ ἀριθμόν. ἔστι δὲ δρυῶν τε ἄλσοσ περὶ τὸ σπήλαιον καὶ ὕδωρ ψυχρὸν ἄνεισιν ἐκ τῆσ γῆσ. τὸ δὲ ἄγαλμα τὸ ὑπὸ τοῦ Ὀνάτα ποιηθὲν οὔτε ἦν κατ’ ἐμὲ οὔτε εἰ ἐγένετο ἀρχὴν Φιγαλεῦσιν ἠπίσταντο οἱ πολλοί· τῶν δὲ ἐντυχόντων ἡμῖν ἔλεγεν ὁ πρεσβύτατοσ γενεαῖσ πρότερον τρισὶν ἢ κατ’ αὐτὸν ἐμπεσεῖν ἐσ τὸ ἄγαλμα ἐκ τοῦ ὀρόφου πέτρασ, ὑπὸ τούτων δὲ καταγῆναι καὶ ἐσ ἅπαν ἔφασκεν αὐτὸ ἀφανισθῆναι·

καὶ ἔν γε τῷ ὀρόφῳ δῆλα καὶ ἡμῖν ἔτι ἦν, καθὰ ἀπερρώγεσαν αἱ πέτραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀρκαδικά, chapter 42

(파우사니아스, Description of Greece, Ἀρκαδικά, chapter 42)

상위

목록

SEARCH

MENU NAVIGATION