헬라어 문장 검색 - Παυσαν́Δεσξριπ́10́28́

(파우사니아스, Description of Greece, Φωκικά, Λοκρῶν Ὀζόλων, chapter 28)

τὸ δὲ ἕτερον μέροσ τῆσ γραφῆσ τὸ ἐξ ἀριστερᾶσ χειρόσ, ἔστιν Ὀδυσσεὺσ καταβεβηκὼσ ἐσ τὸν Αἵδην ὀνομαζόμενον, ὅπωσ Τειρεσίου τὴν ψυχὴν περὶ τῆσ ἐσ τὴν οἰκείαν ἐπέρηται σωτηρίασ· ἔχει δὲ οὕτω τὰ ἐσ τὴν γραφήν. ὕδωρ εἶναι ποταμὸσ ἐοίκε, δῆλα ὡσ ὁ Ἀχέρων, καὶ κάλαμοί τε ἐν αὐτῷ πεφυκότεσ καὶ <ἰχθύεσ· ἔστι δ’> ἀμυδρὰ οὕτω δή τι τὰ εἴδη τῶν ἰχθύων <ὡσ> σκιὰσ μᾶλλον ἢ ἰχθῦσ εἰκάσεισ.

καὶ ναῦσ ἐστιν ἐν τῷ ποταμῷ καὶ ὁ πορθμεὺσ ἐπὶ ταῖσ κώπαισ. ἐπηκολούθησε δὲ ὁ Πολύγνωτοσ ἐμοὶ δοκεῖν ποιήσει Μινυάδι·

ἔστι γὰρ δὴ ἐν τῇ Μινυάδι ἐσ Θησέα ἔχοντα καὶ Πειρίθουνἔνθ’ ἤτοι νέα μὲν νεκυάμβατον, ἣν ὁ γεραιόσπορθμεὺσ ἦγε Χάρων, οὐκ ἔλαβον ἔνδοθεν ὁρ́μου. ἐπὶ τούτῳ οὖν καὶ Πολύγνωτοσ γέροντα ἔγραψεν ἤδη τῇ ἡλικίᾳ τὸν Χάρωνα. οἱ δὲ ἐπιβεβηκότεσ τῆσ νεὼσ οὐκ ἐπιφανεῖσ ἐσ ἅπαν εἰσὶν οἷσ προσήκουσι.

Τέλλισ μὲν ἡλικίαν ἐφήβου γεγονὼσ φαίνεται, Κλεόβοια δὲ ἔτι παρθένοσ, ἔχει δὲ ἐν τοῖσ γόνασι κιβωτὸν ὁποίασ ποιεῖσθαι νομίζουσι Δήμητρι. ἐσ μὲν δὴ τὸν Τέλλιν τοσοῦτον ἤκουσα ὡσ ὁ ποιητὴσ Ἀρχίλοχοσ ἀπόγονοσ εἰή τρίτοσ Τέλλιδοσ, Κλεόβοιαν δὲ ἐσ Θάσον τὰ ὄργια τῆσ Δήμητροσ ἐνεγκεῖν πρώτην ἐκ Πάρου φασίν. ἐπὶ δὲ τοῦ Ἀχέροντοσ τῇ ὄχθῃ μάλιστα <θέασ> ἄξιον, ὅτι ὑπὸ τοῦ Χάρωνοσ τὴν ναῦν ἀνὴρ οὐ δίκαιοσ ἐσ πατέρα ἀγχόμενόσ ἐστιν ὑπὸ τοῦ πατρόσ.

περὶ πλείστου γὰρ δὴ ἐποιοῦντο οἱ πάλαι γονέασ, ὥσπερ ἔστιν ἄλλοισ τε τεκμήρασθαι καὶ ἐν Κατάνῃ τοῖσ καλουμένοισ Εὐσεβέσιν, οἵ, ἡνίκα ἐπέρρει τῇ Κατάνῃ πῦρ τὸ ἐκ τῆσ Αἴτνησ, χρυσὸν μὲν καὶ ἄργυρον ἐν οὐδενὸσ μερίδι ἐποιήσαντο, οἱ δὲ ἔφευγον ὁ μὲν ἀράμενοσ μητέρα, ὁ δὲ αὐτῶν τὸν πατέρα· προϊόντασ δὲ οὐ σὺν ῥᾳστώνῃ καταλαμβάνει σφᾶσ τὸ πῦρ ἐπειγόμενον τῇ φλογί·

καὶ ‐ οὐ γὰρ κατετίθεντο οὐδ’ οὕτω τοὺσ γονέασ ‐ διχῇ σχισθῆναι λέγεται τὸν ῥύακα, καὶ αὐτούσ τε τοὺσ νεανίσκουσ, σὺν δὲ αὐτοῖσ τοὺσ γονέασ τὸ πῦρ οὐδέν σφισι λυμηνάμενον παρεξῆλθεν. οὗτοι μὲν δὴ τιμὰσ καὶ ἐσ ἐμὲ ἔτι παρὰ Καταναίων ἔχουσιν, ἐν δὲ τῇ Πολυγνώτου γραφῇ πλησίον τοῦ ἀνδρόσ, ὃσ τῷ πατρὶ ἐλυμαίνετο καὶ δι’ αὐτὸ ἐν Αἵδου κακὰ ἀναπίμπλησι, τούτου πλησίον ἱερὰ σεσυληκὼσ ἀνὴρ ὑπέσχε δίκην·

γυνὴ δὲ ἡ κολάζουσα αὐτὸν φάρμακα ἄλλα τε καὶ ἐσ αἰκίαν οἶδεν ἀνθρώπων. περισσῶσ δὲ ἄρα εὐσεβείᾳ θεῶν ἔτι προσέκειντο οἱ ἄνθρωποι, ὡσ Ἀθηναῖοί τε δῆλα ἐποίησαν, ἡνίκα εἷλον Ὀλυμπίου Διὸσ ἐν Συρακούσαισ ἱερόν, οὔτε κινήσαντεσ τῶν ἀναθημάτων οὐδὲν τὸν ἱερέα τε τὸν Συρακούσιον φύλακα ἐπ’ αὐτοῖσ ἐάσαντεσ·

ἐδήλωσε δὲ καὶ ὁ Μῆδοσ Δᾶτισ λόγοισ τε οὓσ εἶπε πρὸσ Δηλίουσ καὶ τῷ ἔργῳ, ἡνίκα ἐν Φοινίσσῃ νηὶ ἄγαλμα εὑρὼν Ἀπόλλωνοσ ἀπέδωκεν αὖθισ Ταναγραίοισ ἐσ Δήλιον. οὕτω μὲν τὸ θεῖον καὶ οἱ πάντεσ τότε ἦγον ἐν τιμῇ, καὶ ἐπὶ λόγῳ τοιούτῳ τὰ ἐσ τὸν συλήσαντα ἱερὰ ἔγραψε Πολύγνωτοσ. ἔστι δὲ ἀνωτέρω τῶν κατειλεγμένων Εὐρύνομοσ·

δαίμονα εἶναι τῶν ἐν Αἵδου φασὶν οἱ Δελφῶν ἐξηγηταὶ τὸν Εὐρύνομον, καὶ ὡσ τὰσ σάρκασ περιεσθίει τῶν νεκρῶν, μόνα σφίσιν ἀπολείπων τὰ ὀστᾶ. ἡ δὲ Ὁμήρου ποίησισ ἐσ Ὀδυσσέα καὶ ἡ Μινυάσ τε καλουμένη καὶ οἱ Νόστοι ‐ μνήμη γὰρ δὴ ἐν ταύταισ καὶ Αἵδου καὶ τῶν ἐκεῖ δειμάτων ἐστὶν ‐ ἴσασιν οὐδένα Εὐρύνομον δαίμονα. τοσοῦτο μέντοι δηλώσω, ὁποῖόσ τε ὁ Εὐρύνομοσ καὶ ἐπὶ ποίου γέγραπται τοῦ σχήματοσ·

κυανοῦ τὴν χρόαν μεταξύ ἐστι καὶ μέλανοσ, ὁποῖαι καὶ τῶν μυιῶν αἱ πρὸσ τὰ κρέα εἰσὶ προσιζάνουσαι, τοὺσ δὲ ὀδόντασ φαίνει, καθεζομένῳ δὲ ὑπέστρωταί οἱ δέρμα γυπόσ. ἐφεξῆσ δὲ μετὰ τὸν Εὐρύνομον ἥ τε ἐξ Ἀρκαδίασ Αὔγη καὶ Ἰφιμέδειά ἐστι·

καὶ ἡ μὲν παρὰ Τεύθραντα ἡ Αὔγη ἀφίκετο ἐσ Μυσίαν, καὶ γυναικῶν ὁπόσαισ ἐσ τὸ αὐτὸ Ἡρακλέα ἀφικέσθαι λέγουσι, μάλιστα δὴ παῖδα ἐοικότα ἔτεκε τῷ πατρί· τῇ δ’ Ἰφιμεδείᾳ γέρα δέδοται μεγάλα ὑπὸ τῶν ἐν Μυλάσοισ Καρῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 28

(파우사니아스, Description of Greece, Φωκικά, Λοκρῶν Ὀζόλων, chapter 28)

상위

목록

SEARCH

MENU NAVIGATION