헬라어 문장 검색 - Παυσαν́Δεσξριπ́10́26́

(파우사니아스, Description of Greece, Φωκικά, Λοκρῶν Ὀζόλων, chapter 26)

τῶν δὲ γυναικῶν τῶν μεταξὺ τῆσ τε Αἴθρασ καὶ Νέστοροσ, εἰσὶν ἄνωθεν τούτων αἰχμάλωτοι καὶ αὗται Κλυμένη τε καὶ Κρέουσα καὶ Ἀριστομάχη καὶ Ξενοδίκη. Κλυμένην μὲν οὖν Στησίχοροσ ἐν Ἰλίου πέρσιδι κατηρίθμηκεν ἐν ταῖσ αἰχμαλώτοισ· ὡσαύτωσ δὲ καὶ Ἀριστομάχην ἐποίησεν ἐν Νόστοισ θυγατέρα μὲν Πριάμου, Κριτολάου δὲ γυναῖκα εἶναι τοῦ Ἱκετάονοσ· Ξενοδίκησ δὲ μνημονεύσαντα οὐκ οἶδα οὔτε ποιητὴν οὔτε ὅσοι λόγων συνθέται. ἐπὶ δὲ τῇ Κρεούσῃ λέγουσιν ὡσ ἡ θεῶν μήτηρ καὶ Ἀφροδίτη δουλείασ ἀπὸ Ἑλλήνων αὐτὴν ἐρρύσαντο, εἶναι γὰρ δὴ καὶ Αἰνείου τὴν Κρέουσαν γυναῖκα· Λέσχεωσ δὲ καὶ ἔπη τὰ Κύπρια διδόασιν Εὐρυδίκην γυναῖκα Αἰνείᾳ. γεγραμμέναι δὲ ἐπὶ κλίνησ ὑπὲρ ταύτασ Δηινόμη τε καὶ Μητιόχη καὶ Πεῖσίσ ἐστι καὶ Κλεοδίκη·

τούτων ἐν Ἰλιάδι καλουμένῃ μικρᾷ μόνησ ἐστὶ τὸ ὄνομα τῆσ Δηινόμησ, τῶν δ’ ἄλλων ἐμοὶ δοκεῖν συνέθηκε τὰ ὀνόματα ὁ Πολύγνωτοσ. γέγραπται δὲ καὶ Ἐπειὸσ γυμνὸσ καταβάλλων ἐσ ἔδαφοσ τῶν Τρώων τὸ τεῖχοσ· ἀνέχει δὲ ὑπὲρ αὐτὸ κεφαλὴ τοῦ ἵππου μόνη τοῦ δουρείου. κεφαλῇ κράνοσ·

λόφοσ δὲ ἐπὶ τῷ κράνει πεποίηται.

καὶ Ὀδυσσεύσ τέ ἐστι καὶ ἐνδέδυκε θώρακα Ὀδυσσεύσ. Αἰάσ δὲ ὁ Οἰλέωσ ἔχων ἀσπίδα βωμῷ προσέστηκεν, ὀμνύμενοσ ὑπὲρ τοῦ ἐσ Κασσάνδραν τολμήματοσ· ἡ δὲ κάθηταί τε ἡ Κασσάνδρα χαμαὶ καὶ τὸ ἄγαλμα ἔχει τῆσ Ἀθηνᾶσ, εἴγε δὴ ἀνέτρεψεν ἐκ βάθρων τὸ ξόανον, ὅτε ἀπὸ τῆσ ἱκεσίασ αὐτὴν ὁ Αἰάσ ἀφεῖλκε. γεγραμμένοι δὲ καὶ οἱ παῖδέσ εἰσιν οἱ Ἀτρέωσ, ἐπικείμενοι καὶ οὗτοι κράνη, Μενελάῳ δὲ ἀσπίδα ἔχοντι δράκων ἐπὶ τῇ ἀσπίδι ἐστὶν εἰργασμένοσ τοῦ ἐν Αὐλίδι φανέντοσ ἐπὶ τοῖσ ἱερείοισ τέρατοσ ἕνεκα. ὑπὸ τούτοισ <τοῖσ> τὸν Αἰάντα ἐξορκοῦσιν, κατ’ εὐθὺ δὲ τοῦ ἵππου <τοῦ> παρὰ τῷ Νέστορι Νεοπτόλεμοσ ἀπεκτονώσ ἐστιν Ἔλασον, ὅστισ δὴ ὁ Ἔλασοσ. οὗτοσ μὲν δὴ ὀλίγον ἐμπνέοντι ἔτι εἴκασται·

Ἀστύνοον δέ, οὗ δὴ ἐποιήσατο καὶ Λέσχεωσ μνήμην, πεπτωκότα ἐσ γόνυ ὁ Νεοπτόλεμοσ ξίφει παίει. Νεοπτόλεμον δὲ μόνον τοῦ Ἑλληνικοῦ φονεύοντα ἔτι τοὺσ Τρῶασ ἐποίησεν ὁ Πολύγνωτοσ, ὅτι ὑπὲρ τοῦ Νεοπτολέμου τὸν τάφον ἡ γραφὴ πᾶσα ἔμελλεν αὐτῷ γενήσεσθαι. τοῦ δὲ Ἀχιλλέωσ τῷ παιδὶ Ὅμηροσ μὲν Νεοπτόλεμον ὄνομα ἐν ἁπάσῃ οἱ τίθεται τῇ ποιήσει· τὰ δὲ Κύπρια ἔπη φησὶν ὑπὸ Λυκομήδουσ μὲν Πύρρον, Νεοπτόλεμον δὲ ὄνομα ὑπὸ Φοίνικοσ αὐτῷ τεθῆναι, ὅτι Ἀχιλλεὺσ ἡλικίᾳ ἔτι νέοσ πολεμεῖν ἤρξατο. γέγραπται δὲ βωμόσ τε καὶ ὑπὸ δείματοσ παῖσ μικρὸσ ἐχόμενοσ τοῦ βωμοῦ·

κεῖται δὲ καὶ θώραξ ἐπὶ τῷ βωμῷ χαλκοῦσ. κατὰ δὴ ἐμὲ σπάνιον τῶν θωράκων τὸ σχῆμα ἦν τούτων, τὸ δὲ ἀρχαῖον ἔφερον αὐτούσ. δύο ἦν χαλκᾶ ποιήματα, τὸ μὲν στέρνῳ καὶ τοῖσ ἀμφὶ τὴν γαστέρα ἁρμόζον, τὸ δὲ ὡσ νώτου σκέπην εἶναι ‐ γύαλα ἐκαλοῦντο ‐ · τὸ μὲν ἔμπροσθεν τὸ δὲ ὄπισθεν προσῆγον, ἔπειτα περόναι συνῆπτον πρὸσ ἄλληλα.

ἀσφάλειαν δὲ ἀποχρῶσαν ἐδόκει παρέχεσθαι καὶ ἀσπίδοσ χωρίσ·

ἐπὶ τούτῳ καὶ Ὅμηροσ Φόρκυνα τὸν Φρύγα οὐκ ἔχοντα ἀσπίδα ἐποίησεν, ὅτι αὐτῷ γυαλοθώραξ ἦν. ἐγὼ δὲ γραφῇ μεμιμημένον τοῦτον ἐθεασάμην ὑπὸ τοῦ Πολυγνώτου, καὶ ἐν Ἀρτέμιδοσ τῆσ Ἐφεσίασ Καλλιφῶν ὁ Σάμιοσ Πατρόκλῳ τοῦ θώρακοσ τὰ γύαλα ἁρμοζούσασ ἔγραψε γυναῖκασ. τοῦ βωμοῦ δὲ ἐπέκεινα Λαοδίκην ἔγραψεν ἑστῶσαν.

ταύτην οὔτε ὑπὸ ποιητοῦ κατειλεγμένην ἐν ταῖσ αἰχμαλώτοισ ταῖσ Τρῳάσιν εὑρ́ισκον οὔτε ἄλλωσ ἐφαίνετο ἔχειν μοι τὸ εἰκὸσ ἢ ἀφεθῆναι τὴν Λαοδίκην ὑπὸ Ἑλλήνων. Ὅμηροσ μέν γε ἐδήλωσεν ἐν Ἰλιάδι Μενελάου καὶ Ὀδυσσέωσ ξενίαν παρὰ Ἀντήνορι καὶ ὡσ Ἑλικάονι ἡ Λαοδίκη συνοικοίη τῷ Ἀντήνοροσ· Λέσχεωσ δὲ τετρωμένον τὸν Ἑλικάονα ἐν τῇ νυκτομαχίᾳ γνωρισθῆναί τε ὑπὸ Ὀδυσσέωσ καὶ ἐξαχθῆναι ζῶντα ἐκ τῆσ μάχησ φησίν.

ἕποιτο ἂν οὖν τῇ Μενελάου καὶ Ὀδυσσέωσ κηδεμονίᾳ περὶ οἶκον τὸν Ἀντήνοροσ μηδὲ ἐσ τοῦ Ἑλικάονοσ τὴν γυναῖκα ἔργον δυσμενὲσ ὑπὸ Ἀγαμέμνονοσ καὶ Μενελάου γενέσθαι· Εὐφορίων δὲ ἀνὴρ Χαλκιδεὺσ σὺν οὐδενὶ εἰκότι τὰ ἐσ τὴν Λαοδίκην ἐποίησεν. ἐφεξῆσ δὲ τῇ Λαοδίκῃ ὑποστάτησ τε λίθου καὶ λουτήριόν ἐστιν ἐπὶ τῷ ὑποστάτῃ χαλκοῦν, Μέδουσα δὲ κατέχουσα ταῖσ χερσὶν ἀμφοτέραισ τὸ ὑπόστατον ἐπὶ τοῦ ἐδάφουσ κάθηται·

ἐν δὲ ταῖσ Πριάμου θυγατράσιν ἀριθμήσαι τισ ἂν καὶ ταύτην κατὰ τοῦ Ἱμεραίου τὴν ᾠδήν.

παρὰ δὲ τὴν Μέδουσαν ἐν χρῷ κεκαρμένη πρεσβῦτισ ἢ ἄνθρωπόσ ἐστιν εὐνοῦχοσ, παιδίον δὲ ἐν τοῖσ γόνασιν ἔχει γυμνόν· τὸ δὲ τὴν χεῖρα ὑπὸ δείματοσ ἐπίπροσθε τῶν ὀφθαλμῶν πεποίηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 26

(파우사니아스, Description of Greece, Φωκικά, Λοκρῶν Ὀζόλων, chapter 26)

상위

목록

SEARCH

MENU NAVIGATION