헬라어 문장 검색 - Παυσαν́Δεσξριπ́10́25́

(파우사니아스, Description of Greece, Φωκικά, Λοκρῶν Ὀζόλων, chapter 25)

ὑπὲρ δὲ τὴν Κασσοτίδα ἐστὶν οἴκημα γραφὰσ ἔχον τῶν Πολυγνώτου, ἀνάθημα μὲν Κνιδίων, καλεῖται δὲ ὑπὸ Δελφῶν Λέσχη, ὅτι ἐνταῦθα συνιόντεσ τὸ ἀρχαῖον τά τε σπουδαιότερα διελέγοντο καὶ ὁπόσα μυθώδη· τοιαῦτ’ εἶναι πολλὰ ἀνὰ πᾶσαν τὴν Ἑλλάδα Ὅμηροσ ἐν Μελανθοῦσ λοιδορίᾳ πρὸσ Ὀδυσσέα ἐδήλωσεν· οὐδ’ ἐθέλεισ εὕδειν χαλκήιον ἐσ δόμον ἐλθὼνἠέ που ἐσ λέσχην, ἀλλ’ ἐνθάδε πόλλ’ ἀγορεύεισ. ἐσ τοῦτο οὖν ἐσελθόντι τὸ οἴκημα τὸ μὲν σύμπαν τὸ ἐν δεξιᾷ τῆσ γραφῆσ Ἴλιόσ τέ ἐστιν ἑαλωκυῖα καὶ ἀπόπλουσ ὁ Ἑλλήνων.

Μενελάῳ δὲ τὰ ἐσ τὴν ἀναγωγὴν εὐτρεπίζουσι, καὶ ναῦσ ἐστι γεγραμμένη καὶ ἄνδρεσ ἐν τοῖσ ναύταισ καὶ ἀναμὶξ παῖδεσ, ἐν μέσῃ δέ ἐστι τῇ νηὶ ὁ κυβερνήτησ Φρόντισ κοντοὺσ δύο ἔχων. Ὅμηροσ δὲ Νέστορα ἐποίησεν ἄλλα τε διαλεγόμενον πρὸσ Τηλέμαχον καὶ περὶ τοῦ Φρόντιδοσ·

πατρὸσ μὲν Ὀνήτοροσ, Μενελάου δὲ ἦν κυβερνήτησ, δοκιμώτατοσ δὲ ἐσ τὴν τέχνην, καὶ ὡσ Σούνιον ἤδη τὸ ἐν τῇ Ἀττικῇ παραπλέοντα ἐπέλαβεν αὐτὸν τὸ χρεών· καὶ τέωσ ὁμοῦ Νέστορι ὁ Μενέλαοσ πλέων τότε κατὰ αἰτίαν ἀπελείφθη ταύτην, ἵνα μνήματοσ καὶ ὅσα ἐπὶ νεκροῖσ ἄλλα ἀξιώσειε τὸν Φρόντιν. οὗτόσ τε οὖν ἐν τοῦ Πολυγνώτου τῇ γραφῇ καὶ ὑπ’ αὐτὸν Ἰθαιμένησ τέ τισ κομίζων ἐσθῆτα καὶ Ἐχοίαξ διὰ τῆσ ἀποβάθρασ κατιών ἐστιν, ὑδρίαν ἔχων χαλκῆν.

καταλύουσι δὲ καὶ τοῦ Μενελάου τὴν σκηνὴν οὐ πόρρω τῆσ νεὼσ οὖσαν Πολίτησ καὶ Στρόφιόσ τε καὶ Ἄλφιοσ. καὶ ἄλλην διαλύων σκηνήν ἐστιν Ἀμφίαλοσ, ὑπὸ δὲ τοῦ Ἀμφιάλου τοῖσ ποσὶ κάθηται παῖσ· ἐπίγραμμα δὲ οὐκ ἔστι τῷ παιδί, γένεια δὲ μόνῳ τῷ Φρόντιδι. καὶ μόνου τούτου τὸ ὄνομα ἐκ τῆσ ἐσ Ὀδυσσέα ποιήσεωσ ἔμαθε, τῶν δὲ ἄλλων ἐμοὶ δοκεῖν τὰ ὀνόματα συνέθηκεν αὐτὸσ ὁ Πολύγνωτοσ. Βρισηὶσ δὲ ἑστῶσα καὶ Διομήδη τε ὑπὲρ αὐτῆσ καὶ Ἶφισ πρὸ ἀμφοτέρων ἐοίκασιν ἀνασκοπούμενοι τὸ Ἑλένησ εἶδοσ.

κάθηται δὲ αὐτή τε ἡ Ἑλένη καὶ Εὐρυβάτησ πλησίον· τὸν δὲ Ὀδυσσέωσ εἶναι κήρυκα εἰκάζομεν, οὐ μὴν εἶχεν ἤδη γένεια. θεράπαινα δὲ Ἠλέκτρα καὶ Πανθαλίσ, ἡ μὲν τῇ Ἑλένῃ παρέστηκεν, ἡ δὲ ὑποδεῖ τὴν δέσποιναν ἡ Ἠλέκτρα· διάφορα δὲ καὶ ταῦτα τὰ ὀνόματα <ἢ> Ὅμηροσ ἔθετο ἐν Ἰλιάδι, ἔνθα καὶ Ἑλένην καὶ ἰούσασ ὁμοῦ τῇ Ἑλένῃ τὰσ δούλασ ἐπὶ τὸ τεῖχοσ πεποίηκεν.

κάθηται δὲ ὑπὲρ τὴν Ἑλένην πορφυροῦν ἀνὴρ ἀμπεχόμενοσ ἱμάτιον καὶ ἐσ τὰ μάλιστα κατηφήσ·

Ἕλενον εἶναι τεκμήραιο ἂν τὸν Πριάμου καὶ πρὶν ἢ καὶ τὸ ἐπίγραμμα ἐπιλέξασθαι. πλησίον δὲ τοῦ Ἑλένου Μέγησ ἐστί· τέτρωται δὲ τὸν βραχίονα ὁ Μέγησ, καθὰ δὴ καὶ Λέσχεωσ ὁ Αἰσχυλίνου Πυρραῖοσ ἐν Ἰλίου πέρσιδι ἐποίησε· τρωθῆναι δὲ ὑπὸ τὴν μάχην τοῦτον, ἣν ἐν τῇ νυκτὶ ἐμαχέσαντο οἱ Τρῶεσ, ὑπὸ Ἀδμήτου φησὶ τοῦ Αὐγείου. γέγραπται δὲ καὶ Λυκομήδησ παρὰ τὸν Μέγητα ὁ Κρέοντοσ, ἔχων τραῦμα ἐπὶ τῷ καρπῷ·

Λέσχεωσ δ’ οὕτω φησὶν αὐτὸν ὑπὸ Ἀγήνοροσ τρωθῆναι. δῆλα οὖν ὡσ ἄλλωσ γε οὐκ ἂν ὁ Πολύγνωτοσ ἔγραψεν οὕτω τὰ ἕλκη σφίσιν, εἰ μὴ ἐπελέξατο τὴν ποίησιν τοῦ Λέσχεω· προσεπέθηκε μέντοι καὶ σφυροῦ τῷ Λυκομήδει καὶ τρίτον τραῦμα ἐν τῇ κεφαλῇ. τέτρωται δὲ καὶ Εὐρύαλοσ ὁ Μηκιστέωσ κεφαλήν τε καὶ ἐπὶ τῇ χειρὶ τὸν καρπόν. οὗτοι μὲν δὴ ἀνωτέρω τῆσ Ἑλένησ εἰσὶν ἐν τῇ γραφῇ·

ἐφεξῆσ δὲ τῇ Ἑλένῃ μήτηρ τε ἡ Θησέωσ ἐν χρῷ κεκαρμένη καὶ παίδων τῶν Θησέωσ Δημοφῶν ἐστι φροντίζων, ὅσα γε ἀπὸ τοῦ σχήματοσ, εἰ ἀνασώσασθαί οἱ τὴν Αἴθραν ἐνέσται. Ἐπίγονοι καλούμενοι Νέμεια δεύτεροι οὗτοι ἔθεσαν μετὰ Ἄδραστον.

Λέσχεωσ δὲ ἐσ τὴν Αἴθραν ἐποίησεν, ἡνίκα ἡλίσκετο Ἴλιον, ὑπεξελθοῦσαν ἐσ τὸ στρατόπεδον αὐτὴν ἀφικέσθαι τὸ Ἑλλήνων καὶ ὑπὸ τῶν παίδων γνωρισθῆναι τῶν Θησέωσ, καὶ ὡσ παρ’ Ἀγαμέμνονοσ αἰτήσαι Δημοφῶν αὐτήν·

ὁ δὲ ἐκείνῳ μὲν ἐθέλειν χαρίζεσθαι, ποιήσειν δὲ οὐ πρότερον ἔφη πρὶν Ἑλένην πεῖσαι· ἀποστείλαντι δὲ αὐτῷ κήρυκα ἔδωκεν Ἑλένη τὴν χάριν. ἐοίκεν οὖν ὁ Εὐρυβάτησ ὁ ἐν τῇ γραφῇ ἀφῖχθαί τε ὡσ τὴν Ἑλένην τῆσ Αἴθρασ ἕνεκα καὶ τὰ ἐντεταλμένα ὑπὸ τοῦ Ἀγαμέμνονοσ ἀπαγγέλλειν. γυναῖκεσ δὲ αἱ Τρῳάδεσ αἰχμαλώτοισ τε ἤδη καὶ ὀδυρομέναισ ἐοίκασι.

γέγραπται μὲν Ἀνδρομάχη, καὶ ὁ παῖσ οἱ προσέστηκεν ἑλόμενοσ τοῦ μαστοῦ ‐ τούτῳ Λέσχεωσ ῥιφθέντι ἀπὸ τοῦ πύργου συμβῆναι λέγει τὴν τελευτήν· οὐ μὴν ὑπὸ δόγματόσ γε Ἑλλήνων, ἀλλ’ ἰδίᾳ Νεοπτόλεμον αὐτόχειρα ἐθελῆσαι γενέσθαι ‐ , γέγραπται δὲ Μηδεσικάστη, θυγατέρων μὲν Πριάμου καὶ αὕτη τῶν νόθων, ἐξῳκίσθαι δὲ ἐσ Πήδαιον πόλιν φησὶν αὐτὴν Ὅμηροσ Ἰμβρίῳ Μέντοροσ παιδὶ ἀνδρὶ ἐσ Πήδαιον συνοικοῦσαν. ἡ μὲν δὴ Ἀνδρομάχη καὶ ἡ Μηδεσικάστη καλύμματά εἰσιν ἐπικείμεναι, Πολυξένη δὲ κατὰ τὰ εἰθισμένα παρθένοισ ἀναπέπλεκται τὰσ ἐν τῇ κεφαλῇ τρίχασ·

ἀποθανεῖν δὲ αὐτὴν ἐπὶ τῷ Ἀχιλλέωσ μνήματι ποιηταί τε ᾄδουσι καὶ γραφὰσ ἔν τε Ἀθήναισ καὶ Περγάμῳ τῇ ὑπὲρ Καί̈κου θεασάμενοσ οἶδα ἐχούσασ ἐσ τῆσ Πολυξένησ τὰ παθήματα. γέγραφε δὲ καὶ Νέστορα τῇ κεφαλῇ τε ἐπικείμενον πῖλον καὶ ἐν τῇ χειρὶ δόρυ ἔχοντα·

καὶ ἵπποσ κονίεσθαι μέλλοντοσ παρέχεται σχῆμα·

ἄχρι μὲν δὴ τοῦ ἵππου αἰγιαλόσ τε καὶ ἐν αὐτῷ ψηφῖδεσ ὑποφαίνονται, τὸ δὲ ἐντεῦθεν οὐκέτι ἐοίκεν εἶναι θάλασσα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Φωκικά, Λοκρῶν Ὀζόλων, chapter 25

(파우사니아스, Description of Greece, Φωκικά, Λοκρῶν Ὀζόλων, chapter 25)

상위

목록

SEARCH

MENU NAVIGATION