헬라어 문장 검색 - Λυξιαν́Διαλογί16́

(루키아노스, Dialogi mortuorum, Διογένησ καὶ Ἡρακλῆσ.)

Οὐχ Ἡρακλῆσ οὗτόσ ἐστιν; οὐ μὲν οὖν ἄλλοσ, μὰ τὸν Ἡρακλέα. τὸ τόξον, τὸ ῥόπαλον, ἡ λεοντῆ, τὸ μέγεθοσ, ὅλοσ Ἡρακλῆσ ἐστιν. εἶτα τέθνηκε Διὸσ υἱὸσ ὤν; εἰπέ μοι, ὦ καλλίνικε, νεκρὸσ εἶ; ἐγὼ γάρ σοι ἔθυον ὑπὲρ γῆσ ὡσ θεῷ. Καὶ ὀρθῶσ ἔθυεσ· ἐγὼ δ̓ εἴδωλόν εἰμι αὐτοῦ. Πῶσ λέγεισ; εἴδωλον τοῦ θεοῦ; καὶ δυνατὸν ἐξ ἡμισείασ μέν τινα θεὸν εἶναι, τεθνάναι δὲ τῷ ἡμίσει; Ναί· οὐ γὰρ ἐκεῖνοσ τέθνηκεν, ἀλλ̓ ἐγω ἡ εἰκῶν αὐτοῦ. Μανθάνω·

ἄντανδρον σε τῷ Πλούτωνι παρέδωκεν ἀνθ̓ ἑαυτοῦ, καὶ σὺ τοίνυν ἀντ̓ ἐκείνου νεκρὸσ εἶ. Τοιοῦτό τι. Πῶσ οὖν ἀκριβὴσ ὁ Αἰακὸσ ὢν οὐ διέγνω σε μὴ ὄντα ἐκεῖνον, ἀλλὰ παρεδέξατο ὑποβολιμαῖον Ἡρακλέα παρόντα; Ὅτι ἐῴκειν ἀκριβῶσ. Ἀληθῆ λέγεισ· ἀκριβῶσ γάρ, ὥστε αὐτὸσ εἶναι. ὁρ́α γοῦν μὴ τὸ ἐναντίον ἐστὶ καὶ σὺ μὲν εἶ ὁ Ἡρακλῆσ, τὸ δὲ εἴδωλον γεγάμηκε τὴν Ἥβην παρὰ τοῖσ θεοῖσ. Θρασὺσ εἶ καὶ λάλοσ, καὶ εἰ μὴ παύσῃ σκώπτων ἐσ ἐμέ, εἴσῃ αὐτίκα οἱού θεοῦ εἴδωλόν εἰμι.

Τὸ μὲν τόξον γυμνὸν καὶ πρόχειρον· ἐγὼ δὲ τί ἂν ἔτι φοβοίμην σε ἅπαξ τεθνηκώσ; ἀτὰρ εἰπέ μοι πρὸσ τοῦ σοῦ Ἡρακλέουσ, ὁπότε ἐκεῖνοσ ἔζη, συνῆσ αὐτῷ καὶ τότε εἴδωλον ὤν; ἢ εἷσ μὲν ἦτε παρὰ τὸν βίον, ἐπεὶ δὲ ἀπεθάνετε, διαιρεθέντεσ ὁ μὲν ἐσ θεοὺσ ἀπέπτατο, σὺ δὲ τὸ εἴδωλον, ὥσπερ εἰκὸσ ἦν, ἐσ ᾅδου πάρει; Ἐχρῆν μὲν μηδὲ ἀποκρίνασθαι πρὸσ ἄνδρα οὕτωσ ἐρεσχηλοῦντα·

ὅμωσ δ̓ οὖν καὶ τοῦτο ἄκουσον· ὁπόσον μὲν γὰρ Ἀμφιτρύωνοσ ἐν τῷ Ἡρακλεῖ ἦν, τοῦτο τέθνηκε καί εἰμι ἐγὼ ἐκεῖνο πᾶν, ὃ δὲ ἦν τοῦ Διόσ, ἐν οὐρανῷ σύνεστι τοῖσ θεοῖσ. Σαφῶσ νῦν μανθάνω·

δύο γὰρ φὴσ ἔτεκεν ἡ Ἀλκμήνη κατὰ τὸ αὐτὸ Ἡρακλέασ, τὸν μὲν ὑπ̓ Ἀμφιτρύωνι, τὸν δὲ παρὰ τοῦ Διόσ, ὥστε ἐλελήθειτε δίδυμοι ὄντεσ ὁμομήτριοι. Οὔκ, ὦ μάταιε· ὁ γὰρ αὐτὸσ ἄμφω ἦμεν. Οὐκ ἔστι μαθεῖν τοῦτο ῥᾴδιον, συνθέτουσ δύο ὄντασ Ἡρακλέασ, ἐκτὸσ εἰ μὴ ὥσπερ ἱπποκένταυρόσ τισ ἦτε ἐσ ἓν συμπεφυκότεσ ἄνθρωποσ καὶ θεόσ. Οὐ γὰρ καὶ πάντεσ οὕτω σοι δοκοῦσι συγκεῖσθαι ἐκ δυεῖν, ψυχῆσ καὶ σώματοσ; ἐστι τὴν μὲν ψυχὴν ἐν οὐρανῷ εἶναι, ἥπερ ἦν ἐκ Διόσ, τὸ δὲ θνητὸν ἐμὲ παρὰ τοῖσ νεκροῖσ;

Ἀλλ̓, ὦ βέλτιστε Ἀμφιτρυωνιάδη, καλῶσ ἂν ταῦτα ἔλεγεσ, εἰ σῶμα ἦσθα, νῦν δὲ ἀσώματον εἴδωλον εἶ·

ὥστε κινδυνεύεισ τριπλοῦν ἤδη ποιῆσαι τὸν Ἡρακλέα. Πῶσ τριπλοῦν; Ὧδέ πωσ· εἰ γὰρ ὁ μέν τισ ἐν οὐρανῷ, ὁ δὲ παῤ ἡμῖν σὺ τὸ εἴδωλον, τὸ δὲ σῶμα ἐλύθη κόνισ ἤδη γενόμενον, τρία ταῦτα δὴ γίγνεται. καὶ σκόπει, ὅντινα δὴ πατέρα τὸν τρίτον ἐπινοήσεισ τῷ σώματι. Θρασὺσ εἶ καὶ σοφιστήσ· τίσ δὲ καὶ ὢν τυγχάνεισ; ἀλλὰ τοῖσ βελτίστοισ νεκρῶν ἀνδρῶν συνὼν Ὁμήρου καὶ τῆσ τοσαύτησ ψυχρολογίασ καταγελῶ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Dialogi mortuorum, Διογένησ καὶ Ἡρακλῆσ.

(루키아노스, Dialogi mortuorum, Διογένησ καὶ Ἡρακλῆσ.)

상위

목록

SEARCH

MENU NAVIGATION