헬라어 문장 검색 - Διοδορ́Βιβλιοτ́5́84́

(디오도로스 시켈로스, Bibliotheca Historica, book 5, chapter 83)

ὕστερον δὲ τῆσ κατὰ τὴν Λέσβον ἀποικίασ ἱκανοῖσ τισι χρόνοισ συνέβη τὴν νῆσον τὴν ὀνομαζομένην Τένεδον κατοικισθῆναι τοιῷδέ τινι τρόπῳ. Τέννησ ἦν υἱὸσ μὲν Κύκνου τοῦ βασιλεύσαντοσ Κολώνησ τῆσ ἐν τῇ Τρῳάδι, ἀνὴρ δ’ ἐπίσημοσ δι’ ἀρετήν. οὗτοσ οἰκήτορασ ἀθροίσασ καὶ τὴν ὁρμὴν ἐκ τῆσ ἀντιπέρασ ἠπείρου ποιησάμενοσ, κατελάβετο νῆσον ἔρημον οὖσαν τὴν ὀνομαζομένην Λεύκοφρυν·

κατακληρουχήσασ δ’ αὐτὴν τοῖσ ὑπ’ αὐτὸν ταττομένοισ, καὶ κτίσασ ἐν αὐτῇ πόλιν, ὠνόμασεν ἀφ’ ἑαυτοῦ Τένεδον. πολιτευόμενοσ δὲ καλῶσ καὶ πολλὰ τοὺσ ἐγχωρίουσ εὐεργετήσασ ζῶν μὲν μεγάλησ ἀποδοχῆσ ἐτύγχανε, τελευτήσασ δ’ ἀθανάτων τιμῶν ἠξιώθη·

καὶ γὰρ τέμενοσ αὐτοῦ κατεσκεύασαν καὶ θυσίαισ ὡσ θεὸν ἐτίμων, ἃσ διετέλουν θύοντεσ μέχρι τῶν νεωτέρων καιρῶν. οὐ παραλειπτέον δ’ ἡμῖν περὶ τῶν παρὰ τοῖσ Τενεδίοισ μυθολογουμένων περὶ τοῦ κτίσαντοσ τὴν πόλιν Τέννου·

Κύκνον γάρ φασι τὸν πατέρα πιστεύσαντα γυναικὸσ διαβολαῖσ ἀδίκοισ τὸν υἱὸν Τέννην εἰσ λάρνακα θέντα καταποντίσαι· ταύτην δ’ ὑπὸ τοῦ κλύδωνοσ φερομένην προσενεχθῆναι τῇ Τενέδῳ, καὶ τὸν Τέννην παραδόξωσ σωθέντα θεῶν τινοσ προνοίᾳ τῆσ νήσου βασιλεῦσαι, καὶ γενόμενον ἐπιφανῆ διὰ τὴν δικαιοσύνην καὶ τὰσ ἄλλασ ἀρετὰσ τυχεῖν ἀθανάτων τιμῶν. κατὰ δὲ τὰσ τῆσ μητρυιᾶσ διαβολὰσ αὐλητοῦ τινοσ ψευδῶσ καταμαρτυρήσαντοσ, νόμιμον ἔθεντο μηδένα αὐλητὴν εἰσ τὸ τέμενοσ εἰσιέναι. κατὰ δὲ τοὺσ Τρωικοὺσ χρόνουσ Ἀχιλλέωσ τὸν Τέννην ἀνελόντοσ καθ’ ὃν καιρὸν ἐπόρθησαν οἱ Ἕλληνεσ τὴν Τένεδον, νόμον ἔθεσαν οἱ Τενέδιοι μηδένα ἐξεῖναι ἐν τῷ τεμένει τοῦ κτίστου ὀνομάσαι Ἀχιλλέα.

περὶ μὲν οὖν τῆσ Τενέδου καὶ τῶν ἐν αὐτῇ τὸ παλαιὸν οἰκησάντων τοιαῦτα μυθολογοῦσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 83

(디오도로스 시켈로스, Bibliotheca Historica, book 5, chapter 83)

상위

목록

SEARCH

MENU NAVIGATION