헬라어 문장 검색 - Διοδορ́Βιβλιοτ́5́71́

(디오도로스 시켈로스, Bibliotheca Historica, book 5, chapter 70)

περὶ δὲ τῆσ τοῦ Διὸσ γενέσεώσ τε καὶ βασιλείασ διαφωνεῖται· καί τινεσ μέν φασιν αὐτὸν μετὰ τὴν ἐξ ἀνθρώπων τοῦ Κρόνου μετάστασιν εἰσ θεοὺσ διαδέξασθαι τὴν βασιλείαν, οὐ βίᾳ κατισχύσαντα τὸν πατέρα, νομίμωσ δὲ καὶ δικαίωσ ἀξιωθέντα ταύτησ τῆσ τιμῆσ· τινὲσ δὲ μυθολογοῦσι τῷ Κρόνῳ γενέσθαι λόγιον περὶ τῆσ τοῦ Διὸσ γενέσεωσ, ὅτι παραιρήσεται τὴν βασιλείαν αὐτοῦ βιαίωσ ὁ γεννηθεὶσ παῖσ. διόπερ τὸν μὲν Κρόνον τὰ γεννώμενα παιδία πλεονάκισ ἀφανίζειν, τὴν δὲ Ῥέαν ἀγανακτήσασαν, καὶ μὴ δυναμένην μεταθεῖναι τὴν προαίρεσιν τἀνδρόσ, τὸν Δία τεκοῦσαν ἐν τῇ προσαγορευομένῃ Ἴδῃ κλέψαι καὶ δοῦναι λάθρᾳ τοῖσ Κούρησιν ἐκθρέψαι τοῖσ κατοικοῦσι πλησίον ὄρουσ τῆσ Ἴδησ.

τούτουσ δ ἀπενέγκαντασ εἴσ τι ἄντρον παραδοῦναι ταῖσ Νύμφαισ, παρακελευσαμένουσ τὴν πᾶσαν ἐπιμέλειαν αὐτοῦ ποιεῖσθαι. αὗται δὲ μέλι καὶ γάλα μίσγουσαι τὸ παιδίον ἔθρεψαν καὶ τῆσ αἰγὸσ τῆσ ὀνομαζομένησ Ἀμαλθείασ τὸν μαστὸν εἰσ διατροφὴν παρείχοντο.

σημεῖα δὲ πολλὰ μέχρι τοῦ νῦν διαμένειν τῆσ γενέσεωσ καὶ διατροφῆσ τοῦ θεοῦ τούτου κατὰ τὴν νῆσον. φερομένου μὲν γὰρ ὑπὸ τῶν Κουρήτων αὐτοῦ νηπίου φασὶν ἀποπεσεῖν τὸν ὀμφαλὸν περὶ τὸν ποταμὸν τὸν καλούμενον Τρίτωνα, καὶ τὸ χωρίον τε τοῦτο καθιερωθὲν ἀπὸ τοῦ τότε συμβάντοσ Ὀμφαλὸν προσαγορευθῆναι καὶ τὸ περικείμενον πεδίον ὁμοίωσ Ὀμφάλειον.

κατὰ δὲ τὴν Ἴδην, ἐν ᾗ συνέβη τραφῆναι τὸν θεόν, τό τε ἄντρον ἐν ᾧ τὴν δίαιταν εἶχε καθιέρωται καὶ οἱ περὶ αὐτὸ λειμῶνεσ ὁμοίωσ ἀνεῖνται περὶ τὴν ἀκρώρειαν ὄντεσ. τὸ δὲ πάντων παραδοξότατον καὶ μυθολογούμενον περὶ τῶν μελιττῶν οὐκ ἄξιον παραλιπεῖν·

τὸν γὰρ θεόν φασιν ἀθάνατον μνήμην τῆσ πρὸσ αὐτὰσ οἰκειότητοσ διαφυλάξαι βουλόμενον ἀλλάξαι μὲν τὴν χρόαν αὐτῶν καὶ ποιῆσαι χαλκῷ χρυσοειδεῖ παραπλησίαν, τοῦ τόπου δ’ ὄντοσ ὑψηλοῦ καθ’ ὑπερβολήν, καὶ πνευμάτων τε μεγάλων ἐν αὐτῷ γινομένων καὶ χιόνοσ πολλῆσ πιπτούσησ, ἀνεπαισθήτουσ αὐτὰσ καὶ ἀπαθεῖσ ποιῆσαι, δυσχειμερωτάτουσ τόπουσ νεμομένασ. τῇ θρεψάσῃ δ’ αἰγὶ τιμάσ τέ τινασ ἄλλασ ἀπονεῖμαι καὶ τὴν ἐπωνυμίαν ἀπ’ αὐτῆσ λαβεῖν, αἰγίοχον ἐπονομασθέντα.

ἀνδρωθέντα δ’ αὐτόν φασι πρῶτον πόλιν κτίσαι περὶ τὴν Δίκταν, ὅπου καὶ τὴν γένεσιν αὐτοῦ γενέσθαι μυθολογοῦσιν· ἧσ ἐκλειφθείσησ ἐν τοῖσ ὕστερον χρόνοισ διαμένειν ἔτι καὶ νῦν ἑρ́ματα τῶν θεμελίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 70

(디오도로스 시켈로스, Bibliotheca Historica, book 5, chapter 70)

상위

목록

SEARCH

MENU NAVIGATION