헬라어 문장 검색 - Διοδορ́Βιβλιοτ́5́64́

(디오도로스 시켈로스, Bibliotheca Historica, book 5, chapter 63)

ἐν δὲ τοῖσ ὕστερον χρόνοισ ἐπὶ τοσοῦτον ἔλαβε τὸ ἱερὸν αὔξησιν τῆσ Ἡμιθέασ, ὥστε μὴ μόνον παρὰ τοῖσ ἐγχωρίοισ καὶ τοῖσ περιοίκοισ τιμᾶσθαι διαφερόντωσ, ἀλλὰ καὶ τοὺσ μακρὰν οἰκοῦντασ εἰσ αὐτὸ φιλοτίμωσ φοιτᾶν, καὶ θυσίαισ τε μεγαλοπρεπέσι καὶ ἀναθήμασιν ἀξιολόγοισ τιμᾶν, τὸ δὲ μέγιστον, Πέρσασ ἡγουμένουσ τῆσ Ἀσίασ καὶ πάντα τὰ τῶν Ἑλλήνων ἱερὰ συλῶντασ μόνου τοῦ τῆσ Ἡμιθέασ τεμένουσ ἀποσχέσθαι, τούσ τε λῃστὰσ τοὺσ πάντα διαρπάζοντασ μόνον τοῦτο ἀφεῖναι παντελῶσ ἄσυλον, καίπερ ἀτείχιστον ὑπάρχον καὶ ἀκίνδυνον ἔχον τὴν ἁρπαγήν. αἰτίαν δὲ τῆσ ἐπὶ πλέον αὐξήσεωσ φέρουσι τὴν κοινὴν εἰσ ἀνθρώπουσ εὐεργεσίαν·

τοῖσ τε γὰρ κάμνουσι κατὰ τοὺσ ὕπνουσ ἐφισταμένην φανερῶσ διδόναι τὴν θεραπείαν καὶ πολλοὺσ τοῖσ ἀπεγνωσμένοισ πάθεσι συνεχομένουσ ὑγιασθῆναι· πρὸσ δὲ τούτοισ τὰσ δυστοκούσασ τῶν γυναικῶν τῆσ ἐν ταῖσ ὠδῖσι ταλαιπωρίασ καὶ κινδύνων ἀπαλλάττειν τὴν θεόν. διὸ καὶ πολλῶν ἐκ παλαιῶν χρόνων σεσωσμένων πεπλήρωται τὸ τέμενοσ ἀναθημάτων, καὶ ταῦτα οὔθ’ ὑπὸ φυλάκων οὔθ’ ὑπὸ τείχουσ ὀχυροῦ φυλαττόμενα, ἀλλ’ ὑπὸ τῆσ συνήθουσ δεισιδαιμονίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 63

(디오도로스 시켈로스, Bibliotheca Historica, book 5, chapter 63)

상위

목록

SEARCH

MENU NAVIGATION