헬라어 문장 검색 - Διοδορ́Βιβλιοτ́5́60́

(디오도로스 시켈로스, Bibliotheca Historica, book 5, chapter 59)

ὕστερον δὲ τούτων Ἀλθαιμένησ ὁ Κατρέωσ υἱὸσ τοῦ Κρητῶν βασιλέωσ περί τινων χρηστηριαζόμενοσ ἔλαβε χρησμόν, ὅτι πεπρωμένον ἐστὶν αὐτῷ τοῦ πατρὸσ αὐτόχειρα γενέσθαι. βουλόμενοσ οὖν τοῦτο τὸ μύσοσ ἐκφυγεῖν ἑκουσίωσ ἔφυγεν ἐκ τῆσ Κρήτησ μετὰ τῶν βουλομένων συναπᾶραι, πλειόνων ὄντων.

οὗτοσ μὲν οὖν κατέπλευσε τῆσ Ῥοδίασ εἰσ Κάμειρον καὶ ἐπὶ ὄρουσ Ἀταβύρου Διὸσ ἱερὸν ἱδρύσατο τοῦ προσαγορευομένου Ἀταβυρίου· διόπερ ἔτι καὶ νῦν τιμᾶται διαφερόντωσ, κείμενον ἐπί τινοσ ὑψηλῆσ ἄκρασ, ἀφ’ ἧσ ἐστιν ἀφορᾶν τὴν Κρήτην. ὁ μὲν οὖν Ἀλθαιμένησ μετὰ τῶν συνακολουθησάντων κατῴκησεν ἐν τῇ Καμείρῳ, τιμώμενοσ ὑπὸ τῶν ἐγχωρίων·

ὁ δὲ πατὴρ αὐτοῦ Κατρεύσ, ἔρημοσ ὢν ἀρρένων παίδων καὶ διαφερόντωσ ἀγαπῶν τὸν Ἀλθαιμένην, ἔπλευσεν εἰσ Ῥόδον, φιλοτιμούμενοσ εὑρεῖν τὸν υἱὸν καὶ ἀπαγαγεῖν εἰσ Κρήτην. τῆσ δὲ κατὰ τὸ πεπρωμένον ἀνάγκησ ἐπισχυούσησ, ὁ μὲν Κατρεὺσ ἀπέβη μετά τινων ἐπὶ τὴν Ῥοδίαν νυκτόσ, καὶ γενομένησ συμπλοκῆσ καὶ μάχησ πρὸσ τοὺσ ἐγχωρίουσ ὁ Ἀλθαιμένησ ἐκβοηθῶν ἠκόντισε λόγχῃ καὶ δι’ ἄγνοιαν παίσασ ἀπέκτεινε τὸν πατέρα. γνωσθείσησ δὲ τῆσ πράξεωσ, ὁ Ἀλθαιμένησ οὐ δυνάμενοσ φέρειν τὸ μέγεθοσ τῆσ συμφορᾶσ τὰσ μὲν ἀπαντήσεισ καὶ ὁμιλίασ τῶν ἀνθρώπων περιέκαμπτε, διδοὺσ δ’ ἑαυτὸν εἰσ τὰσ ἐρημίασ ἠλᾶτο μόνοσ καὶ διὰ τὴν λύπην ἐτελεύτησεν·

ὕστερον δὲ κατά τινα χρησμὸν τιμὰσ ἔσχε παρὰ Ῥοδίοισ ἡρωικάσ. βραχὺ δὲ πρὸ τῶν Τρωικῶν Τληπόλεμοσ ὁ Ἡρακλέουσ φεύγων διὰ τὸν Λικυμνίου θάνατον, ὃν ἀκουσίωσ ἦν ἀνῃρηκώσ, ἔφυγεν ἑκουσίωσ ἐξ Ἄργουσ·

χρησμὸν δὲ λαβὼν ὑπὲρ ἀποικίασ μετά τινων λαῶν κατέπλευσεν εἰσ τὴν Ῥόδον, καὶ προσδεχθεὶσ ὑπὸ τῶν ἐγχωρίων αὐτοῦ κατῴκησε. γενόμενοσ δὲ βασιλεὺσ πάσησ τῆσ νήσου τήν τε χώραν ἐπ’ ἴσησ κατεκληρούχησε καὶ τἄλλα διετέλεσεν ἄρχων ἐπιεικῶσ.

τὸ δὲ τελευταῖον μετ’ Ἀγαμέμνονοσ στρατεύων εἰσ Ἴλιον τῆσ μὲν Ῥόδου τὴν ἡγεμονίαν παρέδωκε Βούτᾳ τῷ ἐξ Ἄργουσ αὐτῷ μετασχόντι τῆσ φυγῆσ, αὐτὸσ δ’ ἐπιφανὴσ ἐν τῷ πολέμῳ γενόμενοσ ἐτελεύτησεν ἐν τῇ Τρῳάδι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 59

(디오도로스 시켈로스, Bibliotheca Historica, book 5, chapter 59)

상위

목록

SEARCH

MENU NAVIGATION