헬라어 문장 검색 - Διοδορ́Βιβλιοτ́5́59́

(디오도로스 시켈로스, Bibliotheca Historica, book 5, chapter 58)

κατὰ δὲ τούτουσ τοὺσ χρόνουσ Δαναὸσ ἔφυγεν ἐξ Αἰγύπτου μετὰ τῶν θυγατέρων· καταπλεύσασ δὲ τῆσ Ῥοδίασ εἰσ Λίνδον καὶ προσδεχθεὶσ ὑπὸ τῶν ἐγχωρίων, ἱδρύσατο τῆσ Ἀθηνᾶσ ἱερὸν καὶ τὸ ἄγαλμα τῆσ θεοῦ καθιέρωσε. τῶν δὲ τοῦ Δαναοῦ θυγατέρων τρεῖσ ἐτελεύτησαν κατὰ τὴν ἐπιδημίαν τὴν ἐν τῇ Λίνδῳ, αἱ δ’ ἄλλαι μετὰ τοῦ πατρὸσ Δαναοῦ εἰσ Ἄργοσ ἐξέπλευσαν. μικρὸν δ’ ὕστερον τούτων τῶν χρόνων Κάδμοσ ὁ Ἀγήνοροσ, ἀπεσταλμένοσ ὑπὸ τοῦ βασιλέωσ κατὰ ζήτησιν τῆσ Εὐρώπησ, κατέπλευσεν εἰσ τὴν Ῥοδίαν·

κεχειμασμένοσ δ’ ἰσχυρῶσ κατὰ τὸν πλοῦν καὶ πεποιημένοσ εὐχὰσ ἱδρύσασθαι Ποσειδῶνοσ ἱερόν, διασωθεὶσ ἱδρύσατο κατὰ τὴν νῆσον τοῦ θεοῦ τούτου τέμενοσ καὶ τῶν Φοινίκων ἀπέλιπέ τινασ τοὺσ ἐπιμελησομένουσ. οὗτοι δὲ καταμιγέντεσ Ιἀλυσίοισ διετέλεσαν συμπολιτευόμενοι τούτοισ· ἐξ ὧν φασι τοὺσ ἱερεῖσ κατὰ γένοσ διαδέχεσθαι τὰσ ἱερωσύνασ. ὁ δ’ οὖν Κάδμοσ καὶ τὴν Λινδίαν Ἀθηνᾶν ἐτίμησεν ἀναθήμασιν, ἐν οἷσ ἦν χαλκοῦσ λέβησ ἀξιόλογοσ κατεσκευασμένοσ εἰσ τὸν ἀρχαῖον ῥυθμόν·

οὗτοσ δ’ εἶχεν ἐπιγραφὴν Φοινικικοῖσ γράμμασιν, ἅ φασι πρῶτον ἐκ Φοινίκησ εἰσ τὴν Ἑλλάδα κομισθῆναι. μετὰ δὲ ταῦτα τῆσ Ῥοδίασ γῆσ ἀνείσησ ὄφεισ ὑπερμεγέθεισ συνέβη πολλοὺσ τῶν ἐγχωρίων ὑπὸ τῶν ὄφεων διαφθαρῆναι·

διόπερ οἱ περιλειφθέντεσ ἔπεμψαν εἰσ Δῆλον τοὺσ ἐπερωτήσοντασ τὸν θεὸν περὶ τῆσ τῶν κακῶν ἀπαλλαγῆσ. τοῦ δ’ Ἀπόλλωνοσ προστάξαντοσ αὐτοῖσ παραλαβεῖν Φόρβαντα μετὰ τῶν συνακολουθούντων αὐτῷ, καὶ μετὰ τούτων κατοικεῖν τὴν Ῥόδον·

οὗτοσ δ’ ἦν υἱὸσ μὲν Λαπίθου, διέτριβε δὲ περὶ Θετταλίαν μετὰ πλειόνων, ζητῶν χώραν εἰσ κατοίκησιν· τῶν δὲ Ῥοδίων μεταπεμψαμένων αὐτὸν κατὰ τὴν μαντείαν καὶ μεταδόντων τῆσ χώρασ, ὁ μὲν Φόρβασ ἀνεῖλε τοὺσ ὄφεισ, καὶ τὴν νῆσον ἐλευθερώσασ τοῦ φόβου, κατῴκησεν ἐν τῇ Ῥοδίᾳ, γενόμενοσ δὲ καὶ τἄλλα ἀνὴρ ἀγαθὸσ ἔσχε τιμὰσ ἡρωικὰσ μετὰ τὴν τελευτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 58

(디오도로스 시켈로스, Bibliotheca Historica, book 5, chapter 58)

상위

목록

SEARCH

MENU NAVIGATION