헬라어 문장 검색 - Διοδορ́Βιβλιοτ́5́39́

(디오도로스 시켈로스, Bibliotheca Historica, book 5, chapter 38)

οἱ δ’ οὖν ταῖσ ἐργασίαισ τῶν μετάλλων ἐνδιατρίβοντεσ τοῖσ μὲν κυρίοισ ἀπίστουσ τοῖσ πλήθεσι προσόδουσ περιποιοῦσιν, αὐτοὶ δὲ κατὰ γῆσ ἐν τοῖσ ὀρύγμασι καὶ καθ’ ἡμέραν καὶ νύκτα καταξαινόμενοι τὰ σώματα, πολλοὶ μὲν ἀποθνήσκουσι διὰ τὴν ὑπερβολὴν τῆσ κακοπαθείασ· ἄνεσισ γὰρ ἢ παῦλα τῶν ἔργων οὐκ ἔστιν αὐτοῖσ, ἀλλὰ τῶν ἐπιστατῶν πληγαῖσ ἀναγκαζόντων ὑπομένειν τὴν δεινότητα τῶν κακῶν ἀτυχῶσ προϊένται τὸ ζῆν, τινὲσ δὲ ταῖσ δυνάμεσι τῶν σωμάτων καὶ ταῖσ τῶν ψυχῶν καρτερίαισ ὑπομένοντεσ πολυχρόνοιον ἔχουσι τὴν ταλαιπωρίαν· αἱρετώτεροσ γὰρ αὐτοῖσ ὁ θάνατόσ ἐστι τοῦ ζῆν διὰ τὸ μέγεθοσ τῆσ ταλαιπωρίασ. πολλῶν δ’ ὄντων περὶ τὰσ προειρημένασ μεταλλείασ παραδόξων, οὐχ ἥκιστ’ ἄν τισ θαυμάσειε διότι τῶν μεταλλουργείων οὐδὲν πρόσφατον ἔχει τὴν ἀρχήν, πάντα δ’ ὑπὸ τῆσ Καρχηδονίων φιλαργυρίασ ἀνεῴχθη καθ’ ὃν καιρὸν καὶ τῆσ Ἰβηρίασ ἐπεκράτουν.

ἐκ τούτων γὰρ ἔσχον τὴν ἐπὶ πλέον αὔξησιν, μισθούμενοι τοὺσ κρατίστουσ στρατιώτασ καὶ διὰ τούτων πολλοὺσ καὶ μεγάλουσ πολέμουσ διαπολεμήσαντεσ. καθόλου γὰρ ἀεὶ Καρχηδόνιοι διεπολέμουν οὔτε πολιτικοῖσ στρατιώταισ οὔτε τοῖσ ἀπὸ τῶν συμμάχων ἀθροιζομένοισ πεποιθότεσ, ἀλλὰ καὶ Ῥωμαίουσ καὶ Σικελιώτασ καὶ τοὺσ κατὰ τὴν Λιβύην οἰκοῦντασ εἰσ μεγίστουσ ἦγον κινδύνουσ καταπλουτομαχοῦντεσ ἅπαντασ διὰ τὴν ἐκ τῶν μετάλλων γινομένην εὐπορίαν.

δεινοὶ γάρ, ὡσ ἐοίκεν, ὑπῆρξαν οἱ Φοίνικεσ ἐκ παλαιῶν χρόνων εἰσ τὸ κέρδοσ εὑρεῖν, οἱ δ’ ἀπὸ τῆσ Ἰταλίασ εἰσ τὸ μηδὲν μηδενὶ τῶν ἄλλων καταλιπεῖν. γίνεται δὲ καὶ καττίτεροσ ἐν πολλοῖσ τόποισ τῆσ Ἰβηρίασ, οὐκ ἐξ ἐπιπολῆσ εὑρισκόμενοσ, ὡσ ἐν ταῖσ ἱστορίαισ τινὲσ τεθρυλήκασιν, ἀλλ’ ὀρυττόμενοσ καὶ χωνευόμενοσ ὁμοίωσ ἀργύρῳ τε καὶ χρυσῷ.

ὑπεράνω γὰρ τῆσ τῶν Λυσιτανῶν χώρασ ἔστι μέταλλα πολλὰ τοῦ καττιτέρου, κατὰ τὰσ προκειμένασ τῆσ Ἰβηρίασ ἐν τῷ ὠκεανῷ νησῖδασ τὰσ ἀπὸ τοῦ συμβεβηκότοσ Καττιτερίδασ ὠνομασμένασ. πολὺσ δὲ καὶ ἐκ τῆσ Πρεττανικῆσ νήσου διακομίζεται πρὸσ τὴν κατ’ ἀντικρὺ κειμένην Γαλατίαν, καὶ διὰ τῆσ μεσογείου Κελτικῆσ ἐφ’ ἵππων ὑπὸ τῶν ἐμπόρων ἄγεται παρά τε τοὺσ Μασσαλιώτασ καὶ εἰσ τὴν ὀνομαζομένην πόλιν Ναρβῶνα·

αὕτη δ’ ἐστὶν ἄποικοσ μὲν Ῥωμαίων, διὰ δὲ τὴν εὐκαιρίαν μέγιστον ἐμπόριον ἔχουσα τῶν ἐν ἐκείνοισ τοῖσ τόποισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 38

(디오도로스 시켈로스, Bibliotheca Historica, book 5, chapter 38)

상위

목록

SEARCH

MENU NAVIGATION