헬라어 문장 검색 - Διοδορ́Βιβλιοτ́5́32́

(디오도로스 시켈로스, Bibliotheca Historica, book 5, chapter 31)

αὐτοὶ δ’ εἰσὶ τὴν πρόσοψιν καταπληκτικοὶ καὶ ταῖσ φωναῖσ βαρυηχεῖσ καὶ παντελῶσ τραχύφωνοι, κατὰ δὲ τὰσ ὁμιλίασ βραχυλόγοι καὶ αἰνιγματίαι · πολλὰ δὲ λέγοντεσ ἐν ὑπερβολαῖσ ἐπ’ αὐξήσει μὲν ἑαυτῶν, μειώσει δὲ τῶν ἄλλων, ἀπειληταί τε καὶ ἀνατατικοὶ καὶ τετραγῳδημένοι ὑπάρχουσι, ταῖσ δὲ διανοίαισ ὀξεῖσ καὶ πρὸσ μάθησιν οὐκ ἀφυεῖσ. εἰσὶ δὲ παρ’ αὐτοῖσ καὶ ποιηταὶ μελῶν, οὓσ βάρδουσ ὀνομάζουσιν.

οὗτοι δὲ μετ’ ὀργάνων ταῖσ λύραισ ὁμοίων ᾅδοντεσ οὓσ μὲν ὑμνοῦσιν, οὓσ δὲ βλασφημοῦσι. φιλόσοφοί τέ τινέσ εἰσι καὶ θεολόγοι περιττῶσ τιμώμενοι, οὓσ δρουίδασ ὀνομάζουσι. χρῶνται δὲ καὶ μάντεσιν, ἀποδοχῆσ μεγάλησ ἀξιοῦντεσ αὐτούσ·

οὗτοι δὲ διά τε τῆσ οἰωνοσκοπίασ καὶ διὰ τῆσ τῶν ἱερείων θυσίασ τὰ μέλλοντα προλέγουσι, καὶ πᾶν τὸ πλῆθοσ ἔχουσιν ὑπήκοον. μάλιστα δ’ ὅταν περί τινων μεγάλων ἐπισκέπτωνται, παράδοξον καὶ ἄπιστον ἔχουσι νόμιμον· ἄνθρωπον γὰρ κατασπείσαντεσ τύπτουσι μαχαίρᾳ κατὰ τὸν ὑπὲρ τὸ διάφραγμα τόπον, καὶ πεσόντοσ τοῦ πληγέντοσ ἐκ τῆσ πτώσεωσ καὶ τοῦ σπαραγμοῦ τῶν μελῶν, ἔτι δὲ τῆσ τοῦ αἵματοσ ῥύσεωσ τὸ μέλλον νοοῦσι, παλαιᾷ τινι καὶ πολυχρονίῳ παρατηρήσει περὶ τούτων πεπιστευκότεσ. ἔθοσ δ’ αὐτοῖσ ἐστι μηδένα θυσίαν ποιεῖν ἄνευ φιλοσόφου·

διὰ γὰρ τῶν ἐμπείρων τῆσ θείασ φύσεωσ ὡσπερεί τινων ὁμοφώνων τὰ χαριστήρια τοῖσ θεοῖσ φασι δεῖν προσφέρειν, καὶ διὰ τούτων οἰόνται δεῖν τἀγαθὰ αἰτεῖσθαι. οὐ μόνον δ’ ἐν ταῖσ εἰρηνικαῖσ χρείαισ, ἀλλὰ καὶ κατὰ τοὺσ πολέμουσ τούτοισ μάλιστα πείθονται καὶ τοῖσ μελῳδοῦσι ποιηταῖσ, οὐ μόνον οἱ φίλοι, ἀλλὰ καὶ οἱ πολέμιοι·

πολλάκισ δ’ ἐν ταῖσ παρατάξεσι πλησιαζόντων ἀλλήλοισ τῶν στρατοπέδων καὶ τοῖσ ξίφεσιν ἀνατεταμένοισ καὶ ταῖσ λόγχαισ προβεβλημέναισ, εἰσ τὸ μέσον οὗτοι προελθόντεσ παύουσιν αὐτούσ, ὥσπερ τινὰ θηρία κατεπᾴσαντεσ. οὕτω καὶ παρὰ τοῖσ ἀγριωτάτοισ βαρβάροισ ὁ θυμὸσ εἴκει τῇ σοφίᾳ καὶ ὁ Ἄρησ αἰδεῖται τὰσ Μούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 31

(디오도로스 시켈로스, Bibliotheca Historica, book 5, chapter 31)

상위

목록

SEARCH

MENU NAVIGATION