헬라어 문장 검색 - Διοδορ́Βιβλιοτ́5́29́

(디오도로스 시켈로스, Bibliotheca Historica, book 5, chapter 28)

οἱ δὲ Γαλάται τοῖσ μὲν σώμασίν εἰσιν εὐμήκεισ, ταῖσ δὲ σαρξὶ κάθυγροι καὶ λευκοί, ταῖσ δὲ κόμαισ οὐ μόνον ἐκ φύσεωσ ξανθοί, ἀλλὰ καὶ διὰ τῆσ κατασκευῆσ ἐπιτηδεύουσιν αὔξειν τὴν φυσικὴν τῆσ χρόασ ἰδιότητα. τιτάνου γὰρ ἀποπλύματι σμῶντεσ τὰσ τρίχασ συνεχῶσ ἀπὸ τῶν μετώπων ἐπὶ τὴν κορυφὴν καὶ τοὺσ τένοντασ ἀνασπῶσιν, ὥστε τὴν πρόσοψιν αὐτῶν φαίνεσθαι Σατύροισ καὶ Πᾶσιν ἐοικυῖαν·

παχύνονται γὰρ αἱ τρίχεσ ἀπὸ τῆσ κατεργασίασ, ὥστε μηδὲν τῆσ τῶν ἵππων χαίτησ διαφέρειν. τὰ δὲ γένεια τινὲσ μὲν ξυρῶνται, τινὲσ δὲ μετρίωσ ὑποτρέφουσιν·

οἱ δ’ εὐγενεῖσ τὰσ μὲν παρειὰσ ἀπολειαίνουσι, τὰσ δ’ ὑπήνασ ἀνειμένασ ἐῶσιν, ὥστε τὰ στόματα αὐτῶν ἐπικαλύπτεσθαι. διόπερ ἐσθιόντων μὲν αὐτῶν ἐμπλέκονται ταῖσ τροφαῖσ, πινόντων δὲ καθαπερεὶ διά τινοσ ἡθμοῦ φέρεται τὸ πόμα. δειπνοῦσι δὲ καθήμενοι πάντεσ οὐκ ἐπὶ θρόνων, ἀλλ’ ἐπὶ τῆσ γῆσ, ὑποστρώμασι χρώμενοι λύκων ἢ κυνῶν δέρμασι.

διακονοῦνται δ’ ὑπὸ τῶν νεωτάτων παίδων ἐχόντων ἡλικίαν, ἀρρένων τε καὶ θηλειῶν. πλησίον δ’ αὐτῶν ἐσχάραι κεῖνται γέμουσαι πυρὸσ καὶ λέβητασ ἔχουσαι καὶ ὀβελοὺσ πλήρεισ κρεῶν ὁλομερῶν. τοὺσ δ’ ἀγαθοὺσ ἄνδρασ ταῖσ καλλίσταισ τῶν κρεῶν μοίραισ γεραίρουσι, καθάπερ καὶ ὁ ποιητὴσ τὸν Αἰάντα παρεισάγει τιμώμενον ὑπὸ τῶν ἀριστέων, ὅτε πρὸσ Ἕκτορα μονομαχήσασ ἐνίκησε, νώτοισιν δ’ Αἰάντα διηνεκέεσσι γέραιρε. καλοῦσι δὲ καὶ τοὺσ ξένουσ ἐπὶ τὰσ εὐωχίασ, καὶ μετὰ τὸ δεῖπνον ἐπερωτῶσι, τίνεσ εἰσὶ καὶ τίνων χρείαν ἔχουσιν.

εἰώθασι δὲ καὶ παρὰ τὸ δεῖπνον ἐκ τῶν τυχόντων πρὸσ τὴν διὰ τῶν λόγων ἅμιλλαν καταστάντεσ, ἐκ προκλήσεωσ μονομαχεῖν πρὸσ ἀλλήλουσ, παρ’ οὐδὲν τιθέμενοι τὴν τοῦ βίου τελευτήν· ἐνισχύει γὰρ παρ’ αὐτοῖσ ὁ Πυθαγόρου λόγοσ, ὅτι τὰσ ψυχὰσ τῶν ἀνθρώπων ἀθανάτουσ εἶναι συμβέβηκε καὶ δι’ ἐτῶν ὡρισμένων πάλιν βιοῦν, εἰσ ἕτερον σῶμα τῆσ ψυχῆσ εἰσδυομένησ. διὸ καὶ κατὰ τὰσ ταφὰσ τῶν τετελευτηκότων ἐνίουσ ἐπιστολὰσ γεγραμμένασ τοῖσ οἰκείοισ τετελευτηκόσιν ἐμβάλλειν εἰσ τὴν πυράν, ὡσ τῶν τετελευτηκότων ἀναγνωσομένων ταύτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 28

(디오도로스 시켈로스, Bibliotheca Historica, book 5, chapter 28)

상위

목록

SEARCH

MENU NAVIGATION