헬라어 문장 검색 - Διοδορ́Βιβλιοτ́5́20́

(디오도로스 시켈로스, Bibliotheca Historica, book 5, chapter 19)

ἐπεὶ δὲ περὶ τῶν ἐντὸσ Ἡρακλείων στηλῶν κειμένων νήσων διεληλύθαμεν, περὶ τῶν κατὰ τὸν ὠκεανὸν οὐσῶν διέξιμεν. κατὰ γὰρ τὴν Λιβύην κεῖται πελαγία νῆσοσ ἀξιόλογοσ μὲν τῷ μεγέθει, κειμένη δὲ κατὰ τὸν ὠκεανὸν ἀπέχει πλοῦν ἀπὸ τῆσ Λιβύησ ἡμερῶν πλειόνων, κεκλιμένη πρὸσ τὴν δύσιν. ἔχει δὲ χώραν καρποφόρον, πολλὴν μὲν ὀρεινήν, οὐκ ὀλίγην δὲ πεδιάδα κάλλει διαφέρουσαν. διαρρεομένη γὰρ ποταμοῖσ πλωτοῖσ ἐκ τούτων ἀρδεύεται, καὶ πολλοὺσ μὲν ἔχει παραδείσουσ καταφύτουσ παντοίοισ δένδρεσι, παμπληθεῖσ δὲ κηπείασ διειλημμένασ ὕδασι γλυκέσιν·

ἐπαύλεισ τε πολυτελεῖσ ταῖσ κατασκευαῖσ ὑπάρχουσιν ἐν αὐτῇ καὶ κατὰ τὰσ κηπείασ κατεσκευασμένα κωθωνιστήρια τὴν διάθεσιν ἀνθηρὰν ἔχοντα, ἐν οἷσ οἱ κατοικοῦντεσ κατὰ τὴν θερινὴν ὡρ́αν ἐνδιατρίβουσι, δαψιλῶσ τῆσ χώρασ χορηγούσησ τὰ πρὸσ τὴν ἀπόλαυσιν καὶ τρυφήν. ἥ τε ὀρεινὴ δρυμοὺσ ἔχει πυκνοὺσ καὶ μεγάλουσ καὶ δένδρα παντοδαπὰ καρποφόρα καὶ πρὸσ τὰσ ἐν τοῖσ ὄρεσι διαίτασ ἔχοντα συναγκείασ καὶ πηγὰσ πολλάσ.

καθόλου δ’ ἡ νῆσοσ αὕτη κατάρρυτόσ ἐστι ναματιαίοισ καὶ γλυκέσιν ὕδασι, δι’ ὧν οὐ μόνον ἀπόλαυσισ ἐπιτερπὴσ γίνεται τοῖσ ἐμβιοῦσιν ἐν αὐτῇ, ἀλλὰ καὶ πρὸσ ὑγίειαν σωμάτων καὶ ῥώμην συμβάλλεται. κυνήγιά τε δαψιλῆ παντοίων ζῴων καὶ θηρίων ὑπάρχει, καὶ τούτων ἐν ταῖσ εὐωχίαισ εὐποροῦντεσ οὐδὲν ἐλλιπὲσ ἔχουσι τῶν πρὸσ τρυφὴν καὶ πολυτέλειαν ἀνηκόντων·

καὶ γὰρ ἰχθύων ἔχει πλῆθοσ ἡ προσκλύζουσα τῇ νήσῳ θάλαττα διὰ τὸ φύσει τὸν ὠκεανὸν πανταχῇ πλήθειν παντοδαπῶν ἰχθύων. καθόλου δ’ ἡ νῆσοσ αὕτη τὸν περικείμενον ἀέρα παντελῶσ εὔκρατον ἔχουσα τὸ πλέον μέροσ τοῦ ἐνιαυτοῦ φέρει πλῆθοσ ἀκροδρύων καὶ τῶν ἄλλων τῶν ὡραίων, ὥστε δοκεῖν αὐτὴν ὡσεὶ θεῶν τινων, οὐκ ἀνθρώπων ὑπάρχειν ἐμβιωτήριον διὰ τὴν ὑπερβολὴν τῆσ εὐδαιμονίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 19

(디오도로스 시켈로스, Bibliotheca Historica, book 5, chapter 19)

상위

목록

SEARCH

MENU NAVIGATION