헬라어 문장 검색 - Διοδορ́Βιβλιοτ́5́11́

(디오도로스 시켈로스, Bibliotheca Historica, book 5, chapter 10)

λείπεται δ’ ἡμῖν περὶ τῆσ τῶν Λιπαραίων πόλεωσ τὰσ αἰτίασ ἀποδοῦναι, δι’ ἃσ ἐν τοῖσ ὕστερον χρόνοισ ἔλαβεν αὔξησιν οὐ μόνον πρὸσ εὐδαιμονίαν, ἀλλὰ καὶ πρὸσ δόξαν. αὕτη γὰρ λιμέσι τε καλοῖσ ὑπὸ τῆσ φύσεωσ κεκόσμηται καὶ θερμοῖσ ὕδασι τοῖσ διαβεβοημένοισ· οὐ μόνον γὰρ πρὸσ ὑγίειαν τῶν νοσούντων τὰ κατ’ αὐτὴν λουτρὰ πολλὰ συμβάλλεται, ἀλλὰ καὶ κατὰ τὴν τῶν θερμῶν ὑδάτων ἰδιότητα παρέχεται τέρψιν καὶ ἀπόλαυσιν οὐ τὴν τυχοῦσαν. διόπερ πολλοὶ τῶν κατὰ τὴν Σικελίαν ὑπὸ νόσων ἰδιοτρόπων ἐνοχλούμενοι καταντῶσιν εἰσ αὐτήν, καὶ τοῖσ λουτροῖσ χρώμενοι παραδόξωσ ὑγιεῖσ καθίστανται. ἔχει δ’ ἡ νῆσοσ αὕτη τὰ διαβεβοημένα μέταλλα τῆσ στυπτηρίασ, ἐξ ἧσ λαμβάνουσιν οἱ Λιπαραῖοι καὶ Ῥωμαῖοι μεγάλασ προσόδουσ.

οὐδαμοῦ γὰρ τῆσ οἰκουμένησ στυπτηρίασ γινομένησ καὶ πολλὴν χρείαν παρεχομένησ, εἰκότωσ μονοπώλιον ἔχοντεσ καὶ τὰσ τιμὰσ ἀναβιβάζοντεσ πλῆθοσ χρημάτων λαμβάνουσιν ἄπιστον· ἐν μόνῃ γὰρ τῇ νήσῳ Μήλῳ φύεται μικρά τισ στυπτηρία, μὴ δυναμένη διαρκεῖν πολλαῖσ πόλεσιν. ἔστι δὲ καὶ ἡ νῆσοσ τῶν Λιπαραίων μικρὰ μὲν τὸ μέγεθοσ, καρποφόροσ δὲ ἱκανῶσ καὶ τὰ πρὸσ ἀνθρώπων τρυφὴν ἔχουσα διαφερόντωσ·

καὶ γὰρ ἰχθύων παντοδαπῶν παρέχεται πλῆθοσ τοῖσ κατοικοῦσι καὶ τῶν ἀκροδρύων τὰ μάλιστα δυνάμενα παρέχεσθαι τὴν ἐκ τῆσ ἀπολαύσεωσ ἡδονήν. καὶ περὶ μὲν Λιπάρασ καὶ τῶν ἄλλων τῶν Αἰόλου νήσων καλουμένων ἀρκεσθησόμεθα τοῖσ ῥηθεῖσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 10

(디오도로스 시켈로스, Bibliotheca Historica, book 5, chapter 10)

상위

목록

SEARCH

MENU NAVIGATION