헬라어 문장 검색 - Διοδορ́Βιβλιοτ́5́07́

(디오도로스 시켈로스, Bibliotheca Historica, book 5, chapter 6)

περὶ δὲ τῶν κατοικησάντων ἐν αὐτῇ πρώτων Σικανῶν, ἐπειδή τινεσ τῶν συγγραφέων διαφωνοῦσιν, ἀναγκαῖόν ἐστι συντόμωσ εἰπεῖν. Φίλιστοσ μὲν γάρ φησιν ἐξ Ἰβηρίασ αὐτοὺσ ἀποικισθέντασ κατοικῆσαι τὴν νῆσον, ἀπό τινοσ Σικανοῦ ποταμοῦ κατ’ Ἰβηρίαν ὄντοσ τετευχότασ ταύτησ τῆσ προσηγορίασ, Τίμαιοσ δὲ τὴν ἄγνοιαν τούτου τοῦ συγγραφέωσ ἐλέγξασ ἀκριβῶσ ἀποφαίνεται τούτουσ αὐτόχθονασ εἶναι· πολλὰσ δ’ αὐτοῦ φέροντοσ ἀποδείξεισ τῆσ τούτων ἀρχαιότητοσ, οὐκ ἀναγκαῖον ἡγούμεθα περὶ τούτων διεξιέναι. οἱ δ’ οὖν Σικανοὶ τὸ παλαιὸν κωμηδὸν ᾤκουν, ἐπὶ τῶν ὀχυρωτάτων λόφων τὰσ πόλεισ κατασκευάζοντεσ διὰ τοὺσ λῃστάσ·

οὐ γὰρ ἦσαν ὑπὸ μίαν ἡγεμονίαν βασιλέωσ τεταγμένοι, κατὰ πόλιν δὲ ἑκάστην εἷσ ἦν ὁ δυναστεύων. καὶ τὸ μὲν πρῶτον ἅπασαν τὴν νῆσον κατῴκουν, καὶ τὴν χώραν ἐργαζόμενοι τὰσ τροφὰσ εἶχον·

ὕστερον δὲ τῆσ Αἴτνησ ἐν πλείοσι τόποισ ἀναφυσήματα πυρὸσ ἀνείσησ, καὶ πολλοῦ κατὰ τὴν χώραν ῥύακοσ ἐκχυθέντοσ, συνέβη φθαρῆναι τῆσ γῆσ ἐπὶ πολὺν τόπον. ἐπ’ ἔτη δὲ πλείω τοῦ πυρὸσ ἐπινεμομένου πολλὴν χώραν, φοβηθέντεσ τὰ μὲν πρὸσ ἑώ κεκλιμένα τῆσ Σικελίασ ἐξέλιπον, εἰσ δὲ τὰ πρὸσ δυσμὰσ νεύοντα μετῴκησαν. τὸ δὲ τελευταῖον πολλαῖσ γενεαῖσ ὕστερον ἐκ τῆσ Ἰταλίασ τὸ τῶν Σικελῶν ἔθνοσ πανδημεὶ περαιωθὲν εἰσ τὴν Σικελίαν, τὴν ὑπὸ τῶν Σικανῶν ἐκλειφθεῖσαν χώραν κατῴκησαν. ἀεὶ δὲ τῇ πλεονεξίᾳ προβαινόντων τῶν Σικελῶν, καὶ τὴν ὅμορον πορθούντων, ἐγένοντο πόλεμοι πλεονάκισ αὐτοῖσ πρὸσ τοὺσ Σικανούσ, ἑώσ συνθήκασ ποιησάμενοι συμφώνουσ ὁρ́ουσ ἔθεντο τῆσ χώρασ·

περὶ ὧν τὰ κατὰ μέροσ ἐν τοῖσ οἰκείοισ χρόνοισ ἀναγράψομεν. ὕσταται δ’ ἀποικίαι τῶν Ἑλλήνων ἐγένοντο κατὰ τὴν Σικελίαν ἀξιόλογοι καὶ πόλεισ παρὰ θάλατταν ἐκτίσθησαν.

ἀναμιγνύμενοι δ’ ἀλλήλοισ καὶ διὰ τὸ πλῆθοσ τῶν καταπλεόντων Ἑλλήνων τήν τε διάλεκτον αὐτῶν ἔμαθον καὶ ταῖσ ἀγωγαῖσ συντραφέντεσ τὸ τελευταῖον τὴν βάρβαρον διάλεκτον ἅμα καὶ τὴν προσηγορίαν ἠλλάξαντο, Σικελιῶται προσαγορευθέντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, book 5, chapter 6

(디오도로스 시켈로스, Bibliotheca Historica, book 5, chapter 6)

상위

목록

SEARCH

MENU NAVIGATION