헬라어 문장 검색 - Διονψσ́ΔεΔεμοσ́55́0́0́

(디오니시오스, De Demosthene, chapter 56)

τὰ δ’ αὐτὰ καὶ περὶ τῆσ περιέργου λέξεωσ ἔχοι τισ ἂν εἰπεῖν πρὸσ τὸν Αἰσχίνην, ἐπειδὴ καὶ ταύτην αὐτοῦ χλευάζει τὴν ἀρετήν. δεχέσθω δέ τισ τὴν περιεργίαν τῶν ὀνομάτων ὑπ’ αὐτοῦ λεγομένην λέγεσθαι νυνὶ περιττὴν ἐργασίαν καὶ ἐξηλλαγμένην τῶν ἐν ἔθει. οὐ γὰρ δή γε εἰ ὁ καθ’ ἡμᾶσ βίοσ πολλὰ καὶ ἄλλα εἰκῇ τιθεὶσ ἐπὶ τοῖσ πράγμασιν ὀνόματα καὶ ταύτην ἀδιαφόρωσ κυκλεῖ τὴν λέξιν ἐπὶ τῆσ πολυπραγμοσύνησ, οὕτω καὶ τοὺσ ἀρχαίουσ εἰκὸσ αὐτῇ κεχρῆσθαι. εἰ μὲν οὖν τὴν ἀκαιρίαν ἢ τὸν πλεονασμὸν τῆσ ἐξηλλαγμένησ ἑρμηνείασ διασύρων καὶ ταῦτα εἴρηκεν, ὡσ τοῦ Δημοσθένουσ περὶ ἑκάτερον αὐτῶν ἁμαρτάνοντοσ, ψεύδεται περιφανῶσ. ὁ γὰρ ἀνὴρ ἐν μὲν ταῖσ δημηγορίαισ καὶ τοῖσ δημοσίοισ ἀγῶσι πρὸσ τὸ μέγεθοσ καὶ τὸ ἀξίωμα τῶν ὑποθέσεων ἀποβλέπων κέχρηται τῇ τοιαύτῃ κατασκευῇ πολλάκισ, ἐν δὲ τοῖσ ἰδιωτικοῖσ λόγοισ, οὓσ περὶ μικρῶν συμβολαίων ἰδιώταισ ἀνθρώποισ γέγραφε, τὴν κοινὴν καὶ συνήθη λέξιν ἐπιτηδεύει, σπανίωσ δέ ποτε τὴν περιττὴν καὶ οὐδὲ ταύτην ἐπ’ αὐτοφώρῳ, ἀλλ’ ὥστε λαθεῖν. εἰ δὲ κἀνταῦθα τῷ γένει τῆσ ἐξαλλαγῆσ ὅλῳ πολεμῶν ταῦτ’ εἴρηκεν Αἰσχίνησ, ἄτοπόν τι ποιεῖ πρᾶγμα, ταύτην διασύρων τὴν δεινότητα, ἧσ πλείστησ τῷ ῥήτορι δεῖ. τὸ γὰρ μὴ τοῖσ πολλοῖσ ὁμοίωσ ἐκφέρειν τὰσ νοήσεισ, ἀλλ’ ἐπὶ τὸ σεμνότερον καὶ ποιητικώτερον ἐκβιβάζειν τὴν ὀνομασίαν παρὰ τῆσ πολιτικῆσ δυνάμεωσ μάλιστα ἀπαιτοῦμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 56

(디오니시오스, De Demosthene, chapter 56)

상위

목록

SEARCH

MENU NAVIGATION