Dionysius of Halicarnassus, De Demosthene, chapter 18

(디오니시오스, De Demosthene, chapter 18)

ἡ μὲν οὖν Ἰσοκράτουσ λέξισ ἡ κάλλιστα τῶν ἄλλων δοκοῦσα ἔχειν τοιαύτη τίσ ἐστι, πολλῶν μὲν ἕνεκα θαυμάζειν ἀξία· καθαρεύει τε γὰρ εἴ τισ ἄλλη τοῖσ ὀνόμασι καὶ τὴν διάλεκτόν ἐστιν ἀκριβήσ, φανερά τ’ ἐστὶ καὶ κοινὴ καὶ τὰσ ἄλλασ ἀρετὰσ ἁπάσασ περιείληφεν, ἐξ ὧν ἂν μάλιστα γένοιτο διάλεκτοσ σαφήσ. πολλοὺσ δὲ καὶ τῶν ἐπιθέτων κόσμων ἔχει· καὶ γὰρ ὑψηλὴ καὶ σεμνὴ καὶ ἀξιωματικὴ καλλιρρήμων τε καὶ ἡδεῖα καὶ εὔμορφοσ ἀποχρώντωσ ἐστίν, οὐ μὴν τελεία γε κατὰ τοῦτο τὸ μέροσ, ἀλλ’ ἔστιν ὧν ἄν τισ αὐτὴν ὡσ ἐλλειπόντων μέμψαιτο καὶ οὐ μὰ Δία τῶν φαυλοτάτων. πρῶτον μὲν τῆσ συντομίασ· στοχαζομένη γὰρ τοῦ σαφοῦσ ὀλιγωρεῖ πολλάκισ τοῦ μετρίου. ἐχρῆν δὲ ὁμοίωσ προνοεῖν ἀμφοτέρων. μετὰ τοῦτο τῆσ συστροφῆσ· ὑπτία γάρ ἐστι καὶ ὑπαγωγικὴ καὶ περιρρέουσα τοῖσ νοήμασιν, ὥσπερ εἰσὶν αἱ τῶν ἱστορικῶν, ἡ δ’ ἐναγώνιοσ στρογγύλη τε εἶναι βούλεται καὶ συγκεκροτημένη καὶ μηδὲν ἔχουσα κολπῶδεσ. ἔτι πρὸσ τούτοισ κἀκεῖνα πρόσεστι τῷ ἀνδρί.

τὸ δ’ ἐκ παντὸσ ἡδύνειν τὰσ ἀκοὰσ εὐφώνων τε καὶ μαλακῶν ὀνομάτων ἐκλογῇ καὶ πάντα ἀξιοῦν εἰσ εὐρύθμουσ κατακλείειν περιόδων ἁρμονίασ καὶ διὰ τῶν θεατρικῶν σχημάτων καλλωπίζειν τὸν λόγον οὐκ ἦν πανταχῇ χρήσιμον. ἄτολμόσ ἐστι περὶ τὰσ τροπικὰσ κατασκευὰσ καὶ ψοφοδεὴσ καὶ οὐκ εἰσφέρεται τόνουσ κραταιούσ. καίτοι γε τοῖσ ἀθληταῖσ τῆσ ἀληθινῆσ λέξεωσ ἰσχυρὰσ τὰσ ἁφὰσ προσεῖναι δεῖ καὶ ἀφύκτουσ τὰσ λαβάσ. πα θαίνειν τε οὐ δύναται τοὺσ ἀκροωμένουσ, ὁπόσα βούλεται, τὰ πολλὰ δὲ οὐδὲ βούλεται, πείθεται δὲ ἀποχρῆν τῷ πολιτικῷ διάνοιαν ἀποδείξασθαι σπουδαίαν καὶ ἦθοσ ἐπιεικέσ. καὶ τυγχάνει μέντοι γε τούτων ἑκατέρου· δεῖ γὰρ τἀληθῆ μαρτυρεῖν. ἦν δὲ ἄρα πάντων ἰσχυρότατον τῷ μέλλοντι πείθειν δῆμον ἢ δικαστήριον, ἐπὶ τὰ πάθη τοὺσ ἀκροατὰσ ἀγαγεῖν. οὐδὲ δὴ τοῦ πρέποντοσ ἐν ἅπασιν ἐπιτυγχάνει, ἀνθηρὰν δὲ καὶ θεατρικὴν ἐκ παντὸσ ἀξιῶν εἶναι τὴν διάλεκτον, ὡσ τῆσ ἡδονῆσ ἅπαν ἐχούσησ ἐν λόγοισ τὸ κράτοσ, ἀπολείπεταί ποτε τοῦ πρέποντοσ. οὐχ ἅπαντα δέ γε τὰ πράγματα τὴν αὐτὴν ἀπαιτεῖ διάλεκτον, ἀλλ’ ἔστιν ὥσπερ σώμασι πρέπουσά τισ ἐσθήσ, οὕτωσ καὶ νοήμασιν ἁρμόττουσά τισ ὀνομασία. ἀλλὰ τοῦτό γε διδάσκουσιν ἡμᾶσ καὶ οἱ τὰ ἔπη καὶ οἱ τὰσ τραγῳδίασ καὶ οἱ τὰ μέλη τὰ σπουδαῖα γράψαντεσ, οὐ τοσαύτην ποιούμενοι τῆσ ἡδονῆσ δόσιν, ὅσην τῆσ ἀληθείασ.

일치하는 문장이 없습니다.

SEARCH

MENU NAVIGATION