헬라어 문장 검색 - Διονψσ́ΔεΔεμοσ́01́

(디오니시오스, De Demosthene, chapter 1)

γαπ́ δικανικοῖσ μὲν οὖν οὐ περιέτυχον αὐτοῦ λόγοισ, δημηγορικοῖσ δὲ ὀλίγοισ καί τισι καὶ τέχναισ, τοῖσ δὲ πλείοσιν ἐπιδεικτικοῖσ. καὶ τὴν εἰωθυῖαν ἀξίωσιν τῶν ὀνομάτων ἐσ τὰ ἔργα ἀντήλλαξαν τῇ δικαιώσει. τῆσ δὲ ἰδέασ αὐτοῦ τῶν λόγων τοιοῦτοσ ὁ χαρακτήρ, ἐγκωμιάζει δὲ τοὺσ ἐν πολέμοισ ἀριστεύσαντασ Ἀθηναίων· τί γὰρ ἀπῆν τοῖσ ἀνδράσι τούτοισ, ὧν δεῖ ἀνδράσι προσεῖναι; τί δὲ προσῆν, ὧν δεῖ ἀπεῖναι; εἰπεῖν δυναίμην, ἃ βούλομαι, βουλοίμην δέ, ἃ δεῖ, λαθὼν μὲν τὴν θείαν νέμεσιν, φυγὼν δὲ τὸν ἀνθρώπινον φθόνον. οὗτοι γὰρ ἐκέκτηντο ἔνθεον μὲν τὴν ἀρετήν, ἀνθρώπινον δὲ τὸ θνητόν, πολλὰ μὲν δὴ τὸ παρὸν ἐπιεικὲσ τοῦ αὐθάδουσ δικαίου προκρίνοντεσ, πολλὰ δὲ νόμου ἀκριβείασ λόγων ὀρθότητα, τοῦτον νομίζοντεσ θειότατον καὶ κοινότατον νόμων τὸ δέον ἐν τῷ δέοντι καὶ λέγειν καὶ σιγᾶν καὶ ποιεῖν, καὶ δισσὰ ἀσκήσαντεσ μάλιστα ὧν δεῖ, γνώμην καὶ ῥώμην, τὴν μὲν βουλεύοντεσ τὴν δ’ ἀποτελοῦντεσ, θεράποντεσ μὲν τῶν ἀδίκωσ δυστυχούντων, κολασταὶ δὲ τῶν ἀδίκωσ εὐτυχούντων, αὐθάδεισ πρὸσ τὸ συμφέρον, εὐόργητοι πρὸσ τὸ πρέπον, τῷ φρονίμῳ τῆσ γνώμησ παύοντεσ τὸ ἄφρον, ὑβρισταὶ εἰσ τοὺσ ὑβρίζοντασ, κόσμιοι εἰσ τοὺσ κοσμίουσ, ἄφοβοι εἰσ τοὺσ ἀφόβουσ, δεινοὶ ἐν τοῖσ δεινοῖσ. μαρτύρια δὲ τούτων τρόπαια ἐστήσαντο τῶν πολεμίων Διὸσ μὲν ἀγάλματα τούτων δὲ ἀναθήματα, οὐκ ἄπειροι οὔτε ἐμφύτου Ἄρεωσ οὔτε νομίμων ἐρώτων οὔτε ἐνοπλίου ἔριδοσ οὔτε φιλοκάλου εἰρήνησ, σεμνοὶ μὲν πρὸσ τοὺσ θεοὺσ τῷ δικαίῳ, ὅσιοι δὲ πρὸσ τοὺσ τοκέασ τῇ θεραπείᾳ, δίκαιοι δὲ πρὸσ τοὺσ ἀστοὺσ τῷ ἴσῳ, εὐσεβεῖσ δὲ πρὸσ τοὺσ φίλουσ τῇ πίστει. τοιγαροῦν αὐτῶν ἀποθανόντων ὁ πόθοσ οὐ συναπέθανεν, ἀλλ’ ἀθάνατοσ ἐν οὐκ ἀθανάτοισ σώμασι ζῇ οὐ ζώντων. ἐστασίαζέ τε οὖν τὰ τῶν πόλεων, καὶ τὰ ἀφυστερίζοντά που πύστει τῶν προγενομένων πολὺ ἐπέφερε τὴν ὑπερβολὴν ἐσ τὸ καινοῦσθαι τὰσ διανοίασ τῶν τ’ ἐπιχειρήσεων περιτεχνήσει καὶ τῶν τιμωριῶν ἀτοπίᾳ. τόλμα μὲν γὰρ ἀλόγιστοσ ἀνδρία φιλέταιροσ ἐνομίσθη, μέλλησισ δὲ προμηθὴσ δειλία εὐπρεπήσ, τὸ δὲ σῶφρον τοῦ ἀνάνδρου πρόσχημα. καὶ τὸ πρὸσ ἅπαν ξυνετὸν ἐπίπαν ἀργόν, τὸ δ’ ἐμπλήκτωσ ὀξὺ ἀνδρὸσ μοίρᾳ προσετέθη, ἀσφάλεια δὲ τὸ ἐπιβουλεύσασθαι, ἀποτροπῆσ πρόφασισ εὔλογοσ. καὶ ὁ μὲν χαλεπαίνων πιστὸσ ἀεί, ὁ δὲ ἀντιλέγων αὐτῷ ὕποπτοσ. ἐπιβουλεύσασ δέ τισ τυχών τε ξυνετὸσ καὶ ὑπονοήσασ ἔτι δεινότεροσ. προβουλεύσασ δέ, ὅπωσ μηδὲν αὐτῷ δεήσει, τῆσ τε ἑταιρίασ διαλυτὴσ καὶ τοὺσ ἐναντίουσ ἐκπεπληγμένοσ. ἁπλῶσ δὲ ὁ φθάσασ τὸν μέλλοντα κακόν τι δρᾶν ἐπῃνεῖτο καὶ ὁ ἐπικελεύσασ τὸν μὴ διανοούμενον. καὶ μὴν καὶ τὸ ξυγγενὲσ τοῦ ἑταιρικοῦ ἀλλοτριώτερον ἐγένετο, διὰ τὸ ἑτοιμότερον εἶναι ἀπροφασίστωσ τολμᾶν. οὐ γὰρ μετὰ τῶν κειμένων νόμων ὠφελείασ αἱ τοιαῦται ξύνοδοι, ἀλλὰ παρὰ τοὺσ καθεστῶτασ πλεονεξίᾳ. καὶ τὰσ ἐσ σφᾶσ αὐτοὺσ πίστεισ οὐ τῷ θείῳ καὶ νομίμῳ μᾶλλον ἐκρατύνοντο ἢ τῷ κοινῇ τι παρανομῆσαι· τά τε ἀπὸ τῶν ἐναντίων καλῶσ λεγόμενα ἐνεδέχοντο ἔργων φυλακῇ, εἰ προὔχοιεν, καὶ οὐ γενναιότητι.

ἀντιτιμωρήσασθαί τέ τινα περὶ πλείονοσ ἦν ἢ αὐτὸν μὴ προπαθεῖν. καὶ ὁρ́κοι εἴ που ἄρα γένοιντο ξυναλλαγῆσ, ἐν τῷ αὐτίκα πρὸσ τὸ ἄπορον ἑκατέρῳ διδόμενοι ἴσχυον οὐκ ἐχόντων ἄλλοθεν δύναμιν. ἡ μὲν οὖν ἐξηλλαγμένη καὶ περιττὴ καὶ ἐγκατάσκευοσ καὶ τοῖσ ἐπιθέτοισ κόσμοισ ἅπασι συμπεπληρωμένη λέξισ, ἧσ ὁρ́οσ καὶ κανὼν ὁ Θουκυδίδησ, ὃν οὐθεὶσ οὔθ’ ὑπερεβάλετο τῶν ἐπιγινομένων οὔτε εἰσ ἄκρον ἐμιμήσατο, τοιαύτη τισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 1

(디오니시오스, De Demosthene, chapter 1)

상위

목록

SEARCH

MENU NAVIGATION