헬라어 문장 검색 - Διονψσ́ΔεΔεμοσ́33́

(디오니시오스, De Demosthene, chapter 34)

ὑπομνήσω δὲ πρῶτον μέν, ἃ τοῖσ ἄλλοισ πλάσμασιν ἔφην ἰδίασ ἀρετὰσ συμβεβηκέναι τοῖσ Δημοσθένουσ , ἵν’ εὐσύνοπτοσ μᾶλλον γένηταί μοι ὁ λόγοσ. δοκεῖ δή μοι τῶν μὲν ὑψηλῇ καὶ περιττῇ καὶ ἐξηλλαγμένῃ λέξει κεχρημένων κατὰ τὸ σαφέστερον καὶ κοινότερον τῇ ἑρμηνείᾳ κεχρῆσθαι προὔχειν ὁ Δημοσθένησ. τούτων γὰρ ἐν πάσῃ κατασκευῇ στοχάζεται μέγεθοσ ἐχούσῃ καὶ ταύταισ κέχρηται χαρακτηρικωτάταισ ἀρεταῖσ ἐπὶ τῆσ ὑψηλῆσ καὶ ξενοπρεποῦσ ὀνομασίασ ὥσ γε μάλιστα. τῶν δὲ τὴν λιτὴν καὶ ἰσχνὴν καὶ ἀπέριττον ἐπιτηδευόντων φράσιν τῷ τόνῳ τῆσ λέξεωσ ἐδόκει μοι διαλλάττειν καὶ τῷ βάρει καὶ τῇ στριφνότητι καὶ τῷ πικραίνειν ὡσ ἐπὶ τὸ πολύ· ταῦτα γάρ ἐστιν ἐκείνου χαρακτηρικὰ τοῦ πλάσματοσ παρ’ αὐτῷ καὶ τὰ παραπλήσια τούτοισ. τῶν δὲ τὴν μέσην διάλεκτον ἠσκηκότων, ἣν δὴ κρατίστην ἀποφαίνομαι, κατὰ ταυτὶ διαφέρειν αὐτὸν ὑπελάμβανον· κατὰ τὴν ποικιλίαν, κατὰ τὴν συμμετρίαν, κατὰ τὴν εὐκαιρίαν, ἔτι πρὸσ τούτοισ κατὰ τὸ παθητικόν τε καὶ ἐναγώνιον καὶ δραστήριον καὶ τελευταῖον τὸ πρέπον, ὃ τῶν ἄστρων ψαύει παρὰ Δημοσθένει. ταῦτα μὲν οὖν χωρὶσ ἑκάστῳ τῶν τριῶν πλασμάτων παρακολουθεῖν ἔφην καὶ ἐκ τούτων ἠξίουν τὴν Δημοσθένουσ δύναμιν πεφυκότα μὲν καὶ τοῖσ ἄλλοισ παρακολουθεῖν πλάσμασι, κρατίστην δὲ ὄψιν ἔχοντα καὶ ἐκπρεπεστάτην ἐν τούτοισ τοῖσ χωρίοισ. εἰ δέ τισ ἀξιώσει συκοφαντεῖν τὴν διαίρεσιν, ἐπειδὴ τὰσ κοινῇ παρακολουθούσασ πᾶσι τοῖσ πλάσμασιν ἀρετὰσ τρίχα διανείμασα τὸ ἴδιον ἑκάσταισ ἀποδίδωσιν, ἐκεῖνα ἂν εἴποιμι πρὸσ αὐτόν, ὅτι καθ’ ὃ μάλιστα χωρίον ἑκάστη τῶν ἀρετῶν ὄψιν τε ἡδίστην ἔχει καὶ χρῆσιν ὠφελιμωτάτην, κατὰ τοῦτο τάττειν αὐτὴν ἀξιῶ, ἐπεὶ καὶ τῆσ σαφηνείασ καὶ τῆσ συντομίασ καὶ τοῦ πιθανοῦ χωρίον ἀποφαίνουσιν οἱ τεχνογράφοι τὴν διήγησιν οὐχ ὡσ οὐκ ἀλλαχοῦ οὐδαμοῦ δέον ἐξετάξεσθαι τὰσ ἀρετὰσ ταύτασ πάνυ γὰρ ἄτοπον, ἀλλ’ ὡσ ἐν τῇ διηγήσει δέον μάλιστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 34

(디오니시오스, De Demosthene, chapter 34)

상위

목록

SEARCH

MENU NAVIGATION