헬라어 문장 검색 - Διονψσ́ΔεΔεμοσ́38́

(디오니시오스, De Demosthene, chapter 39)

ἐν μὲν δὴ τοῖσ ἐλαχίστοισ τε καὶ στοιχειώδεσι μορίοισ τῆσ λέξεωσ ταῦτα χαρακτηρικὰ τῆσ πρώτησ ἐστὶν ἁρμονίασ, ἐν δὲ τοῖσ καλουμένοισ κώλοισ, ἃ συντίθεται μὲν ἐκ τῶν ὀνομάτων, συμπληροῖ δὲ τὰσ περιόδουσ, οὐ μόνον ταῦτα, ἀλλὰ καὶ τὸ τοὺσ ῥυθμοὺσ τοὺσ καταμετροῦντασ αὐτὰ μὴ ταπεινοὺσ μηδὲ μαλθακοὺσ μηδ’ ἀγεννεῖσ εἶναι, ὑψηλοὺσ δὲ καὶ ἀνδρώδεισ καὶ μεγαλοπρεπεῖσ. οὐ γὰρ δὴ φαῦλόν τι πρᾶγμα ῥυθμὸσ ἐν λόγοισ οὐδὲ προσθήκησ τινὸσ μοῖραν ἔχον οὐκ ἀναγκαίασ, ἀλλ’ εἰ δεῖ τἀληθέσ, ὡσ ἐμὴ δόξα, εἰπεῖν, ἁπάντων κυριώτατον τῶν γοητεύειν δυναμένων καὶ κηλεῖν τὰσ ἀκοάσ. πρὸσ δὲ τοῖσ ῥυθμοῖσ καὶ τὸ τοὺσ σχηματισμοὺσ γενναίουσ εἶναι καὶ ἀξιωματικοὺσ οὐ μόνον τοὺσ κατὰ τὰσ νοήσεισ ἀλλὰ καὶ κατ’ αὐτὴν τὴν λέξιν συνισταμένουσ. ἐξαριθμεῖσθαι δὲ νῦν, ὅσα γένη σχηματισμῶν ἐστι τῶν τε κατωνομασμένων καὶ τῶν ἀκατονομάστων, καὶ τίσιν αὐτῶν ἡ τοιαύτη μάλιστα πέφυκεν ἁρμονία χαίρειν, οὐκ ἔχω καιρόν. ἔτι τῆσ ἁρμονίασ ταύτησ οἰκεῖόν ἐστι καὶ τὸ τὰσ περιόδουσ αὐτουργούσ τινασ εἶναι καὶ ἀφελεῖσ καὶ μήτε συναπαρτιζούσασ ἑαυταῖσ τὸν νοῦν μήτε συμμεμετρημένασ τῷ πνεύματι τοῦ λέγοντοσ μηδέ γε παραπληρώμασι τῶν ὀνομάτων οὐκ ἀναγκαίοισ ὡσ πρὸσ τὴν ὑποκειμένην διάνοιαν χρωμένασ μηδ’ εἰσ θεατρικούσ τινασ καὶ γλαφυροὺσ καταληγούσασ ῥυθμούσ. καθόλου δέ γε οὐδὲ ἀσπάζεται τὸ ἐμπερίοδον ἥδε ἡ σύνθεσισ ὡσ τὰ πολλά, ἀποιήτωσ δέ πωσ καὶ ἀφελῶσ καὶ τὰ πλείω κομματικῶσ κατεσκευάσθαι βούλεται, παράδειγμα ποιουμένη τὴν ἀκατάσκευον φύσιν. εἰ δέ ποτε ἀκολουθήσειεν τοῖσ ἀνεπιτηδεύτωσ συντιθεμένοισ κώλοισ ἢ περιόδοισ ἢ βάσεσιν εὔρυθμοσ, τὸ συμβὰν ἐκ τῆσ αὐτομάτου τύχησ οὐκ ἀπωθεῖται. καὶ ταῦτα δ’ ἔτι τῆσ ἀρχαίασ καὶ αὐστηρᾶσ ἁρμονίασ ἐστὶ χαρακτηρικά·

τὸ μήτε συνδέσμοισ χρῆσθαι πολλοῖσ μήτ’ ἄρθροισ συνεχέσιν ἀλλ’ ἔστιν ὅτε καὶ τῶν ἀναγκαίων ἐλάττοσιν, τὸ μὴ χρονίζειν ἐπὶ τῶν αὐτῶν πτώσεων τὸν λόγον ἀλλὰ θαμινὰ μεταπίπτειν, τὸ τῆσ ἀκολουθίασ τῶν προεξενεχθέντων ὑπεροπτικῶσ ἔχειν τὴν φράσιν μηδὲ κατ’ ἄλληλα, τὸ περιττῶσ καὶ ἰδίωσ καὶ μὴ κατὰ τὴν ὑπόληψιν ἢ βούλησιν τῶν πολλῶν συζεύγνυσθαι τὰ μόρια. καὶ παραδείγματα δὲ αὐτῆσ ποιητῶν μὲν καὶ μελοποιῶν ἥ τ’ Αἰσχύλου λέξισ ὀλίγου δεῖν πᾶσα καὶ ἡ Πινδάρου, χωρὶσ ὅτι μὴ τὰ Παρθένεια καὶ εἴ τινα τούτοισ ὁμοίασ ἀπαιτεῖ κατασκευάσ· διαφαίνεται δέ τισ ὁμοία κἀν τούτοισ εὐγένεια καὶ σεμνότησ ἁρμονίασ τὸν ἀρχαῖον φυλάττουσα πίνον. συγγραφέων δὲ λαμπρότατόσ τε καὶ μάλιστα τῶν ἄλλων κατορθῶν περὶ ταύτην τὴν ἰδέαν Θουκυδίδησ.

εἰ δέ τῳ δοκεῖ μαρτυρίων ἔτι δεῖν τῷ λόγῳ, παρελθὼν τοὺσ ποιητὰσ ἐκ τῆσ Θουκυδίδου λέξεωσ ταυτί τούτου δὲ τοῦ πολέμου μῆκόσ τε μέγα προὔβη, παθήματά τε ξυνέβη γενέσθαι τῇ Ἑλλάδι πολλὰ οἱᾶ οὐχ ἕτερα ἐν ἴσῳ χρόνῳ. οὔτε γὰρ πόλεισ τοσαίδε ληφθεῖσαι ἠρημώθησαν αἳ μὲν ὑπὸ βαρβάρων, αἳ δὲ ὑπὸ σφῶν αὐτῶν ἀντιπολεμούντων, εἰσὶ δὲ αἳ καὶ οἰκήτορασ μετέβαλον ἁλισκόμεναι, οὔτε φυγαὶ τοσαίδε ἀνθρώπων καὶ φόνοσ ὃ μὲν κατ’ αὐτὸν τὸν πόλεμον, ὃ δὲ διὰ τὸ στασιάζειν. τά τε πρότερον ἀκοῇ μὲν λεγόμενα, ἔργῳ δὲ σπανιώτερον βεβαιούμενα οὐκ ἄπιστα κατέστη σεισμῶν τε πέρι, οἳ ἐπὶ πλεῖστον ἅμα μέροσ γῆσ καὶ ἰσχυρότατοι οἱ αὐτοὶ ἐπέσχον, ἡλίου τ’ ἐκλείψεισ, αἳ πυκνότεραι παρὰ τὰ ἐκ τοῦ πρὶν χρόνου μνημονευόμενα συνέβησαν, αὐχμοί τ’ ἔστιν παρ’ οἷσ μεγάλοι καὶ ἀπ’ αὐτῶν καὶ λιμοὶ καὶ ἡ οὐχ ἥκιστα βλάψασα καὶ μέροσ τι φθείρασα ἡ λοιμώδησ νόσοσ. ἡ μὲν δὴ πρώτη τῶν ἁρμοντῶν ἡ γεννικὴ καὶ αὐστηρὰ καὶ μεγαλόφρων καὶ τὸ ἀρχαιοπρεπὲσ διώκουσα τοιάδε τίσ ἐστι κατὰ τὸν χαρακτῆρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 39

(디오니시오스, De Demosthene, chapter 39)

상위

목록

SEARCH

MENU NAVIGATION