헬라어 문장 검색 - Διονψσ́ΔεΔεμοσ́24́

(디오니시오스, De Demosthene, chapter 25)

συκοφαντεῖσ τὸ πρᾶγμα, τάχ’ ἂν εἴποι τισ, εὐέπειαν ἀπαιτῶν καὶ καλλιλογίαν παρὰ ἀνδρὸσ οὐ ταῦτα σοφοῦ. τὰσ νοήσεισ ἐξέταζε, εἰ καλαὶ καὶ μεγαλοπρεπεῖσ εἰσι καὶ παρ’ οὐθενὶ τῶν ἄλλων κείμεναι. περὶ ταύτασ ἐκεῖνοσ ἐσπούδαζεν, ἐν ταύταισ δεινὸσ ἦν. τούτων εὐθύνασ παρ’ αὐτοῦ λάμβανε, τὸν δὲ τρόπον τῆσ λέξεωσ ἐά. καὶ πῶσ ἔνι ταῦτ’ εἰπεῖν; τοὐναντίον γὰρ ἅπαντεσ ἴσασιν, ὅτι πλείονι κέχρηται φιλοτιμίᾳ περὶ τὴν ἑρμηνείαν ὁ φιλόσοφοσ ἢ περὶ τὰ πράγματα. μυρία τούτου τεκμήρια φέρειν ἔχοι τισ ἄν, ἀλλ’ ἀπόχρη λόγοσ εἷσ οὗτοσ ἐπιδείξασθαι τὴν κενοσπουδίαν τοῦ ἀνδρόσ, ᾗ κέχρηται περὶ τὸν περιττὸν καλλωπισμὸν τῆσ ἀπαγγελίασ. αὐτίκα γε οὖν τοῖσ προειρημένοισ ἐπιτιθεὶσ διάνοιάν τινα οὔτε περιττὴν οὔτε θαυμαστὴν ἀλλ’ ὑπὸ πολλῶν εἰρημένην καὶ πολλάκισ ὅτι γὰρ ὁ τῶν καλῶν ἔργων ἔπαινοσ ἀθανάτουσ τὰσ τιμὰσ καὶ τὰσ μνήμασ δύναται ποιεῖν τοῖσ ἀγαθοῖσ, μυρίοισ τῶν ἔμπροσθεν εἴρηται, συνιδὼν οὐθὲν οὔτε σοφὸν οὔτε περιττὸν τὴν γνώμην ἔχουσαν, ὅπερ οἶμαι λοιπὸν ἦν, τῷ κάλλει τῆσ ἑρμηνείασ αὐτὴν ἡδύνειν βούλεται. ἔπειθ’ ὥσπερ τὰ μειράκια καταβὰσ ἀπὸ τῶν γενναίων καὶ μεγαλοπρεπῶν ὀνομάτων τε καὶ σχημάτων ἐπὶ τὰ θεατρικὰ τὰ Γοργίεια ταυτὶ παραγίνεται, τὰσ ἀντιθέσεισ καὶ τὰσ παρισώσεισ λέγω, καὶ διὰ τῶν λήρων τούτων κοσμεῖ τὴν φράσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 25

(디오니시오스, De Demosthene, chapter 25)

상위

목록

SEARCH

MENU NAVIGATION