헬라어 문장 검색 - Διονψσ́ΔεΔεμοσ́26́

(디오니시오스, De Demosthene, chapter 27)

προειπὼν γὰρ ὁ ἀνήρ, ποῖόν τι σχῆμα λαβεῖν ἁρμόττει τὸν λόγον, ἐπιτίθησι ταυτί· ἐπὶ τούτοισ τὴν τῶν ἔργων πρᾶξιν ἐπιδείξωμεν, ὡσ καλὴν καὶ ἀξίαν τούτων ἀπεφήναντο. ἔργων πρᾶξιν ἀξίαν ἀποφηναμένουσ οὐκ οἶδα εἴ τισ ἂν ἠξίωσεν εἰπεῖν τῶν τὴν λεπτὴν καὶ ἀκριβῆ καὶ καθαρὰν διάλεκτον ἐπιτηδευόντων. πράττεται μὲν γὰρ τὰ πράγματα, ἐργάζεται δὲ τὰ ἔργα, ἀποφάνσεωσ δὲ ἀξιοῦται τὰ λεκτά. τουτὶ μὲν δὴ παχὺ εἴρηται, τὸ δ’ ἐπὶ τούτῳ λεγόμενον ἐνθύμημα ἀσθενέστερον· διὰ μακροῦ τε γὰρ καὶ ἀκατάλληλον καὶ οὔτε δεινότητα ἔχον οὔτε σύνταξιν· τῆσ δ’ εὐγενείασ πρῶτον ὑπῆρξε τοῖσδε ἡ τῶν προγόνων γένεσισ, οὐκ ἔπηλυσ οὖσα οὐδὲ τοὺσ ἐκγόνουσ τούτουσ ἀποφηναμένη μετοικοῦντασ ἐν τῇ χώρᾳ, ἄλλοθεν σφῶν ἡκόντων, ἀλλ’ αὐτόχθονασ καὶ τῷ ὄντι πατρίδα οἰκοῦντασ καὶ ζῶντασ καὶ τρεφομένουσ οὐχ ὑπὸ μητρυιᾶσ, ὡσ οἱ ἄλλοι, ἀλλ’ ὑπὸ μητρὸσ τῆσ χώρασ, ἐν ᾗ ᾤκουν, καὶ νῦν κεῖσθαι τελευτήσαντασ ἐν οἰκείοισ τόποισ τῆσ τεκούσησ τε καὶ θρεψάσησ καὶ ὑποδεξαμένησ. ποῖον ἔθνοσ ἀνθρώπων καθαρᾷ διαλέκτῳ χρώμενον ἐρεῖ γένεσιν τὴν μὲν αὐτόχθονα τὴν δὲ ἐπήλυδα; ἡμῖν γὰρ δή τι συμβεβηκόσ ἐστι τὸ εἶναι αὐτόχθοσιν ἢ μὴ ἐπιχωρίοισ, οὐχὶ τῇ γενέσει. δύναται γοῦν τισ ἀλλαχῇ γενόμενοσ ἀνὴρ ἑτέρωσε μετοικῆσαι, ἡ δὲ γένεσισ αὐτὴ τοῦτο παθεῖν οὐ δύναται. τίσ δ’ ἂν ἀξιώσειε τῶν εὖ διαλέγεσθαι σπουδαζόντων εἰπεῖν, ὅτι ἡ γένεσισ ἡ τῶν προγόνων τοὺσ ὕστερον γενησομένουσ ἀπεφήνατο αὐτόχθονασ καὶ μὴ μετοίκουσ εἶναι τῆσ χώρασ, ἐν ᾗ ἐγένοντο; οὔτε γὰρ ἡ γένεσισ αὐτή τι ἀποφαίνεσθαι φύσιν ἔχει, οὔτε μετοικεῖν τισ, ἐν ᾗ ἂν γένηται·

ἀλλ’ ἀποφαινόμεθα μὲν ἡμεῖσ τὰ λεκτά, μετοικοῦσι δ’ οἱ ἐξ ἄλλησ ἀφικόμενοι χώρασ ἐν τῇ ὑποδεξαμένῃ. τίσ δὲ βουλόμενοσ σῴζειν τὴν ἀκολουθίαν, εἰπὼν τὴν γένεσιν καὶ περὶ ταύτησ τὸν λόγον ἀποδιδοὺσ ἐπιζεύξειεν ἂν τὸ ἄλλοθεν σφῶν ἡκόντων, τὸ ἀρρενικὸν τῷ θηλυκῷ καὶ τῷ ἑνικῷ τὸ πληθυντικόν; ἦν γὰρ δή που κατάλληλοσ ὁ λόγοσ, εἰ πρὸσ τὴν γένεσιν ἀναφέρων, ὑπὲρ ἧσ ὁ λόγοσ ἦν, ἐπέθηκεν· ἄλλοθεν αὐτῆσ ἡκούσησ. ἐπὶ δὲ τῶν ἀνδρῶν μέλλων ποιεῖσθαι τὸν λόγον ἐξ ἀρχῆσ οὕτωσ ἂν κατεστήσατο τὴν φράσιν· τῆσ δ’ εὐγενείασ πρῶτον ὑπῆρξαν τοῖσδε οἱ πρόγονοι, οὐχὶ ἐπήλυδεσ ὄντεσ οὐδὲ τοὺσ ἐκγόνουσ τούτουσ ἀποφήναντεσ μετοικοῦντασ ἐν τῇ χώρᾳ, ἄλλοθεν σφῶν ἡκόντων, ἀλλ’ αὐτόχθονασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 27

(디오니시오스, De Demosthene, chapter 27)

상위

목록

SEARCH

MENU NAVIGATION