Dionysius of Halicarnassus, De Demosthene, chapter 35

(디오니시오스, De Demosthene, chapter 35)

φέρε δὴ τούτων εἰρημένων ἡμῖν λέγωμεν ἤδη καὶ περὶ τῆσ συνθέσεωσ τῶν ὀνομάτων ᾗ κέχρηται ὁ ἀνήρ. ὅτι μὲν οὖν περιττή τίσ ἐστιν ἡ τῆσ λέξεωσ τῆσ Δημοσθένουσ ἁρμονία καὶ μακρῷ δή τινι διαλλάττουσα τὰσ τῶν ἄλλων ῥητόρων, οὐκ ἐμὸσ ὁ μῦθοσ. ἅπαντεσ γὰρ εὖ οἶδ’ ὅτι ταύτην αὐτῷ τὴν ἀρετὴν ἂν μαρτυρήσειαν, ὅσοι μὴ παντάπασι πολιτικῶν εἰσιν ἄπειροι λόγων, ὅπου γε καὶ οἱ κατὰ τὴν αὐτὴν ἡλικίαν ἀκμάσαντεσ ἐκείνῳ θαυμάζοντέσ τε δῆλοί εἰσιν αὐτὸν καὶ ζηλοῦντεσ ταύτησ μάλιστα τῆσ εὐτεχνίασ, καίτοι τινὲσ οὐδ’ οἰκείωσ διακείμενοι πρὸσ αὐτόν, ὥστε κολακείασ ἐξενέγκασθαι δόξαν, ἀλλ’ ἔνιοί γε καὶ σφόδρα ἀπεχθεῖσ καὶ ἀδιαλλάκτουσ ἐπανῃρημένοι πολέμουσ. ὧν ἦν Αἰσχίνησ ὁ ῥήτωρ, ἀνὴρ λαμπροτάτῃ φύσει περὶ λόγουσ χρησάμενοσ, ὃσ οὐ πολὺ ἂν ἀπέχειν δοκεῖ τῶν ἄλλων ῥητόρων καὶ μετὰ Δημοσθένην μηδενὸσ δεύτεροσ ἀριθμεῖσθαι. οὗτοσ μὲν δὴ τῆσ ἄλλησ δεινότητοσ, ἣ περὶ τὸν ἄνδρα τοῦτον ἐγένετο κατὰ τὸ λεκτικόν, ἔστιν ἃ διακνίζει καὶ συκοφαντεῖ, πρᾶγμα ἐχθροῦ ποιῶν. καὶ γὰρ καινότητα ὀνομάτων καὶ ἀηδίαν καὶ περιεργίαν καὶ τὸ σκοτεινὸν δὴ τοῦτο καὶ πικρὸν καὶ ἄλλα πολλὰ τοιαῦτα προστρίβεται αὐτῷ, βασκαίνων μέν, ὥσπερ ἔφην, καὶ ταῦτα, ὅμωσ δ’ οὖν ἀφορμάσ γέ τινασ τοῦ συκοφαντεῖν εὐλόγουσ λαμβάνων. περὶ δὲ τῆσ συνθέσεωσ τῶν ὀνομάτων οὐδὲν οὔτε μεῖζον .

. . ἢ καταγέλωτα φέρων. καὶ οὐχὶ τοῦτό πω θαυμάζειν ἄξιον, ἀλλ’ ὅτι καὶ μαρτυρῶν πολλαχῇ τὴν ἀρετὴν τῷ ῥήτορι κατάδηλόσ ἐστι καὶ ζηλῶν. φανερὸν δὲ τοῦτο γένοιτ’ ἂν ἐξ ὧν αὐτὸσ εἴρηκε, τότε μὲν οὕτω πωσ γράφων· ὅταν δὲ ἄνθρωποσ ἐξ ὀνομάτων συγκείμενοσ καὶ τούτων πικρῶν καὶ περιέργων ἐν γὰρ δὴ τούτοισ οὐ τὴν ἐκλογὴν ἐπαινεῖ τῶν ὀνομάτων αὐτοῦ, μὰ Δία· τίσ γὰρ ἂν γένοιτο πικρᾶσ καὶ περιέργου ζῆλοσ ὀνομασίασ; , ἐν ἑτέρῳ δὲ τόπῳ οὑτωσὶ λέγων·

ὡσ ὑμᾶσ ὀρρωδῶ κακῶσ πάσχοντασ, τὴν σύνθεσιν τῶν Δημοσθένουσ ὀνομάτων ἀγαπήσαντασ. καὶ γὰρ ἐνταῦθα πάλιν οὐ δέδοικε, μὴ τὸ κάλλοσ καὶ τὴν μεγαλοπρέπειαν αὐτοῦ τῶν ὀνομάτων ἀγαπήσωσιν Ἀθηναῖοι, ἀλλὰ μὴ λάθωσιν ὑπὸ τῆσ συνθέσεωσ γοητευθέντεσ, ὥστε καὶ τῶν φανερῶν αὐτὸν ἀδικημάτων ἀφεῖναι διὰ τὰσ σειρῆνασ τὰσ ἐπὶ τῆσ ἁρμονίασ. ἐκ δὲ τούτων οὐ χαλεπὸν ἰδεῖν, ὅτι δεινότητα μὲν αὐτῷ, ὅσην οὐχ ἑτέρῳ, μαρτυρῶν καὶ ταῖσ σειρῆσιν ἀπεικάζων αὐτοῦ τὴν μουσικήν, ἀγάμενοσ δὲ οὐ τῆσ ἐκλογῆσ τῶν ὀνομάτων αὐτόν, ἀλλὰ τῆσ συνθέσεωσ, ἀναμφιλόγωσ αὐτῷ ταύτην παρακεχώρηκε τὴν ἀρετήν.

일치하는 문장이 없습니다.

SEARCH

MENU NAVIGATION