헬라어 문장 검색 - Διονψσ́ΔεΔεμοσ́49́

(디오니시오스, De Demosthene, chapter 50)

ὑπεσχόμην γὰρ καὶ τοῦτο δείξειν ἔτι, πῶσ ἄν τισ διαγνοίη τὸν χαρακτῆρα τῆσ Δημοσθένουσ συνθέσεωσ καὶ ποίοισ χρώμενοσ σημείοισ ἀπὸ τῶν ἄλλων διορίσειεν. ἓν μὲν οὖν οὐδέν ἐστι παράσημον αὐτῆσ ἐκφανὲσ οὕτωσ, ὥστε μόνῃ ταύτῃ καὶ μηδεμιᾷ τῶν ἄλλων παρακολουθεῖν, ἡ δὲ συνδρομή τε καὶ πλεονασμόσ, οἷσ ἐλέγχεσθαι πέφυκε παντὸσ πράγματοσ καὶ σώματοσ γνῶσισ, ἴδιοσ αὐτῆσ γίνεται χαρακτήρ. χρήσομαι δ’ εἰκόνι φανερᾷ τῆσ σαφηνείασ ἕνεκα τοῖσ σώμασι τῶν ἀνθρώπων. ἅπασι δή που συμβέβηκε μέγεθόσ τε καὶ χρῶμα καὶ σχῆμα καὶ μέλη καὶ ῥυθμόσ τισ τῶν μελῶν καὶ τὰ παραπλήσια τούτοισ. εἰ δή τισ ἀφ’ ἑνὸσ τούτων ἀξιώσει τὸν χαρακτῆρα σκοπεῖν, οὐδὲν ἀκριβὲσ εἴσεται. ἐν πολλαῖσ γὰρ ἂν εὑρ́οι μορφαῖσ τοιοῦτόν τι ἕτερον, οἱο͂ν ἔθετο τῆσ μιᾶσ μορφῆσ σύμβολον. ἐὰν δὲ πάντα συνθῇ τὰ συμβεβηκότα τῇ μορφῇ ἢ τὰ πλεῖστα ἢ τὰ κυριώτατα, ταχεῖάν τε πάνυ τὴν γνῶσιν λήψεται καὶ οὐκ ἐπι σεται ταῖσ ὁμοιότησι. τοῦτο δὴ ποιεῖν ἀξιώσαιμ’ ἂν καὶ τοὺσ βουλομένουσ τὴν σύνθεσιν ἀκριβῶσ εἰδέναι τὴν Δημοσθένουσ, ἐκ πολλῶν αὐτὴν δοκιμάζειν ἰδιωμάτων, λέγω δὴ τῶν κρατίστων τε καὶ κυριωτάτων· πρῶτον ἐκ τῆσ ἐμμελείασ, ἧσ κριτήριον ἄριστον ἡ ἄλογοσ αἴσθησισ. δεῖ δὲ αὐτῇ τριβῆσ πολλῆσ καὶ κατηχήσεωσ χρονίου·

οὐ γὰρ δὴ πλάσται μὲν καὶ ζωγράφων παῖδεσ, εἰ μὴ πολλὴν ἐμπειρίαν λάβοιεν, χρόνῳ τρίψαντεσ τὰσ ὁράσεισ μακρῷ περὶ τὰσ τῶν ἀρχαίων δημιουργῶν τέχνασ, οὐκ ἂν εὐπετῶσ αὐτὰσ διαγνοῖεν καὶ οὐκ ἂν ἔχοιεν εἰπεῖν βεβαίωσ, ὅτι τουτὶ μέν ἐστι Πολυκλείτου τὸ ἔργον, τουτὶ δὲ Φειδίου, τουτὶ δὲ Ἀλκαμένουσ, καὶ τῶν γραφῶν Πολυγνώτου μὲν αὕτη, Τιμάνθουσ δὲ ἐκείνη, αὕτη δὲ Παρρασίου. λόγων δὲ ἆρα τινὲσ ἀκριβῶσ ἐξ ὀλίγων παραγγελμάτων καὶ προσκαίρου κατηχήσεωσ ἐμμελοῦσ ἁρμονίασ εἴσονται φύσιν; πολλοῦ γε καὶ δεῖ.

τοῦτο μὲν δὴ πρῶτον οἰόμαι δεῖν σκοπεῖν ἐπιστήμῃ γε καὶ ἔθει, μετὰ δὲ τοῦτο τὴν εὐρυθμίαν. οὐ γὰρ ἔστι λέξισ οὐδεμία Δημοσθένουσ, ἥτισ οὐκ ἐμπεριείληφε ῥυθμοὺσ καὶ μέτρα τὰ μὲν ἀπηρτισμένα καὶ τέλεια, τὰ δ’ ἀτελῆ, τοιαύτην ἐπιπλοκὴν ἔχοντα ἐν ἀλλήλοισ καὶ οὕτωσ συνηρμοσμένα, ὥστε μὴ δῆλον εἶναι, ὅτι ἐστὶ μέτρα. οὐ γὰρ ἂν ἄλλωσ γένοιτο πολιτικὴ λέξισ παρ’ αὐτὴν τὴν σύνθεσιν ἐμφερὴσ ποιήμασιν, ἂν μὴ περιέχῃ μέτρα καὶ ῥυθμούσ τινασ ἐγκατακεχωρισμένουσ ἀδήλωσ. οὐ μέντοι γε προσήκει αὐτὴν ἔμμετρον οὐδ’ ἔρρυθμον εἶναι δοκεῖν, ἵνα μὴ γένηται ποίημα ἢ μέλοσ, ἐκβᾶσα τὸν αὑτῆσ χαρακτῆρα, ἀλλ’ εὔρυθμον αὐτὴν ἀπόχρη φαίνεσθαι καὶ εὔμετρον. οὕτω γὰρ ἂν εἰή ποιητικὴ μέν, οὐ μὴν ποίημά γε, καὶ μελίζουσα μέν, οὐ μὴν μέλοσ. τίνα δ’ ἔχει ταῦτα διαφοράν, οὐ χαλεπὸν ἰδεῖν.

ἡ μὲν ὅμοια παραλαμβάνουσα μέτρα καὶ ῥυθμοὺσ τεταγμένουσ εἴτε κατὰ στίχον εἴτε κατὰ περίοδον, ἣν καλοῦσιν οἱ μουσικοὶ στροφήν, κἄπειτα πάλιν τοῖσ αὐτοῖσ ῥυθμοῖσ καὶ μέτροισ ἐπὶ τῶν αὐτῶν στίχων ἢ περιόδων, ἃσ ἀντιστρόφουσ ὀνομάζουσι, χρωμένη καὶ τῷ σχήματι τούτῳ τῆσ κατασκευῆσ ἀπὸ τῆσ ἀρχῆσ μέχρι τοῦ τέλουσ προβαίνουσα ἔμμετρόσ τ’ ἐστὶ καὶ ἔρρυθμοσ, καὶ ὀνόματα κεῖται τῇ τοιαύτῃ λέξει μέτρον καὶ μέλοσ, ἡ δὲ περιπεπλανημένα μέτρα καὶ ῥυθμοὺσ ἀτάκτουσ ἐμπεριλαμβάνουσα καὶ μήτε ἀκολουθίαν αὐτῶν φυλάττουσα μήτε ὁμοζυγίαν μήτ’ ἄλλην ὁμοιότητα τεταγμένην μηδεμίαν εὔρυθμοσ μέν ἐστι καὶ εὔμετροσ, ἐπειδὴ διαπεποίκιλται μέτροισ τε καὶ ῥυθμοῖσ τισιν, οὐ μὴν ἔρρυθμόσ γε οὐδὲ ἔμμετροσ, ἐπειδὴ οὐχὶ τοῖσ αὐτοῖσ οὐδὲ κατὰ ταὐτὰ ἔχουσι. τοιαύτην δή φημι πᾶσαν εἶναι λέξιν πολιτικήν, ἐν ᾗ τὸ ποιητικὸν ἐμφαίνεται κάλλοσ. ᾗ καὶ τὸν Δημοσθένη κεχρημένον ὁρῶ. τὰσ δὲ περὶ τούτου τοῦ μέρουσ πίστεισ ἐν τοῖσ περὶ τῆσ συνθέσεωσ γραφεῖσιν ἀποδεδωκὼσ οὐκ ἀναγκαῖον ἡγοῦμαι κἀνταῦθα λέγειν. τρίτον ἔτι καὶ τέταρτον ἰδίωμα τῆσ συνθέσεωσ τοῦ ῥήτοροσ ἦν τό τε ἐξαλλάττειν παντοδαπῶσ καὶ τὸ σχηματίζειν ποικίλωσ τὰ κῶλα καὶ τὰσ περιόδουσ.

οὐδὲ γὰρ ἔστιν οὐδεὶσ ἁπλῶσ τόποσ, ὃσ οὐχὶ διαπεποίκιλται ταῖσ τε ἐξαλλαγαῖσ καὶ τοῖσ σχηματισμοῖσ, ὡσ ἅπαντεσ ἴσασι, καί μοι δοκεῖ ταῦτα μὴ λόγων δεῖσθαι γνώριμα καὶ τοῖσ φαυλοτάτοισ ὄντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 50

(디오니시오스, De Demosthene, chapter 50)

상위

목록

SEARCH

MENU NAVIGATION