헬라어 문장 검색 - Διονψσ́ΔεΔεμοσ́11́

(디오니시오스, De Demosthene, chapter 11)

ἃ δὲ παρὰ τὸν ἰσχνόν τε καὶ ἀκριβῆ καὶ καθαρὸν καὶ ζηλωτὸν . . . ὃσ ἀπὸ τοῦ διαλάμψαντοσ ἐν αὐτῷ Λυσιακὸσ δἂν εἰκότωσ λέγοιτο, τοιαῦτα. κωλύσει δ’ οὐθέν, ἴσωσ δὲ καὶ χαριεστέραν ποιήσει τὴν θεωρίαν τεθεῖσα πρῶτον ἡ Λυσίου λέξισ, ᾗ τὴν Δημοσθένουσ ἐοικέναι πείθομαι, διήγησίν τινα περιέχουσα ὑβριστικήν· Ἄρχιπποσ γὰρ οὑτοσί, ὦ ἄνδρεσ Ἀθηναῖοι, ἀπεδύσατο μὲν εἰσ τὴν αὐτὴν παλαίστραν, οὗπερ καὶ Τῖσισ ὁ φεύγων τὴν δίκην. ὀργῆσ δὲ γενομένησ ἐσ σκώμματά τε αὑτοῖσ καὶ ἀντιλογίαν καὶ ἔχθραν καὶ λοιδορίαν κατέστησαν. ἔστιν οὖν Πυθέασ ἐραστὴσ μὲν τοῦ μειρακίου πάντα γὰρ εἰρήσεται τἀληθῆ πρὸσ ὑμᾶσ, ἐπίτροποσ δὲ ὑπὸ τοῦ πατρὸσ καταλελειμμένοσ. οὗτοσ, ἐπειδὴ Τῖσισ πρὸσ αὐτὸν τὴν ἐν τῇ παλαίστρᾳ λοιδορίαν διηγήσατο, βουλόμενοσ χαρίζεσθαι καὶ δοκεῖν δεινὸσ καὶ ἐπίβουλοσ εἶναι, ἐκέλευσεν αὐτόν, ὡσ ἡμεῖσ ἔκ τε τῶν πεπραγμένων ᾐσθήμεθα καὶ τῶν εὖ εἰδότων ἐπυθόμεθα, ἐν μὲν τῷ παρόντι διαλλαγῆναι, σκοπεῖν δέ, ὅπωσ αὐτὸν μόνον που λήψεται. πεισθεὶσ δὲ ταῦτα καὶ διαλλαγεὶσ καὶ χρώμενοσ καὶ προσποιούμενοσ ἐπιτήδειοσ εἶναι εἰσ τοῦτο μανίασ τηλικοῦτοσ ὢν ἀφίστατο, . . . τ’ ἐτύγχανε μὲν οὖσα ἱπποδρομία Ἀνακείων . . . δ’ αὐτὸν μετ’ ἐμοῦ παρὰ τὴν θύραν παριόντα· γείτονεσ γὰρ ἀλλήλων τυγχάνουσιν ὄντεσ· τὸ μὲν πρῶτον συνδειπνεῖν ἐκέλευεν, ἐπειδὴ δὲ οὐκ ἠθέλησεν . . . ἐπὶ κῶμον, λέγων ὅτι μεθ’ αὑτοῦ καὶ τὸ δειπνήσαντεσ οὖν ἤδη συσκοτάζοντοσ ἐλθόντεσ κόπτομεν τὴν θύραν. οἳ δ’ ἡμᾶσ ἐκέλευον εἰσιέναι. ἐπειδὴ δὲ ἔνδον ἐγενόμεθα, ἐμὲ μὲν ἐκβάλλουσιν ἐκ τῆσ οἰκίασ, τουτονὶ δὲ συναρπάσαντεσ ἔδησαν πρὸσ τὸν κίονα, καὶ λαβὼν μάστιγα Τῖσισ, ἐντείνασ πολλὰσ πληγάσ, εἰσ οἴκημα αὐτὸν καθεῖρξε.

καὶ οὐκ ἐξήρκεσεν αὐτῷ ταῦτα μόνον ἐξαμαρτεῖν, ἀλλ’ ἐζηλωκὼσ μὲν τῶν νέων τοὺσ πονηροτάτουσ ἐν τῇ πόλει, νεωστὶ δὲ τὰ πατρῷα παρειληφὼσ καὶ προσποιούμενοσ νέοσ καὶ πλούσιοσ εἶναι, πάλιν τοὺσ οἰκέτασ ἐκέλευσεν ἡμέρασ ἤδη γενομένησ πρὸσ τὸν κίονα αὐτὸν δήσαντασ μαστιγοῦν. οὕτω δὲ τοῦ σώματοσ ἤδη πονήρωσ διακειμένου Ἀντίμαχον μεταπεμψάμενοσ τῶν μὲν γεγενημένων οὐθὲν εἶπεν. ἔλεγε δ’ ὡσ αὐτὸσ μὲν δειπνῶν τύχοι, οὗτοσ δὲ μεθύων ἔλθοι, ἐκκόψασ δὲ τὴν θύραν καὶ εἰσελθὼν κακῶσ λέγοι αὐτὸν καὶ τὸν Ἀντίμαχον καὶ τὰσ γυναῖκασ αὐτῶν. Ἀντίμαχοσ δὲ ὠργίζετο μὲν αὐτοῖσ ὡσ μεγάλα ἡμαρτηκόσιν, ὅμωσ δὲ μάρτυρασ παρακαλέσασ ἠρώτα αὐτόν, πῶσ εἰσέλθοι. ὃ δὲ κελεύσαντοσ Τίσιδοσ καὶ τῶν οἰκείων ἔφασκε. γεγενημένα δεινὰ νομιζόντων εἶναι ἀπέδοσαν αὐτὸν τοῖσ ἀδελφοῖσ.

οὐ δυναμένου δὲ βαδίζειν, ἐκόμισαν αὐτὸν εἰσ τὸ Δεῖγμα ἐν κλίνῃ καὶ ἐπέδειξαν πολλοῖσ μὲν Ἀθηναίων πολλοῖσ δὲ καὶ τῶν ἄλλων ξένων οὕτωσ διακείμενον, ὥστε τοὺσ ἰδόντασ μὴ μόνον τοῖσ ποιήσασιν ὀργίζεσθαι ἀλλὰ καὶ τῆσ πόλεωσ κατηγορεῖν, ὅτι οὐ δημοσίᾳ οὐδὲ παραχρῆμα τοὺσ τὰ τοιαῦτα ἐξαμαρτάνοντασ τιμωρεῖται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 11

(디오니시오스, De Demosthene, chapter 11)

상위

목록

SEARCH

MENU NAVIGATION