헬라어 문장 검색 - Διονψσ́ΔεΔεμοσ́23́

(디오니시오스, De Demosthene, chapter 24)

λαμβανέσθω δὲ πρότεροσ Πλάτων, καὶ ἐπειδὴ μέγα φρονεῖν ἐοίκεν ἐπί τε ἀκριβείᾳ καὶ σεμνότητι ὀνομάτων, ταῦτα ἐπὶ τῶν αὐτοῦ βασανίσω, ἀρξάμενοσ, ὅθεν περ κἀκεῖνοσ, τοῦ λόγου· ἔργῳ μὲν ἡμῖν οἵδε ἔχουσι τὰ προσήκοντα σφίσιν αὐτοῖσ, ὧν τυχόντεσ πορεύονται τὴν εἱμαρμένην πορείαν. ἡ μὲν εἰσβολὴ θαυμαστὴ καὶ πρέπουσα τοῖσ ὑποκειμένοισ πράγμασι κάλλουσ τε ὀνομάτων ἕνεκα καὶ σεμνότητοσ καὶ ἁρμονίασ, τὰ δ’ ἐπιλεγόμενα οὐκέθ’ ὅμοια τοῖσ πρώτοισ, αὐτίκα τό· προπεμφθέντεσ κοινῇ μὲν ὑπὸ τῆσ πόλεωσ, ἰδίᾳ δὲ ὑπὸ τῶν οἰκείων. ἐν γὰρ τῷ πάντα τὰ προσήκοντα σφίσιν αὐτοῖσ ἔχειν τοὺσ θαπτομένουσ ἐνῆν καὶ τὸ προπεμφθῆναι τὰ σώματ’ αὐτῶν ἐπὶ τὰσ ταφὰσ δημοσίᾳ τε καὶ ἰδίᾳ. ὥστε οὐκ ἀναγκαῖον ἦν πάλιν ταὐτὸ λέγειν· εἰ μὴ κράτιστον ἁπάντων τῶν περὶ τὰσ ταφὰσ νομίμων τοῦτο ὑπελάμβανεν ὁ ἀνὴρ εἶναι, λέγω δὴ τὸ παρεῖναι πολλοὺσ ταῖσ ἐκκομιδαῖσ, καὶ οὐθὲν ἄτοπον ἐδόκει ποιεῖν συμπεριλαβών τε αὐτὸ τοῖσ ἄλλοισ καὶ χωρὶσ ὑπὲρ αὐτοῦ μόνου λέγων. ἠλίθιοσ ἄρα τισ ἦν, εἰ τοῦτον ἐδόκει τοῖσ τελευτήσασι λαμπρότατον εἶναι τῶν κόσμων, οἷσ ἡ πόλισ αὐτοὺσ ἐκόσμει. ἵνα γὰρ ἀφῶ πάντα τὰ ἄλλα, τὸ δημοσίᾳ γηροτροφεῖσθαι τοὺσ πατέρασ αὐτῶν ἄχρι θανάτου καὶ παιδεύεσθαι τοὺσ υἱεῖσ ἑώσ ἥβησ πόσῳ κρεῖττον ἦν τοῦ προπέμπεσθαι τὰ σώματα δημοσίᾳ; ἐμοὶ μὲν δοκεῖ μακρῷ. οὐκοῦν οὐκ ἀναγκαία, Πλάτων, ἥδε ἡ προσθήκη. ἀλλ’ ἄρα γε εἰ μὴ τοῦ ἀναγκαίου, κάλλουσ γε ἢ τῶν ἄλλων τινὸσ τῶν ἐπιθέτων ἕνεκα κόσμων παρείληπται τὸ κῶλον αὐτῷ τουτί; πολλοῦ γε καὶ δεῖ·

πρὸσ γὰρ τῷ μηδὲν ἔχειν σπουδῆσ ἄξιον μήτε κατὰ τὴν ἐκλογὴν τῶν ὀνομάτων μήτε κατὰ τὴν σύνθεσιν προσδιαφθείρει καὶ τὴν πρὸ αὐτοῦ περίοδον, λυμαίνεται γοῦν τήν τε συμμετρίαν αὐτῆσ καὶ τὴν εὐφωνίαν. νῦν μὲν γὰρ δυσὶ περιλαμβανομένη κώλοισ σύμμετρόσ ἐστι καὶ ἐναρμόνιοσ καὶ στρογγύλη καὶ βάσιν εἴληφεν ἀσφαλῆ· ἐὰν δὲ προσλάβῃ τουτὶ τὸ κῶλον, ἅπαντα ταῦτα ἀπεκρίθησαν, καὶ μεταλήψεται τὸν ἱστορικὸν ἀντὶ τοῦ λογικοῦ τύπον. εἰ δὲ χωρίσαντεσ τοῦτο τὸ κῶλον ἀπὸ τῶν προηγουμένων αὐτὸ καθ’ αὑτὸ ἐξοίσομεν, οὔτε περίοδοσ ἡμῖν γενήσεται καθ’ ἑαυτὸ γενόμενον οὔτε ἦθοσ ἢ πάθοσ ἕξει μὰ Δία οὔτε ἄλλην πειθὼ καὶ χάριν οὐδεμίαν. εἰ δὴ μήτε τοῦ ἀναγκαίου χάριν ἡ προσθήκη παρείληπται μήτε τοῦ περιττοῦ περὶ ταῦτα δὲ καὶ ἐν τούτοισ ἡ τῆσ λέξεωσ κατασκευή, τίσ ἂν τοῦτο ἔτι ἕτερον ὀνομάσειεν εἰ μὴ τοῦθ’ ὅπερ ἐστὶν ἀληθῶσ, ἀκαιρίαν. τούτοισ ἐκεῖνα ἐπιτίθησιν ὁ ἀνήρ·

λόγῳ δὲ δὴ τὸν λειπόμενον κόσμον ὅ τε νόμοσ προστάττει τούτοισ ἀποδοῦναι τοῖσ ἀνδράσι καὶ χρή. τὸ καὶ χρὴ πάλιν ἐνταῦθα κείμενον ἐπὶ τελευτῆσ τίνοσ ἕνεκα παρείληπται καὶ διὰ τί; πότερα σαφεστέραν ποιῆσαι τὴν λέξιν; ἀλλὰ καὶ χωρὶσ τῆσ προσθέσεωσ ταύτησ ἐστὶ σαφήσ. εἴ γε οὖν οὕτωσ εἶχε· λόγῳ δὲ δὴ τὸν λειπόμενον κόσμον ὁ νόμοσ ἀποδοῦναι προστάττει τοῖσ ἀνδράσι, τίσ ἂν ταύτην ἐμέμψατο ὡσ οὐ σαφῆ; ἀλλὰ τοῦτο ἥδιον ἀκουσθῆναι καὶ μεγαλοπρεπέστερον; πᾶν μὲν οὖν τοὐναντίον ἠφάνικεν αὐτῆσ τὸ σεμνὸν καὶ λελύμανται. καὶ τοῦτο οὐ λόγῳ δεῖ μαθεῖν ἕκαστον, ἀλλ’ ἐκ τῶν ἑαυτοῦ γνῶναι παθῶν. ταῖσ γὰρ ἀλόγοισ αἰσθήσεσιν ἅπαντα τὰ ὀχληρὰ καὶ ἡδέα κρίνεται, καὶ οὐθὲν δεῖ ταύταισ οὔτε διδαχῆσ οὔτε παραμυθίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 24

(디오니시오스, De Demosthene, chapter 24)

상위

목록

SEARCH

MENU NAVIGATION