Dionysius of Halicarnassus, De Demosthene, chapter 45

(디오니시오스, De Demosthene, chapter 45)

ἐκ δὲ τῶν ἐναγωνίων αὐτοῦ λόγων, ὁπόσοι πρὸσ δικαστήρια γεγόνασιν ἢ πρὸσ ἐκκλησίασ, τεκμαίρομαι, ὅτι ταύτην τὴν γνώμην ὁ ἀνὴρ εἶχεν. ὁρῶ γὰρ αὐτόν, εἴ ποτε λάβοι πράγματα χαριεστέρασ δεόμενα κατασκευῆσ, πανηγυρικὴν αὐτοῖσ ἀποδιδόντα τῆσ λέξεωσ ἁρμονίαν, ὡσ ἐν τῷ κατὰ Ἀριστοκράτουσ πεποίηκε λόγῳ πολλαχῇ μὲν καὶ ἄλλῃ, μάλιστα δ’ ἐν οἶσ τὸν περὶ τῶν νόμων ἀποδίδωσι λόγον καὶ τὸν περὶ τῶν φονικῶν δικαστηρίων, ἐφ’ ἧσ χρείασ ἕκαστον αὐτῶν τέτακται· κἀν τῷ κατὰ Λεπτίνου περὶ τῆσ ἀτελείασ κατὰ πολλὰ μέρη, μάλιστα δ’ ἐν τοῖσ ἐγκωμίοισ τῶν εὐεργετῶν τῆσ πόλεωσ Χαβρίου τε καὶ Κόνωνοσ καί τινων ἑτέρων, κἀν τῷ περὶ τοῦ στεφάνου καὶ ἐν ἄλλοισ συχνοῖσ. τοῦτο δὲ δή μοι πρῶτον ἐνθυμηθεὶσ δοκεῖ συμμεθαρμόζεσθαι ταῖσ ὑποθέσεσι τὸν χαρακτῆρα τῆσ συνθέσεωσ καὶ ἔτι μετὰ τοῦτο τὰσ ἰδέασ τοῦ λόγου καταμαθών, ὅτι οὐχ ἅπασαι τὸν αὐτὸν ἀπαιτοῦσιν οὔτε ἐκλογῆσ ὀνομάτων κόσμον οὔτε συνθέσεωσ, ἀλλ’ αἳ μὲν τὸν γλαφυρώτερον αἳ δὲ τὸν αὐστηρότερον, καὶ τῇ τούτων ἀκολουθήσασ χρείᾳ τὰ μὲν προοίμια καὶ τὰσ διηγήσεισ ποιεῖν πλεῖον ἐχούσασ τοῦ σεμνοῦ τὸ ἡδύ, τὰσ δὲ πίστεισ καὶ τοὺσ ἐπιλόγουσ τῆσ μὲν ἡδείασ συνθέσεωσ ἐλάττω μοῖραν ἐχούσασ, τῆσ δὲ αὐστηρᾶσ καὶ πεπινωμένησ πλείω. ἐν αἷσ μὲν γὰρ δεῖ κολακευθῆναι τὸν ἀκροατὴν καὶ παρακολουθῆσαι τοῖσ πράγμασι κακῶν ἀλλοτρίων διηγήσεισ αὐχμηρὰσ ἐνίοτε καὶ ἀηδεῖσ ἀκούοντα, ἔνθα εἰ μὴ τὸ παρηδῦνον ἡ σύνθεσισ ἐπενέγκοι ἢ παραμυθήσαιτο τὸν τῆσ διανοίασ κόπον, οὐχ ἕξουσιν αἱ πίστεισ βάσιν ἀσφαλῆ· ἐν οἷσ δὲ τὰ πρὸσ τὴν ἀλήθειαν καὶ τὸ συμφέρον συντείνοντα λέγεσθαι·

ταῦτα δὲ ἁπλοϊκῶσ πωσ καὶ γενναίωσ καὶ μετὰ σεμνότητοσ αὐστηρᾶσ ἀπαιτοῦσιν οἱ πολλοὶ μανθάνειν, τὸ δὲ κωτίλον ἐν τούτοισ καὶ ἀπατηλὸν ὡρ́αν οὐκ ἔχει ἐπὶ τῶν ἐναγωνίων λόγων. οὐ τὴν αὐτὴν οὖν ἐπιστάμενοσ ἁπάντων φύσιν οὐδὲ τοὺσ αὐτοὺσ ᾤετο δεῖν πᾶσι προσήκειν κόσμουσ, ἀλλὰ τοῖσ μὲν δημηγορικοῖσ τὸ ἀξίωμα καὶ τὴν μεγαληγορίαν μᾶλλον ἁρμόττειν, τοῖσ δὲ δικανικοῖσ, ἔνθα τῶν ἀλλοτρίων ἀκουστὴσ γίνεται κακῶν ὁ δικαστήσ, ψυχῆσ τε καὶ τῶν ἄλλων, ὅσα τιμιώτατά ἐστιν ἀνθρώποισ, ἀγών, τὴν χάριν καὶ τὴν ἡδονὴν καὶ τὴν ἀπάτην καὶ τὰ παραπλήσια τούτοισ. διὰ τοῦτο ἐν μὲν ταῖσ συμβουλαῖσ καὶ μάλιστα ταῖσ κατὰ Φιλίππου κατακορεστέραισ κέχρηται ταῖσ αὐστηραῖσ ἁρμονίαισ, ἐν δὲ τοῖσ πρὸσ τὰ δικαστήρια συνταχθεῖσι ταῖσ γλαφυραῖσ.

καὶ αὐτῶν δὲ τῶν δικανικῶν πάλιν ἐν μὲν τοῖσ δημοσίοισ, ἔνθα τὸ ἀξίωμα ἔδει τῆσ πόλεωσ φυλάξαι, ταῖσ μεγαλοπρεπεστέραισ πλείοσιν, ἐν δὲ τοῖσ ἰδιωτικοῖσ ἐλάττοσι.

일치하는 문장이 없습니다.

SEARCH

MENU NAVIGATION