헬라어 문장 검색 - Διονψσ́ΔεΔεμοσ́20́0́2́

(디오니시오스, De Demosthene, chapter 21 2:)

ἰδίᾳ δὲ οὕτω σώφρονεσ ἦσαν καὶ σφόδρα ἐν τῷ τῆσ πολιτείασ ἤθει μένοντεσ, ὥστε τὴν Ἀριστείδου καὶ Μιλτιάδου καὶ τῶν τότε λαμπρῶν οἰκίαν εἴ τισ ἄρ’ οἶδεν ὑμῶν ὁποία ποτ’ ἐστίν, ὁρᾷ τῆσ τοῦ γείτονοσ οὐδὲν σεμνοτέραν οὖσαν. οὐ γὰρ εἰσ περιουσίαν αὐτοῖσ ἐπράττετο τὰ τῆσ πόλεωσ, ἀλλὰ τὸ κοινὸν ἕκαστοσ αὔξειν ᾤετο δεῖν. ἐκ δὲ τοῦ τὰ μὲν Ἑλληνικὰ πιστῶσ, τὰ δὲ πρὸσ τοὺσ θεοὺσ εὐσεβῶσ, τὰ δ’ ἐν αὑτοῖσ ἴσωσ διοικεῖν μεγάλην εἰκότωσ. ἐκέκτηντο εὐδαιμονίαν. τότε μὲν δὴ τοῦτον τὸν τρόπον εἶχε τὰ πράγματα ἐκείνοισ χρωμένοισ, οἷσ εἶπον, προστάταισ. νυνὶ δὲ πῶσ ἡμῖν ὑπὸ τῶν χρηστῶν τῶν νῦν τὰ πράγματα ἔχει; ἆρά γε ὁμοίωσ καὶ παραπλησίωσ; καὶ τὰ μὲν ἄλλα σιωπῶ πολλὰ ἔχων εἰπεῖν· ἀλλ’ ὅσησ πάντεσ ὁρᾶτε ἐρημίασ ἐπειλημμένοι καὶ Λακεδαιμονίων μὲν ἀπολωλότων, Θηβαίων δ’ ἀσχόλων ὄντων, τῶν δ’ ἄλλων οὐδενὸσ ὄντοσ ἀξιόχρεω περὶ τῶν πρωτείων ὑμῖν ἀντᾶραι, ἐξὸν ἡμῖν καὶ τὰ ἡμέτερα αὐτῶν ἀσφαλῶσ ἔχειν καὶ τὰ τῶν ἄλλων δίκαια βραβεύειν, ἀπεστερήμεθα μὲν χώρασ οἰκείασ, πλείω δ’ ἢ χίλια καὶ πεντακόσια τάλαντα ἀνηλώκαμεν εἰσ οὐδὲν δέον, οὓσ δὲ ἐν τῷ πολέμῳ συμμάχουσ ἐκτησάμεθα, εἰρήνησ οὔσησ ἀπολωλέκασιν οὗτοι, ἐχθρὸν δ’ ἐφ’ ἡμᾶσ αὐτοὺσ τηλικοῦτον ἠσκήκαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, De Demosthene, chapter 21 2:

(디오니시오스, De Demosthene, chapter 21 2:)

상위

목록

SEARCH

MENU NAVIGATION