헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 69)

Ῥωμαῖοι δὲ τοὺσ καλουμένουσ ἀντιβασιλεῖσ ἑλόμενοι τῶν ἀρχαιρεσίων ἕνεκα, ὃ ποιεῖν εἰώθασιν, ὅταν ἀναρχία κατάσχῃ τὴν πόλιν, ὑπάτουσ ἀπέδειξαν Λεύκιον Λοκρήτιον καὶ Τῖτον Οὐετούριον Γέμινον. ὑπερθεμένου καιρούσ.

προθυμία τε πολλὴ πᾶσιν ἐνέπεσε τιμωρήσασθαι τοὺσ ἐπιστρατεύσαντασ τῇ πόλει κατὰ τὸν τῆσ νόσου καιρόν·

καὶ αὐτίκα τῆσ βουλῆσ ψηφισαμένησ καὶ τοῦ δήμου τὸν πόλεμον ἐπικυρώσαντοσ κατεγράφοντο τὰσ δυνάμεισ, οὐδενὸσ τῶν ἐχόντων στρατεύσιμον ἡλικίαν οὐδ’, εἴ τινα ὁ νόμοσ ἀπέλυεν, ἀξιοῦντοσ ἐκείνησ ἀπολειφθῆναι τῆσ στρατείασ· νεμηθείσησ δὲ τριχῇ τῆσ δυνάμεωσ μία μὲν ὑπελείφθη φυλάττειν τὴν πόλιν, ἧσ ἡγεῖτο Κόιντοσ Φούριοσ ἀνὴρ ὑπατικόσ· αἱ δὲ δύο σὺν τοῖσ ὑπάτοισ ἐξῆλθον ἐπί τ’ Αἰκανοὺσ καὶ Οὐολούσκουσ. τὸ δ’ αὐτὸ τοῦτο καὶ ὑπὸ τῶν πολεμίων ἔτυχεν ἤδη γεγονόσ.

ἡ μὲν γὰρ κρατίστη δύναμισ ἀφ’ ἑκατέρου τῶν ἐθνῶν συνελθοῦσα ὑπαίθριοσ ἦν ὑπὸ δυσὶν ἡγεμόσι, καὶ ἔμελλεν ἀπὸ τῆσ Ἑρνίκων γῆσ, ἐν ᾗ τότ’ ἦν, ἀρξαμένη πᾶσαν ἐπελεύσεσθαι τὴν Ῥωμαίων ὑπήκοον· ἡ δ’ ἧττον ἐκείνησ χρησίμη τὰ οἰκεῖα πολίσματα ὑπελείφθη φυλάττειν, μή τισ ἔφοδοσ αἰφνίδιοσ πολεμίων ἐπ’ αὐτὰ γένηται.

πρὸσ ταῦτα βουλευομένοισ τοῖσ Ῥωμαίων ὑπάτοισ ἐδόκει κράτιστον εἶναι ταῖσ πόλεσιν αὐτῶν πρῶτον ἐπιχειρεῖν, κατὰ τοιόνδε τινὰ λογισμόν, ὅτι διαλυθήσεται τὸ κοινὸν αὐτῶν στράτευμα, εἰ πύθοιντο ἕκαστοι τὰ οἰκεῖα ἐν τοῖσ ἐσχάτοισ ὄντα κινδύνοισ, καὶ πολὺ κρεῖττον ἡγήσεται τὰ σφέτερα σώζειν, ἢ τὰ τῶν πολεμίων φθείρειν.

Λοκρήτιοσ μὲν οὖν εἰσ τὴν Αἰκανῶν ἐνέβαλεν, Οὐετούριοσ δ’ εἰσ τὴν Οὐολούσκων. Αἰκανοὶ μὲν οὖν τὰ ἔξω πάντα ἀπολλύμενα περιορῶντεσ τὴν πόλιν καὶ τὰ φρούρια εἶχον ἐν φυλακῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 69

(디오니시오스, Antiquitates Romanae, Books VII-IX, book 9, chapter 69)

상위

목록

SEARCH

MENU NAVIGATION