Dionysius of Halicarnassus, Antiquitates Romanae, Books VII-IX, book 9, chapter 64

(디오니시오스, Antiquitates Romanae, Books VII-IX, book 9, chapter 64)

διαφθαρέντων δὲ τούτων ἐπαρθέντεσ οἱ Αἰκανοὶ τῷ προτερήματι παρῆσαν ἐπὶ τὸν χάρακα τῶν Ῥωμαίων, τήν τε τοῦ Ποπλίου κεφαλὴν ἐπὶ δορατίου πεπηγυῖαν ἀνατείνοντεσ καὶ τῶν ἄλλων ἀνδρῶν τῶν ἐπιφανῶν, ὡσ δὴ τούτῳ καταπληξόμενοι τοὺσ ἔνδον καὶ ἀναγκάσοντεσ παραδοῦναι σφίσι τὰ ὅπλα. τοῖσ δ’ ἄρα πρὸσ μὲν τὴν συμφορὰν τῶν ἀπολωλότων ἔλεόσ τισ παρέστη καὶ ἀνεκλάοντο αὐτῶν τὴν τύχην, πρὸσ δὲ τὸν ἀγῶνα θράσοσ διπλάσιον ἐνέφυ, καὶ τοῦ νικᾶν ἢ τὸν αὐτὸν ἐκείνοισ τρόπον ἀποθανεῖν, πρὶν εἰσ πολεμίων χεῖρασ ἐλθεῖν, καλὸσ ἔρωσ. ἐκείνην μὲν οὖν τὴν νύκτα παρεστρατοπεδευκότων τῷ χάρακι τῶν πολεμίων ἄγρυπνοί τε οἱ Ῥωμαῖοι καὶ ἐπισκευάζοντεσ τὰ πεπονηκότα τοῦ χάρακοσ διετέλεσαν, τά τ’ ἄλλα, οἷσ ἀπερύκειν ἔμελλον αὐτούσ, εἰ πειραθεῖεν πάλιν τειχομαχεῖν πολλὰ καὶ παντοῖα εὐτρεπιζόμενοι.

τῇ δ’ ἑξῆσ αἵ τε προσβολαὶ πάλιν ἐγίνοντο, καὶ ὁ χάραξ διεσπᾶτο κατὰ πολλὰ μέρη·

καὶ πολλάκισ μὲν ὑπὸ τῶν ἐξιόντων κατὰ συστροφὰσ ἐκ τοῦ χάρακοσ ἐξεκρούσθησαν οἱ Αἰκανοί, πολλάκισ δ’ ἀνεκόπησαν ὑπ’ ἐκείνων οἱ θρασύτερον ἐπεξιόντεσ. καὶ τοῦτο δι’ ὅλησ τῆσ ἡμέρασ ἐγίνετο·

ἔνθα ὅ θ’ ὕπατοσ ὁ τῶν Ῥωμαίων σαυνίῳ διὰ τοῦ θυρεοῦ διαπερονηθεὶσ τιτρώσκεται τὸν μηρόν, καὶ ἄλλοι συχνοὶ τῶν ἐπιφανῶν, ὅσοι περὶ αὐτὸν ἐμάχοντο· ἤδη δὲ τοῖσ Ῥωμαίοισ ἀπειρηκόσιν ἀπροσδόκητοσ ἐπιφαίνεται περὶ δείλην ὀψίαν προσιὼν Κοίντιοσ, ἄγων τὴν ἐθελούσιον ἐπικουρίαν τῶν ἀκμαιοτάτων, οὓσ ἰδόντεσ οἱ πολέμιοι προσιόντασ ἀνέστρεφον ἀφέντεσ τὴν πολιορκίαν ἀτελῆ· καὶ οἱ Ῥωμαῖοι ἐπεξελθόντεσ αὐτοῖσ ἀπιοῦσι τοὺσ ὑστερίζοντασ ἐφόνευον. οὐ μέντοι ἐπὶ πολύν γε χρόνον ἐδίωξαν ἀσθενεῖσ ὄντεσ οἱ πολλοὶ ὑπὸ τραυμάτων, ἀλλὰ διὰ τάχουσ ἀνέστρεψαν.

καὶ μετὰ ταῦτα διὰ φυλακῆσ εἶχον ἑκάτεροι σφᾶσ αὐτοὺσ μένοντεσ ἐν ταῖσ παρεμβολαῖσ ἄχρι πολλοῦ.

일치하는 문장이 없습니다.

SEARCH

MENU NAVIGATION